Чачба, Баҭал-беи
| Баҭал-беи Чачба | |
|---|---|
| Аира |
1787 Аԥсуа Аҳра |
| Аԥсра |
~1842 Ҭырқәтәыла |
| Анхарҭа | Мархьаул |
| Адин | аԥсылманра |
Баҭал-беи — аҳиԥа. Қьалышь-беии Рабиа-ҳаным рыҷкәын[1].
Абиографиа
[аредакциазура | акод аредакциазура]Баҭал-беи диит 1787 ашықәсазы, Аҳ Қьалышь-беии аҳкәажә Рабиа-ҳаными рҭаацәараҿы[1]. Иашьа гәакьа Аслан-беии иареи еиҩызцәан. 1804 шықәсазы Қьалышь-беи Гәымтәи агьежьыра Ҳасан-беи аниҭа, иашьцәа еиҵбацәа, даҽакала иуҳәозар, Баҭал-беи рхылаԥшрагьы идиҵеит[1]. 1808 шықәсазы лаҵарамза 2 азы ахәра ӷәӷәа иоуит. Уи аиӷьхара дшаҿыз, агырцәа Аҟәа-Қале иақәлеит, дук мырҵыкәа Сафар-беи Баҭал-беи иани иареи иоуишьҭит. 1821 шықәсазы нанҳәа акы азы аҭауадацәа Амаршьанааи иашьцәеи иҭынхацәеи дрыцны аҳкәажәду Ҭамар лмазара дақәлеит[2]. Мархьаул дынхон, аха хара имгакәа Ҭырқәтәылаҟа диасит, уаҟа 1840-тәи ашықәсқәа рзы дыԥсит[1].
Азгәаҭақәа
[аредакциазура | акод аредакциазура]- ↑ 1,0 1,1 1,2 1,3 Ҷкәан Иури, Аԥсуа аҳцәа Чачаа рышьҭра, Қарҭ: Универсал, 2007.
- ↑ Гәымба Михаил, Аԥсҳа Дырмит (Омар-беи), Аҟәа, 2019.