Кортуа, Иван Еснаҭ-иԥа

Иван Еснаҭ-иԥа Кортуа (хәажәкырамза 4, 1910 ш., Лыхны, Гәдоуҭа араион — 1969 ш.) — Аԥсуа акомпозитор.

Абиографиа

Аԥсны аҟазара зҽаԥсазтәыз аусзуҩы Иван Еснаҭ-иԥа Кортуа данысит арҿиаратә ԥсҭазаара лаша, ихы ааирԥшит згәырҵҟәыл бзиаз акомпозитор, аиҿкааҩ, Аԥсны амузыкатә ҟазара аларҵәаҩ иаҳасабала. Иара Аџьынџьтәылатәи еибашьра Дуӡӡа (1941-1945шш.) даветеранын, ианашьан Аеҵәа Ҟаԥшь аордени амедалқәа хԥеи. Кортуа Иван Еснаҭ-иԥа Аԥсны амилаҭтә культура аҿиараҿы илагала дууп.

Иара иаԥшьгарала еиҿкаан еицырдыруа абыргцәа рыкәашаратә рашәаҳәаратә етнографиатә ансамбль «Нарҭаа». И. Е. Кортуа илагала рацәоуп аԥсуа жәлар ржәытә инструментқәа реиҭашьақәыргылараҿы. Иара дравторуп акыр музыкатә рҿиамҭақәа, дреиуоуп аԥсуа фольклор аизгаҩцәа. Иара ихьӡ ахҵоуп Аԥсны жәлар рырҿиаратә республикатә центр.

Алитература

• Акрызҵазкуа арыцхәқәа рамзар, Аҟәа, 2015 ш.
• Данельян А.В. С песней народа на устах. – Сухум: Алашара, 1979.
• Аргун А.Х. Щедрый талант певца души народной//Сов. Абх. - 1981. – 17 февраля. - С.2.