Инал-иԥҳа, Афиза-ҳаным
| Афиза-ҳаным Инал-иԥҳа | |
|---|---|
 | |
| Аира |
? Аԥсуа Аҳра |
| Аԥсра |
1836 ашьҭахь Ҭрабзан, Османтәи аимпериа |
| Адин | Аԥсылманра |
| Ахаҵа | Қьалышь-беи |
Афизе-ҳаным — Қьалышь-беи Чачба аԥшьбатәи иԥшәмаԥҳәыс, ихәыҷқәа ран лоуп.[1]
Абиографиа
[аредакциазура | акод аредакциазура]Афиза-ҳаным аҭауадцәа Инал-иԥацәа рҭаацәараҿы диит. Ԥҳәысс дигеит Қьалышь-беи . Аԥсуа ақаԥдан - Нарчоу Инал-иԥа иҭынха лакәын. Уи лашьаԥҳа Тата Нарчоу-иԥҳа Инал-иԥҳа, Қьалышь-беи иԥа, аҳиԥа Ҳасан-беи иԥҳәыс лакәын.
Ахәыҷқәа
[аредакциазура | акод аредакциазура]Шаҟаҩы ахшара илоуз цқьа еилкаам, иҟалап урҭ аҳкәажәцәа ракәзар: Раби, Гамедина, Селмагьына, Назифа, Росҭа, Нафҭаина.
Аҳкәажәцәа ирҳәит анырра ду змаз ауаа. Нафҭаина-ҳаным Баҭымтәи абеи ԥҳәысс диман; Селмагьына-ҳаными Гамедина-ҳаными ҩыџьа аишьцәа аҭауадцәа ԥҳәысс иргеит: Алы-беии Мсоусҭеи Амаршьанаа; Назифа-ҳаным ԥҳәысс дигеит анырра ду змаз Ҳоџьа-оӷлы Ҳаџьи-беи; Раби-ҳаным ԥҳәысс дигеит Ҭрабзынтәи асерасқьыр Шәлиман-ԥашьа.
Афиза Шәлиман-беии Зеқьыр-беии ран лакәзар ҟаларын. Шәлиман-беи дҭахеит Аҟәатәи абааҿы, аинрал Рыкгоф излаиҳәоз ала, Зиықьыр-беи изкны иҳамоу аинформациа маҷуп. Аха Пол Гибал иажәабжь аҿы ҭауадк изкны иҳәоуп:
Минуҭқәак рышьҭахь, Сафир-беи иашьа дааит, 12 шықәса зхыҵуаз аҭауад, ахысреи аҽықәтәареи аҟны зеиԥш иҟамыз.[2]
Аха ари Зеқьырбеи иакәу иакәым еилыкка иаҳзыҳәом.
Аԥсра
[аредакциазура | акод аредакциазура]Афиза-ҳаным дыԥсит 1836 шықәса ашьҭахь, Ҭрабзан.[1]
Азгәаҭақәа
[аредакциазура | акод аредакциазура]- ↑ 1,0 1,1 Ҷкәан Иури, Аԥсуа аҳцәа рышьҭра, Қарҭ: Универсал, 2007.
- ↑ Гәымба Михаил, Сафар-беи, Аҟәа, 2017.