Чачба, Рабиа Аргәынаи-иԥа
| Рабиа Чачба | |
|---|---|
| Аԥсҳа Рабиа | |
  | |
|
Амаҵураҭыԥ ахь: 1459 – 1461 | |
| Аԥхьа иҟаз | Аргәынаи Чачба |
| Аҭынха | Салуман I |
|
| |
|
| |
| Аира | ? |
| Аԥсра | 1461 |
| Ани аби | Аргәынаи Чачба |
Рабиа Чачба — аҩбатәи Аԥсҳа (1459-1461).
Абиографиа
[аредакциазура | акод аредакциазура]Константинополь згаз аҭырқәцәа ирҿагылаз Қырҭтәыла аҳ Гьаргь VIII ихьыԥшцәа дыруаӡәкуп ҳәа илацәажәон. Иара Аԥсуа аҳра аԥхьатәи Аԥсҳа Аргәынаи, иаб иакәын. 1459-1461 шықәсазы анапхгара ҟаиҵеит[1]. Уи ибиографиа еилкаам шамахамзар. 1459 ашықәс азы Қырҭтәыла аҳ Гьаргь VIII Бургундиатәи аҳәынҭқар Филипп III изишьҭыз асаламшәҟәаҿы иазгәаҭоуп. Ашәҟәы зызку ақырҭуа ҳәынҭқар Константинополь ахақәиҭтәра хықәкыс иҟаҵаны аҭырқәцәа ирҿагыланы имҩаԥигоз акоалициа ауп. Гьаргь еизигаз арратә мчқәа рсиа ҟаҵоуп, ҷыдала иаҳәоит:[2]
"Аԥсны аҳ Рабиа ажәа сиҭеит иашьцәеи, иҳьыԥшцәеи, ируааи зегьы дрыцны аҭырқәа дшиҿагыло."[2]