Трамп, Дональд Џьон

Дональд Трамп
Donald Trump
47-тәи ЕАА рпрезидент
амаҵураҭыԥ ахь
Амаҵураҭыԥ ахь: ажьырныҳәамза 20, 2025 ш. инаркны
Апрезидент ихаҭыԥуаҩ	Џьеи Ди Венс
Аԥхьа иҟаз	Џьо Баиден
45-тәи ЕАА рпрезидент
Амаҵураҭыԥ ахь: ажьырныҳәамза 20, 2017 ш. – ажьырныҳәамза 20, 2021 ш.
Апрезидент ихаҭыԥуаҩ	Маик Пенс
Аԥхьа иҟаз	Барак Обама
Аҭынха	Џьо Баиден
Аполитикатә партиа
Алахәылара	Ареспубликатә партиа (1987 ш.–1999 ш.) Еиду Америкатәи Аштатқәа ареформисттә партиа (1999 ш.–2001 ш.) Адемократиатә партиа (2001 ш.–2009 ш.) Ареспубликатә партиа (2009 ш.–2011 ш.) апартиа иалам (2011 ш.–2012 ш.) Ареспубликатә партиа (2012 ш. инаркны)
Ахатәы хьӡы	Donald John Trump
Аира	рашәарамза 14, 1946 ш. (80 ш.) Медицинский центр Джамейки
Амилаҭра	Американцәа шкәакәақәа
Атәылауаҩра	Еиду Америкатәи Аштатқәа
Абызшәақәа	англыз бызшәа, американский вариант английского языка
Ахаҵа/Аԥҳәыс	Ивана Трамп (1977 ш.–1990 ш.), Марла Мейплз (1993 ш.–1999 ш.), Мелания Трамп (2005 ш. инаркны)
Ацынхаҩы	Кара Янг
Ани аби	Мэри Энн Маклауд, Фред Трамп
Ахәыҷқәа	Дональд Трамп-еиҵбы, Иванка Трамп, Ерик Трамп, Тиффани Трамп, Беррон Трамп
Ауацәа	Мэриэнн Трамп Бэрри, Фред Трамп-младший, Роберт Трампи Елизабет Трамп Грау (ашьцәеи аиаҳәшьцәеи) Џьон Трамп (иаб иашьа) Елизабет Трамп (иаб иҟынтәи ианду) Џаред Кушнер (амаҳә) Лара Трамп (аҭаца) Ванесса Трамп (аҭаца) Трамп, Мери Леа (аиашьиԥа) Џьон Уитни Уолтер (иаб иашьа иԥа) Кай Мэдисон Трамп, Дональд Трамп III, Тристан Милош Трамп, Хлои Софиа Трампи Спенсер Фредерик Трамп (амаҭацәа)
Анхарҭа	Белый дом (2025 ш. инаркны)
Алма-матер	Фордемский университет, Уортонская школа бизнеса, Школа Кью-Форест, Нью-Йоркская военная академия, Пенсильванский университет
Аусура	промышленный магнат, инвестор, аполитик, ведущий игрового шоу, торговец недвижимостью, телепродюсер, кинопродюсер, ашәҟәыҩҩы, актёр, CEO, торговец, бизнесмен, предприниматель
Амазара	2,5 mld. $ (2022 ш.) 3,1 mld. $ (2018 ш.)
Адин	пресвитерианство (2020 ш. рҟынӡа) Неденоменационное (внеконфессиональное) христианство (2020 ш. инаркны) реформатство
Анашьамҭақәа	Звезда на голливудской «Аллее славы» Time 100 … еиҳаны аинформациа Авикидыррақәа аҟны
Анаԥынҵамҭа
Асаит	https://donaldjtrump.com https://www.45office.com
Commons Трамп, Дональд Џьон

Дональд Џьон Трамп (англ. Donald John Trump; рашәарамза 14, 1946 ш., Куинс, Ниу-Иорк) — 45-тәии 47-тәии Еиду Америкатәи Аштатқәа рпрезидент. Дональд Трамп иоура 188 см. иҟоуп, икапан акәзар – 115 кьыла инаӡоит. Иара динхаҵарала пресвитериануп.

Имал шьақәзыргыло еиуоуп аҩнеихагыла ду Trump Tower, уаҟоуп Трамп иҭаацәагьы ахьынхо. Ошәабжьытә азырҭ иқақәҵарҵәақәа ҳҭысара иҟәаҳара.

Дональд Трамп инысмҩа

Трамп иан – Мери Енн Маклауди, иаб – Фред Трампи идууз аргыларатә корпорациа напхгаҩцәас иаман. 1936 шықәса рзы хаҵеи-ԥҳәыси активла аусдкылара рнапы алакын, абизнес арҭбааразы дара иаархәоит аколлеџь Ниу-Иорк. Абри ахыбра аҟны Трамп иқәыԥшра аамҭа зегьы ихигеит, уа инхон иареи иеиҳабацәаз иаҳәшьцәеи иашьцәеи ԥшьҩык. Дхәыҷаахыс Дональд аԥыза иҟазшьақәа инубаалон. 1959 шықәсазы Дональд Трамп иҭаацәа ирыӡбеит Ниу-Иорктәи арратә академиа дҭарҵарц.

Академиа аҟны Дональд аҵара бзианы иҵон, аԥсҭазаара аилашреи ауаажәларратә усқәеи даара активла дрылахәын. Иара аныҳәатә марш еиҿкааҩыс дыҟан, Аинышәара амш азы имҩаԥгаз. Дональд Трамп имоуп хыԥхьаӡара рацәала амедальқәа, ианашьоуп аспорттә еицлабрақәа рҟны иигоз аиааирақәа рзы аҳамҭақәа, иара убасгьы акыр анаукатә конфренциақәа рҟны далкаан.

Даныҷкәыназ Дональд актиорс аусура даара игәы азыҳәон. Аха академиа даналга, аԥхьаҟа ипрезидентхараны иҟаз, иаб иус иациҵарц иӡбоит, иԥсҭазаарагьы аусдкылара иамеидоит. Уи азын Дональд Трамп дҭалоит Фордемтәи ауниверситет, «Аекономикеи афинансқәеи» рзанааҭ ала. Аха иара аҵара дзалымгеит аҟынтә, иара убри азаанаҭ ала Уортонтәи абизнес ашкол ахь диасуеит. 1968 шықәсазы Трамп иреиҳаӡоу аҵараиурҭа дшалгаз азы адокумент иоуеит.

Абизнеси аусуреи

Абизнес – ашкол аҟны иҵара аан Дональд Трамп далагоит раԥхьатәи аусқәа идкылара. Аиқәышаҳаҭрақәа иаб ибжьацәажәара ала акәын инапы шаҵеиҩуаз. Аусдкылаҩ қәыԥш илшоит 6.000.000 Еиду Америкатәи Аштатқәа рдоллар арҳара.

Сентиабр мза 12, 1968 шықәсазы иаԥҵан аилазаара Trump Organization. Дональд раԥхьатәи иргыларатә проектны иҟан уаанӡатәи аотель-асасааирҭа Commodore. Иара ари аргылара хә-маҷла иааихәеит, анаҩс еиҭашьақәиргылан, уа асасааирҭа Grand Hyatt ааиртит.

1980-тәи ашықәсқәа рзы Трамп икомпаниа иаргылоит абааш Trump Tower. Ари аҩнеихагыла ду Ниу-Иорк ақалақь аҟны ахыбрақәа зегьы иаарылыҳәҳәо иҟалеит. Дональд ари ахыбра ауадақәа реиҳарак аофисқәа рцентрқәеи анхарҭатә аппартаментқәеи ишаны ириҭеит. 1982 шықәса рзы аусдкылаҩ иргылоит даҽа хыбрак Trump Plaza Hotel & Casino, ари адунеи зегьы аҟны зегь реиҳа ибеиоу, иԥшӡоу аотель-казино акәны иҟалеит.

1990-тәи ашықәсқәа рзы Дональд Трамп икомпаниа акыр афинанстә уадаҩрақәа азцәырҵит, абанкротра дақәшәарцгьы акааигымхеит. Аха, абизнесмен 10.000.000.000 америкатәи адоллар ала акредит игеит. Анаҩс, 1997 шықәсазы Трамп арҭ аԥарақәа зегьы ауалҳәаҩцәа ирызиргьежьит, аргыларатә проектқәагьы ирыциҵоит.

Ԥшьышықәса ааҵхьаны, Дональд Еиду Амилаҭқәа Реиҿкаара аштаб-квартира азааигәара абаашхьыҵәцара Trump World Tower иргылоит. 2000 –тәи ашықәсқәа рзы амагнат Жәларбжьаратәи аотель аргылара инапы алакын. Ари апроект хыркәшамызт, 2001 шықәса рзын аҭыԥ змаз атерракт иахҟьаны, насгьы 2008 шықәсазтәи адунеитә финансттә кризис иахҟьаны.

Акыр ауалқәа ирыхҟьаны амиллиардер ихатә корпорациа аҟны иааникылоз адиректор хада иҭыԥ аанижьыр акәхоит. Аҵыхәтәантәи иара ипроект акәхеит Чикаго аханхьыҵәцара аргылара. Ари ахыбра аҳаракырала Еиду Америкатәи Аштатқәа рҟны игылоу ахыбрақәа рыҳаракырала зегь иреиҳау рахьтә ахԥатәиуп.

Имазара ахәшьара аҭара

2016 шықәсазы Дональд Трамп имазара ишьақәнаргылеит 4.000.000.000 америкатәи адоллар. Иара ихатәны имоуп хыԥхьаӡара рацәала еиҭамҵуа амал. Амагнат спонсорс дрымоуп акыр аилазаарақәа атуризм, аспорт, арлахҿыхратә хырхарҭаҟны, урҭ иара акыр ахашәалақәа изаарышьҭуеит. 2009 шықәсазы абизнесмен авитаминқәеи амедицинатә хәшәхкқәеи рыла ахәаахәҭра еиҿикаауеит.

2018 шықәсазы, аҳәынҭқарра ахада имазара миллиардк доллар рҟынӡа илаҟәит. Иахьанӡа Еиду Америкатәи Аштатқәа рхадас иҟаз мызктәи иуалафахәы 35.000 нызқь мааҭ рҟынӡа инаӡон.

Аполитикатә кариера

Дональд Трамп 2001 шықәсазы Адемократиатә партиа далахәылахеит. Жәеиза шықәса ааҵхьаны дреспубликанецхоит. 2015 шықәсазы аусдкылаҩ аҳәамҭа ҟаиҵеит Еиду Америкатәи Аштатқәа рхадас икандидатура шықәиргыло ала. Дональд Трамп икандидатура ықәиргылеит аспонсортә дгылара имамкәа. Аха иалхратә компаниа акыр акорпорациақәа финансла ацхыраара азыҟарҵон, урҭ рыбжьара иҟан акомпаниа WWE, ари аилазаара арестлинг азы аусмҩаԥгатәқәа нанагӡон.

Дональд Трамп иалхратә программа ихадоу апунктқәа ируакын Урыстәылатәи Афедерациеи Еиду Америкатәи Аштатқәеи реизыҟазаашьақәа рҭышәныртәалара. Дональд Трамп арҭ алхрақәа рҟны Хиллари Клинтони иареи еиндаҭлон, адемократцәа рҟынтә адгылара лыман. Аҿцәажәарақәеи ақәгыларақәеи раан дара рыбжьара акыр аҭыӡшәақәа аҭыԥ рыман, уи, ҳәарада, алхыҩцәа ҿыцқәа аднаԥхьалон. Еиҳаракгьы аимак-аиҿак ахылҿиаауан Еиду Америкатәи Аштатқәа рахь аҭыԥ змаз илегалтәым аиммиграциа, насгьы Барак Обама имедицинатә реформақәа, иара убасгьы Китаитәи Жәлар рреспубликеи Америкеи рхәаахәҭратә еизыҟазаашьақәа.

Аӡәырҩы аекспертцәеи аполитикцәеи Трамп даҵахоит алхрақәа рҟны ҳәа азгәарҭон, уи аусдкылаҩ истатус ахьимаз азы. Аха урҭ ирҳәоз ҟамлеит. Дональд Трамп итезис хадақәа Еиду Америкатәи Аштатқәа руааԥсыра даара иргәаԥхон, уи иабзоурахеит ноибар мза 8, 2016 шықәса рзы иигаз хьаҳәаԥаҳәадатәи аиааира. Еиду Америкатәи Аштатқәа рпрезидент иалхрақәа официалла ишьақәырӷәӷәан ажьырныҳәамза, 2017 шықәсазы. Апрезидент имаҵзура дахагылеит жәабранмза 20, 2017 шықәсазы.

Трамп апрезидент

Дональд Трамп ипрезиденттә ҿҳәара ишалагаз еԥш аҩныҵҟатәи аполитика аҟны ашәахттә реформақәа рымҩаԥгара хырхарҭа хаданы иаликааит. Аҳәынҭқарра ахада ахашәала азы ашәахтә ирмаҷит, аиуристтә хаҿқәа рзын ашәахтә қәынкыларақәа аԥыхын, апрогрессивтә шәахтә азы аградациа асистема ҿыц аԥиҵеит.

Ас еиԥш алагала ҿыцқәа рнаҩс Еиду Америкатәи Аштатқәа иреиҳаӡоу акорпорациақәа (Apple, Microsoft, Facebook, Amazon), ркапиталқәа рыхәҭак Еиду Америкатәи Аштатқәа рахь иргьежьын. Апрезидент даара иҽԥишәеит амедицинатә ԥгаԥсазы азакәан иԥсахырц, Барак Обама инапы зҵеиҩыз. Аха ас еиԥш аԥшьгара адемократцәа адымгылеит. Убри аҟынтә азакәан аус шауц иауа иаанхеит. Иара убасгьы, Дональд Трамп аресурсқәа аҿиара иаҿыз акыр атәылақәа рҟынтәи Еиду Америкатәи Аштатқәа рахь аргьежьра еиҿикааит. Хәажәкырамза 2018 шықәсазы аҳаза алагалан Китаитәи Жәлар Рреспубликеи Мексикеи рҟынтәи иаарго аалыҵқәа рзы. Акыр акорпорациақәа раалыҵ аҭыжьра Еиду Америкатәи Аштатқәа рахь ииаргеит, уи иалнаршеит хыԥхьаӡара рацәала аусутә ҭыԥқәа раԥҵара.

Дональд Трамп идәныҟатәи аполитика аҷыдарақәа ируакын Мексикаи Мрагылара Ааигәа аҳәынҭқаррақәеи ртәылауаа рганахь ала амиграциатә закәанԥҵара арӷәӷәара. 2017 шықәсазы илегалтәым аиммигрантцәа ирҿагыланы ақәԥаразы аусԥҟақәа ҭыжьын, иара убасгьы адҵа ҟаҵан мексикатәи аҳәаа иахьаԥну аҭӡамц аргыларазы. Ари аҭӡамц аргылара атәыла абиуџьет аҟынтәи аԥара рацәа аҭаххон. Асенат аҟны Ареспубликатә партиа ахаҭарнакцәа аҭыԥқәа реиҳарак ахьааныркыло, ари аӡбамҭа иадгылеит. Аха ахаҭарнакцәа Рпалата аҟны, уа адемократцәа еиҳауп, аҭӡамц аргылара азы аԥара азоужьра мап ацәыркуеит.

Ажьырныҳәамза 2017 шықәсазы Дональд ахҵәацәа рыдкылара аамҭала аанкыларазы, ааигәамрагыларатәи арегион аҳәынҭқаррақәа рҟынтә, иара убасгьы аԥкрақәа алагалан даҽа араб ҳәынҭқаррақәа быжьбы рзы. Арҭ азакәанқәа адискриминациатә ҟазшьа рымоуп ҳәа иԥхьаӡан, Иреиҳаӡоу аӡбарҭагьы уи аблокада азнауит.

2017 шықәса сентиабр мзазы, аҳәынҭқарра ахада илегалм амигрантцәа рхәыҷқәа рыхьчаразы аус зуаз апрограмма аԥыхра рылеиҳәоит. Еиду Америкатәи Аштатқәа ирыҵанакуа ақалақь дуқәа рҿы имҩаԥгаз ақәгыларақәа инарымаданы ари ақәҵара анапы аҵаҩымкәа иаанхеит.

2018 шықәсазы, атәыла ахада иусбарҭа аҳәамҭа ҟанаҵеит Еиду Америкатәи Аштатқәа жәларбжьаратәи аекологиатә еиқәышаҳаҭра ишалҵуа азы. Аусура иаҟәыҵит арацәаҵхреи, анефт аалыҵқәеи, аихаӡеи рыԥшыхәра азы алицензиа аҭара азин ҟазымҵоз азакәан.

Еиду Америкатәи Аштатқәа рпрезидент иполитика массала атәылауаа ргәынамӡара цәырнагеит. Иқәгылоз дҵаны иҟарҵон алхранӡатәи аҳәамҭақәа рынагӡаразы. Аӡәырҩы аполитикцәеи аҳәынҭқарратә усзуҩцәеи ықәгылеит атәыла ахада изын аимпичмент рылаҳәаразы. Аполитикатә гәыԥқәа рҟны аиҳабыра русура аанкыларазы аиҿагыларақәа аҳәынҭқарратә усзуҩцәа уалафахәыда иааннажьит.

Трамп ихатәы ԥсҭазаареи ихәыҷқәеи имаҭацәеи

Еиду Америкатәи Аштатқәа 45-тәи апрезидент хҩык аҳәса ааигахьан. Арҭ аҭаацәарақәа зегьы рҟынтәи иара имоуп хәҩык ахәыҷқәеи ааҩык амаҭацәеи. Дональ Трамп раԥхьатәи иԥҳәыс амодель Ивана Трамп лакәын. Урҭ рчара ҟалеит 1977 шықәса рзы.

Дональд Трамп раԥхьатәи иԥҳәыс илыхшеит хҩык ахәыҷқәа: Дональд Џон (аиҵбы), Иванка, Ерик. Ахәыҷқәа иахьагьы раб ибизнес анагӡара рнапы алакуп. 1990-тәи ашықәсқәа рзы аҭаацәара хыбгалоит, аҩныҵҟатәи аҭыӡшәақәа ирыхҟьаны.

Дональд Трамп раԥхьатәи иԥа Трамп - аиҵбы америкатәи афотомодель Ванесса Трамп ԥҳәысс димоуп. Урҭ ирыхшеит хҩык ахшара: Кеи Медисон, Хлоиа Софиа, Дональд Джон III, Тристан Милоси Фредерики.

Иванка Трамп Джаред Кунераи диццоит, уи аиудеицәа дреиуан. Лхаҵа иҭаацәа милаҭла иауриацәан, Ниу-Иорк инхоз ауриацәа рдиаспора рыбжьара даара пату зқәыз ҭаацәаран. Атәыла ахада иԥҳа аиудиеицәа рдинхаҵара лыдылкылоит. Дара ирыхшеит хҩык ахәыҷқәа: Теодор Джеимс, Джозеф Фредерик, Арабелла Роуз.

Ерик Трамп иакәзар, асупермодель Лара Иунаско ԥҳәысс дигеит. Уи иԥҳәыси иареи Манхеттен инхоит. Ерик иԥҳәыс афотоҭыхра лнапы алакуп, убри аҟынтә лассы-ласс Лос-Анџьелесҟа афотоҭыхразы ицалоит.

1993 шықәсазы Дональд Трамп аҩынтә раан ԥҳәыс дигоит, уи динасыԥхеит акиноактриса Марла Енн Меиплз. Аҩбатәи аҭаацәараҿы Дональд дихшоит аԥҳа Тиффани. Иахьа лара актрисахара лҽазылшәоит, инстаграмм аҿы лхатә даҟьа лымоуп, Голливуд астудиақәа рҟны аус луеит аамҭа-аамҭала.

Иахьанӡа Дональд Трамп иԥҳәыс лакәын афотомодель Меланиа Трамп. Урҭ 24 шықәса рыбжьоуп. Трамп ахԥатәи иԥҳәыс длыхшеит аԥа Беррон. Аӡәырҩы ишьақәдырӷәӷәоит уи даутиступ ҳәа.

Абиблиографиеи аҳамҭақәеи

Дональд Трамп иԥсҭазаара зегьы апублицистика даҿын. Иара иҩит 17 шәҟәы, урҭ рҟны еиҭеиҳәоит иеихьӡарақәа рҭоурыхқәа, иусдкыларатә усура ахаҭарақәа раартра хықәкыс иҟаҵаны.

Апрезидент аҵыхәтәантәи ишәҟәы иахьӡуп “Изувеченная Америка: Как сделать Америку снова великой”. Уа Дональд Трамп иахьатәи Еиду Америкатәи Аштатқәа иадҳәалоу акыр аинтерс зҵоу афактқәа ааигоит.

Адәныҟатәи аполитикеи аекономикеи рҟны иеихьӡарақәа рзы Трамп ианашьоуп адгьылбжьаха Еллис Ҳаҭыр зқәу амедаль, Апрезидент иорден «Сияние», Абдель-Азиз иордени «Агәымшәаразы» ахьтәы медали, урҭ Дональд ианаршьеит Афганистантәи ижәытәӡатәиу аимшьҭрақәа раԥхьагылаҩцәа.

Дональд Трамп – аҵыхәтәантәи ажәабжьқәа

Ажьырныҳәамза 2019 шықәсазы Дональд Трамп иалхрақәа рымҩаԥысшьа шаҟа ииашаз, азакәантә шьаҭа ахьынӡамаз атәы зҳәоз алҵшәақәа кьыԥхьын. Аусҭҵааҩцәа ишьақәдырӷәӷәоит, алхрақәа рылҵшәақәа урыстәылатәи амаҵзура ҷыдақәа даара анырра арҭеит ҳәа, уаанӡатәи аусдкылаҩи дареи аиқәышаҳаҭра рыбжьарҵеит ҳәа.

2019 шықәса жәабранмзазы апрезидент аҳәамҭа ҟаиҵеит акосмостә архәҭақәа шаԥҵахо азы. Урҭ ззырхаз аракетақәа ҵәҩанҵәыҟа рдәықәҵара акәын, уа аӷа ибаллистикатә џьаԥҳаны аԥшааразы.

Хәажәкырамза 2019 шықәсазы Дональд Трамп аҳәамҭа ҟаиҵеит ИГИЛ атеррористтә еиҿкаара иаиааиуп ҳәа, уи аҳәамҭа иара жәларбжьаратәи арена аҟны иреитинг шьҭнахит.