Агрба, Владимир Бабахь-иԥа

Владимир Бабахь-иԥа Агрба
Владимир Бабахь-иԥа Агрба
	Владимир Бабахович Агрба
	; Владимир Бабахь-иԥа Агрба
Аира	ԥхынгәымза 10, 1935 ш. ; Кәтол ақыҭа, Очамчыра араион, Аԥснытәи АССР
Аԥсра	хәажәкырамза 29, 2020 ш.
Аусура	аԥсуа литератураҭҵааҩы, афольклорист
Абызшәақәа	Аԥсуа бызшәа,; аурыс бызшәа
Атәылауаҩра	Аԥсны Аҳәынҭқарра,; Асовет Еидгыла
Алма-матер	Абхазский государственный университет,; Институт мировой литературы имени А. М. Горького РАН
Анашьамҭақәа	орден «Честь и слава»

Владимир Бабахь-иԥа Агрба (аур. Владимир Бабахович Агрба; ԥхынгәымза 10, 1935 ш., Аԥсны, Очамчыра араион Кәтол ақыҭа — хәажәкырамза 29, 2020 ш.) – аԥсуа литератураҭҵааҩы, афольклорист. Афилологиатә ҭҵаарадыррақәа ркандидат (1967). Аԥсны аҭҵаарадырра зҽаԥсазтәыз аусзуҩы ҳәа аҳаҭыртә хьӡы ихҵан (2015), «Ахьӡ-Аԥша» аорден ахԥатәи аҩаӡара ианашьан. СССР ашәҟәыҩҩцәа Реидгылеи (1983), Аԥсны ашәҟәыҩҩцәа Реидгылеи, Урыстәыла ашәҟәыҩҩцәа Реидгылеи (1999) дрылан. Дыҩуан аԥсышәалеи урысшәалеи.

Абиографиа

Ашкол дҭалеит 1943ш., аҵара иҵон Кәтолтәи ихарҭәаам абжьаратә школ аҟны. 1950 ш. иҵара иациҵеит Тамшьтәи абжьаратәи ашкол аҟны. Аҩбатәи акласс аҟны дантәаз аԥсышәала аҵара аанкыланы ақырҭшәахь ииаган. В. Агрба ашкол далгеит 1954 шықәсазы. А. М. Горки ихьӡ зхыз Аҟәатәи аҳәынҭқарратә арҵаҩратә институт афилологиатә факультет далгеит (1959), иара убас СССР аҭҵаарадыррақәа Ракадемиа А. М. Горки ихьӡ зху Адунеитә литература аинститут аспирантура (1965). 1959-1961 ш. ш. раан Кәтолтәи актәи абжьаратәи ашкол аҟны дырҵаҩын. Аспирантура даналга акәзар, хышықәса усурҭада дыҟан. 1968 ш. аҭҵаарадырратә усзуҩы еиҳабыс дрыдыркылеит Д. И. Гәлиа ихьӡ зху абызшәеи алитературеи, аҭоурыхи ринститут (уажәы Аԥсуаҭҵаара аинститут) аҟны, 1975 ш. нахыс – аҭҵаарадырратә усзуҩы еиҳабыс, 2012 ш. инаркны – усзуҩы хадас.

Иҭҵаарадырратә статиақәеи ишәҟәқәеи рызкуп Д. Гәлиа, Ж. Ачба, Гь.Чачба, С. Ҷанба, М. Лакрба, Кь. Чачхалиа, Б. Шьынқәба, А. Аџьынџьал, М. Миқаиа, Р. Лашәриа, Е. Ажьиба, И. Аҳашба, Гә. Сақаниа, Гә. Кәыҵниа уҳәа егьырҭгьы рырҿиамҭақәа, иара убас алитература-фольклортә еимадарақәа. Истатиақәа кьыԥхьуп ажурнал «Алашара», «Аԥсуа институт Адыррақәа» уҳәа рҟны.

Абиблиографиа

Абхазская поэзия и устное народное творчество, Тбилиси, 1971, Ашәҟәыҩҩи жәлар рырҿиамҭеи. Алитера-ҭҵааратә статиақәа. Аҟәа, 1977.
Аԥсҭазаареи ахәрыбӷьыци. Алитература-критикатә статиақәа. Аҟәа, 1980.
Из истории дореволюционной абхазской литературы. Сухуми, 1988.
Р. Лашәриа. Арҿиаратә потреҭ. Аҟәа, 2013.
Б. У. Шьынқәба ипоезиеи жәлар рҿаԥыц рҿиамҭеи. Аҟәа, 2014.

Азхьарԥшқәа