Трамп, Дональд Џьон

Аматериал Авикипедиа аҟынтә - зхы иақәиҭу аенциклопедиа
Дональд Трамп» аҿынтә еиҭа ишьҭиз)
Дональд Трамп
Donald Trump
Дональд Трамп
45-тәи ЕАА рпрезидент
Амаҵураҭыԥ ахь:
ажьырныҳәамза 202017 ш. – ажьырныҳәамза 202021 ш.
Апрезидент ихаҭыԥуаҩ Маик Пенс
Аԥхьа иҟаз Барак Обама
Аҭынха Џьо Баиден

Аполитикатә партиа
Алахәылара Ареспубликатә партиа (1987 ш.–1999 ш.)
Еиду Америкатәи Аштатқәа ареформисттә партиа (1999 ш.–2001 ш.)
Адемократиатә партиа (2001 ш.–2009 ш.)
Ареспубликатә партиа (2009 ш.–2011 ш.)
апартиа иалам (2011 ш.–2012 ш.)
Ареспубликатә партиа (2012 ш. инаркны)

Ахатәы хьӡы Donald John Trump
Аира рашәарамза 14, 1946 ш. (77 ш.)
Медицинский центр Джамейки
Амилаҭра белые американцы
Атәылауаҩра Еиду Америкатәи Аштатқәа
Абызшәақәа Англыз бызшәа
Ахаҵа/Аԥҳәыс Ивана Трамп (1977 ш.–1990 ш.),
Марла Мейплз (1993 ш.–1999 ш.),
Мелания Трамп (2005 ш. инаркны)
Ани аби Мэри Энн Маклауд,
Фред Трамп
Ахәыҷқәа Дональд Трамп-младший,
Иванка Трамп,
Эрик Трамп,
Тиффани Трамп,
Бэррон Трамп
Ауацәа Мэриэнн Трамп Бэрри, Фред Трамп-младший, Роберт Трампи Элизабет Трамп Грау (ашьцәеи аиаҳәшьцәеи)
Джон Трамп (брат отца)
Элизабет Трамп (бабушка по отцу)
Джаред Кушнер (зять)
Лара Трамп (сноха)
Ванесса Трамп (сноха)
Трамп, Мэри Леа (племянница)
John Whitney Walter (кузен)

Кай Мэдисон Трамп, Дональд Трамп III, Tristan Milos Trump, Хлои София Трампи Спенсер Фредерик Трамп (амаҭацәа)
Анхарҭа Мар-а-Лаго
Алма-матер Фордемский университет,
Уортонская школа бизнеса,
Школа Кью-Форест,
Нью-Йоркская военная академия,
Пенсильванский университет
Аусура промышленный магнат,
инвестор,
ресторатор,
аполитик,
ведущий игрового шоу,
торговец недвижимостью,
телепродюсер,
кинопродюсер,
ашәҟәыҩҩы,
актёр,
CEO,
конспиролог,
торговец
Амазара 2,5 mld. $ (2022 ш.)[1]
3,1 mld. $ (2018 ш.)[2]
Адин пресвитерианство
Анашьамҭақәа Звезда на голливудской «Аллее славы»
орден Свободы
орден Мухамадийя
Time 100
Шнобелевская премия
… подробнее на Викиданных
Анаԥынҵамҭа
Асаит https://www.donaldjtrump.com
https://www.45office.com
Дональд Трамп, 2015 ш.

Дональд Џьон Трамп (диит ииун мза 14, 1946 шықәсазы, ақалақь Ниу-Иорк иаҵанакуа Куинс аҳабла аҿы) америкатәи аҳәынҭқарратәи усзуҩы, аполитик, анаплакҩы. Уи Еиду Америкатәи Аштатқәа 45-тәи президентс дыҟан. Дональд Трамп иоура 188 см. иҟоуп, икапан акәзар – 115 кьыла инаӡоит. Иара динхаҵарала дпресвитерианинуп. Имал шьақәзыргыло еиуоуп аҩнеихагыла ду Trump Tower, уаҟоуп Трамп иҭаацәагьы ахьынхо.[3]

Дональд Трамп инысмҩа[аредакциазура | акод аредакциазура]

Трамп иан – Мери Енн Маклауди иаб – Фред Трампи идууз аргыларатә корпорациа напхгаҩцәас иаман. 1936 шықәса рзы хаҵеи- ҧҳәыси активла аусдкылара рнапы алакын, абизнес арҭбааразы дара иаархәоит акоттеџь Ниу-Иорк. Абри ахыбра аҟны Трамп иқәыҧшра аамҭа зегьы ихигеит, уа инхон иареи иеиҳабацәаз иаҳәшьцәеи иашьцәеи ԥшьҩык. Дхәыҷаахыс Дональд аҧыза иҟазшьақәа инубаалон. 1959 шықәсазы Дональд Трамп иҭаацәа ирыӡбеит Ниу-Иорктәи арратә академиа дҭарҵарц.

Академиа аҟны Дональд аҵара бзианы иҵон, аҧсҭазаара аилашреи ауаажәларратә усқәеи даара активла дрылахәын. Иара аныҳәатә марш еиҿкааҩыс дыҟан, Аинышәара амш азы имҩаҧгаз. Дональд Трамп имоуп хыҧхьаӡара рацәала амедальқәа, ианашьоуп аспорттә еицлабрақәа рҟны иигоз аиааирақәа рзы аҳамҭақәа, иара убасгьы акыр анаукатә конфренциақәа рҟны далкаан.[4]

Даныҷкәыназ Дональд актиорс аусура даара игәы азыҳәон. Аха академиа даналга, аҧхьаҟа ипрезидентхараны иҟаз, иаб иус иациҵарц иӡбоит, иҧсҭазаарагьы аусдкылара иамеидоит. Уи азын Дональд Трамп дҭалоит Фордемтәи ауниверситет, «Аекономикеи афинансқәеи» рзанааҭ ала. Аха иара аҵара дзалымгеит аҟынтә, иара убри азаанаҭ ала Уортонтәи абизнес ашкол ахь диасуеит. 1968 шықәсазы Трамп иреиҳаӡоу аҵараиурҭа дшалгаз азы адокумент иоуеит.[5]

Абизнеси аусуреи[аредакциазура | акод аредакциазура]

Абизнес – ашкол аҟны иҵара аан Дональд Трамп далагоит раҧхьатәи аусқәа идкылара. Аиқәышаҳаҭрақәа иаб ибжьацәажәара ала акәын инапы шаҵеиҩуаз. Аусдкылаҩ қәыҧш илшоит 6.000.000 Еиду Америкатәи Аштатқәа рдоллар арҳара.

Сентиабр мза 12, 1968 шықәсазы иаҧҵан аилазаара Trump Organization. Дональд раҧхьатәи иргыларатә проектны иҟан уаанӡатәи аотель- асасааирҭа Commodore. Иара ари аргылара хә-маҷла иааихәеит, анаҩс еиҭашьақәиргылан, уа асасааирҭа Grand Hyatt ааиртит.[6]

1980 - тәи ашықәсқәа рзы Трамп икомпаниа иаргылоит абааш Trump Tower. Ари аҩнеихагыла ду Ниу-Иорк ақалақь аҟны ахыбрақәа зегьы иаарылыҳәҳәо иҟалеит. Дональд ари ахыбра ауадақәа реиҳарак аофисқәа рцентрқәеи анхарҭатә аппартаментқәеи ишаны ириҭеит. 1982 шықәса рзы аусдкылаҩ иргылоит даҽа хыбрак Trump Plaza Hotel & Casino, ари адунеи зегьы аҟны зегь реиҳа ибеиоу, иҧшӡоу аотель- казино акәны иҟалеит.[7]

1990-тәи ашықәсқәа рзы Дональд Трамп икомпаниа акыр афинанстә уадаҩрақәа азцәырҵит, абанкротра дақәшәарцгьы акааигымхеит. Аха, абизнесмен 10.000.000.000 америкатәи адоллар ала акредит игеит. Анаҩс, 1997 шықәсазы Трамп арҭ аҧарақәа зегьы ауалҳәаҩцәа ирызиргьежьит, аргыларатә проектқәагьы ирыциҵоит.

Ҧшьышықәса ааҵхьаны, Дональд Еиду Амилаҭқәа Реиҿкаара аштаб- квартира азааигәара абаашхьыҵәцара Trump World Tower иргылоит. 2000 –тәи ашықәсқәа рзы амагнат Жәларбжьаратәи аотель аргылара инапы алакын. Ари апроект хыркәшамызт, 2001 шықәса рзын аҭыҧ змаз атерракт иахҟьаны, насгьы 2008 шықәсарзтәи адунеитә финансттә кризис иахҟьаны.

Акыр ауалқәа ирыхҟьаны амиллиардер ихатә корпорациа аҟны иааникылоз адиректор хада иҭыҧ аанижьыр акәхоит. Аҵыхәтәантәи иара ипроект акәхеит Чикаго аханхьыҵәцара аргылара. Ари ахыбра аҳаракырала Еиду Америкатәи Аштатқәа рҟны игылоу ахыбрақәа рыҳаракырала зегь иреиҳау рахьтә ахҧатәиуп.[8]

Имазара ахәшьара аҭара[аредакциазура | акод аредакциазура]

2016 шықәсазы Дональд Трамп имазара ишьақәнаргылеит 4.000.000.000 америкатәи адоллар. Иара ихатәны имоуп хыҧхьаӡара рацәала еиҭамҵуа амал. Амагнат спонсорс дрымоуп акыр аилазаарақәа атуризм, аспорт, арлахҿыхратә хырхарҭаҟны, урҭ иара акыр ахашәалақәа изаарышьҭуеит. 2009 шықәсазы абизнесмен авитаминқәеи амедицинатә хәшәхкқәеи рыла ахәаахәҭра еиҿикаауеит.

2018 шықәсазы, аҳәынҭқарра ахада имазара миллиардк доллар рҟынӡа илаҟәит. Иахьанӡа Еиду Америкатәи Аштатқәа рхадас иҟаз мызктәи иуалафахәы 35.000 нызқь мааҭ рҟынӡа инаӡон.[9]

Аполитикатә кариера[аредакциазура | акод аредакциазура]

Дональд Трамп 2001 шықәсазы Адемократиатә партиа далахәылахеит. Жәеиза шықәса ааҵхьаны дреспубликанецхоит. 2015 шықәсазы аусдкылаҩ аҳәамҭа ҟаиҵеит Еиду Америкатәи Аштатқәа рхадас икандидатура шықәиргыло ала. Дональд Трамп икандидатура ықәиргылеит аспонсортә дгылара имамкәа. Аха иалхратә компаниа акыр акорпорациақәа финансла ацхыраара азыҟарҵон, урҭ рыбжьара иҟан акомпаниа WWE, ари аилазаара арестлинг азы аусмҩаҧгатәқәа нанагӡон.

Дональд Трамп иалхратә программа ихадоу апунктқәа ируакын Урыстәылатәи Афедерациеи Еиду Америкатәи Аштатқәеи реизыҟазаашьақәа рҭышәныртәалара. Дональд Трамп арҭ алхрақәа рҟны Хиллари Клинтони иареи еиндаҭлон, адемократцәа рҟынтә адгылара лыман. Аҿцәажәарақәеи ақәгыларақәеи раан дара рыбжьара акыр аҭыӡшәақәа аҭыҧ рыман, уи, ҳәарада, алхыҩцәа ҿыцқәа аднаҧхьалон. Еиҳаракгьы аимак-аиҿак ахылҿиаауан Еиду Америкатәи Аштатқәа рахь аҭыҧ змаз илегалтәым аиммиграциа, насгьы Барак Обама имедицинатә реформақәа, иара убасгьы Китаитәи Жәлар рреспубликеи Америкеи рхәаахәҭратә еизыҟазаашьақәа.[10]

Аӡәырҩы аекспертцәеи аполитикцәеи Трамп даҵахоит алхрақәа рҟны ҳәа азгәарҭон, уи аусдкылаҩ истатус ахьимаз азы. Аха урҭ ирҳәоз ҟамлеит. Дональд Трамп итезис хадақәа Еиду Америкатәи Аштатқәа руааҧсыра даара иргәаҧхон, уи иабзоурахеит ноибар мза 8, 2016 шықәса рзы иигаз хьаҳәаҧаҳәадатәи аиааира. Еиду Америкатәи Аштатқәа рпрезидент иалхрақәа официалла ишьақәырҕәҕәан ианармза, 2017 шықәсазы. Апрезидент имаҵзура дахагылеит февраль 20, 2017 шықәсазы.[11]

Трамп апрезидент[аредакциазура | акод аредакциазура]

Дональд Трамп ипрезиденттә ҿҳәара ишалагаз еиҧш аҩныҵҟатәи аполитика аҟны ашәахттә реформақәа рымҩаҧгара хырхарҭа хаданы иаликааит. Аҳәынҭқарра ахада ахашәала азы ашәахтә ирмаҷит, аиуристтә хаҿқәа рзын ашәахтә қәынкыларақәа аҧыхын, апрогрессивтә шәахтә азы аградациа асистема ҿыц аҧиҵеит.

Ас еиҧш алагала ҿыцқәа рнаҩс Еиду Америкатәи Аштатқәа иреиҳаӡоу акорпорациақәа (Apple, Microsoft, Facebook, Amazon), ркапиталқәа рыхәҭак Еиду Америкатәи Аштатқәа рахь иргьежьын. Апрезидент даара иҽҧишәеит амедицинатә ҧгаҧсазы азакәан иҧсахырц, Барак Обама инапы зҵеиҩыз. Аха ас еиҧш аҧшьгара адемократцәа адымгылеит. Убри аҟынтә азакәан аус шауц иауа иаанхеит. Иара убасгьы, Дональд Трамп аресурсқәа аҿиара иаҿыз акыр атәылақәа рҟынтәи Еиду Америкатәи Аштатқәа рахь аргьежьра еиҿикааит. Март мза 2018 шықәсазы аҳаза алагалан Китаитәи Жәлар Рреспубликеи Мексикеи рҟынтәи иаарго аалыҵқәа рзы. Акыр акорпорациақәа раалыҵ аҭыжьра Еиду Америкатәи Аштатқәа рахь ииаргеит, уи иалнаршеит хыҧхьаӡара рацәала аусутә ҭыҧқәа раҧҵара.[12]

Дональд Трамп идәныҟатәи аполитика аҷыдарақәа ируакын Мексикааи Ааигәатәи Мрагылара аҳәынҭқаррақәеи ртәылауаа рганахь ала амиграциатә закәанҧҵара арҕәҕәара. 2017 шықәсазы илегалтәым аиммигрантцәа ирҿагыланы ақәҧаразы аусҧҟақәа ҭыжьын, иара убасгьы адҵа ҟаҵан мексикатәи аҳәаа иахьаҧну аҭӡамц аргыларазы. Ари аҭӡамц аргылара атәыла абиуџьет аҟынтәи аҧара рацәа аҭаххон. Асенат аҟны Ареспубликатә партиа ахаҭарнакцәа аҭыҧқәа реиҳарак ахьааныркыло, ари аӡбамҭа иадгылеит. Аха ахаҭарнакцәа Рпалата аҟны, уа адемократцәа еиҳауп, аҭӡамц аргылара азы аҧара азоужьра мап ацәыркуеит.[13]

Ианармза 2017 шықәсазы Дональд ахҵәацәа рыдкылара аамҭала аанкыларазы, ааигәамрагыларатәи арегион аҳәынҭқаррақәа рҟынтә, иара убасгьы аҧкрақәа алагалан даҽа араб ҳәынҭқаррақәа быжьбы рзы. Арҭ азакәанқәа адискриминациатә ҟазшьа рымоуп ҳәа иҧхьаӡан, Иреиҳаӡоу аӡбарҭагьы уи аблокада азнауит.

2017 шықәса сентиабр мзазы, аҳәынҭқарра ахада илегалм амигрантцәа рхәыҷқәа рыхьчаразы аус зуаз апрограмма аҧыхра рылеиҳәоит. Еиду Америкатәи Аштатқәа ирыҵанакуа ақалақь дуқәа рҿы имҩаҧгаз ақәгыларақәа инарымаданы ари ақәҵара анапы аҵаҩымкәа иаанхеит.

2018 шықәсазы, атәыла ахада иусбарҭа аҳәамҭа ҟанаҵеит Еиду Америкатәи Аштатқәа жәларбжьаратәи аекологиатә еиқәышаҳаҭра ишалҵуа азы. Аусура иаҟәыҵит арацәаҵхреи, анефт аалыҵқәеи, аихаӡеи рыҧшыхәра азы алицензиа аҭара азин ҟазымҵоз азакәан.

Еиду Америкатәи Аштатқәа рпрезидент иполитика массала атәылауаа ргәынамӡара цәырнагеит. Иқәгылоз дҵаны иҟарҵон алхранӡатәи аҳәамҭақәа рынагӡаразы. Аӡәырҩы аполитикцәеи аҳәынҭқарратә усзуҩцәеи ықәгылеит атәыла ахада изын аимпичмент рылаҳәаразы. Аполитикатә гәыҧқәа рҟны аиҳабыра русура аанкыларазы аиҿагыларақәа аҳәынҭқарратә усзуҩцәа уалафахәыда иааннажьит.[14]

Трамп ихатәы ҧсҭазаареи ихәыҷқәеи имаҭацәеи[аредакциазура | акод аредакциазура]

Еиду Америкатәи Аштатқәа 45-тәи апрезидент хҩык аҳәса ааигахьан. Арҭ аҭаацәарақәа зегьы рҟынтәи иара имоуп хәҩык ахәыҷқәеи ааҩык амаҭацәеи. Дональ Трамп раҧхьатәи иҧҳәыс амодель Ивана Трамп лакәын. Урҭ рчара ҟалеит 1977 шықәса рзы.

Дональд Трамп раҧхьатәи иҧҳәыс илыхшеит хҩык ахәыҷқәа: Дональд Джон (аиҵбы), Иванка, Ерик. Ахәыҷқәа иахьагьы раб ибизнес анагӡара рнапы алакуп. 1990-тәи ашықәсқәа рзы аҭаацәара хыбгалоит, аҩныҵҟатәи аҭыӡшәақәа ирыхҟьаны.[15]

Данальд Трамп раҧхьатәи иҧа Трамп - аиҵбы америкатәи афотомодель Ванесса Трамп ҧҳәысс димоуп. Урҭ ирыхшеит хҩык ахшара: Кеи Медисон, Хлоиа Софиа, Дональд Джон III, Тристан Милоси Фредерики.

Иванка Трамп Джаред Кунераи диццоит, уи аиудеицәа дреиуан. Лхаҵа иҭаацәа милаҭла иауриацәан, Ниу-Иорк инхоз ауриацәа рдиаспора рыбжьара даара пату зқәыз ҭаацәаран. Атәыла ахада иҧҳа аиудиеицәа рдинхаҵара лыдылкылоит. Дара ирыхшеит хҩык ахәыҷқәа: Теодор Джеимс, Джозеф Фредерик, Арабелла Роуз.

Ерик Трамп иакәзар, асупермодель Лара Иунаско ҧҳәысс дигеит. Уи иҧҳәыси иареи Манхеттен инхоит. Ерик иҧҳәыс афотоҭыхра лнапы алакуп, убри аҟынтә лассы-ласс Лос-Анџьелесҟа афотоҭыхразы ицалоит.

1993 шықәсазы Дональд Трамп аҩынтә раан ҧҳәыс дигоит, уи динасыҧхеит акиноактриса Марла Енн Меиплз. Аҩбатәи аҭаацәараҿы Дональд дихшоит аҧҳа Тиффани. Иахьа лара актрисахара лҽазылшәоит, инстаграмм аҿы лхатә даҟьа лымоуп, Голливуд астудиақәа рҟны аус луеит аамҭа-аамҭала.

Иахьанӡа Дональд Трамп иҧҳәыс лакәын афотомодель Меланиа Трамп. Урҭ 24 шықәса рыбжьоуп. Трамп ахҧатәи иҧҳәыс длыхшеит аҧа Беррон. Аӡәырҩы ишьақәдырҕәҕәоит уи даутиступ ҳәа.[16]

Абиблиографиеи аҳамҭақәеи[аредакциазура | акод аредакциазура]

Дональд Трамп иҧсҭазаара зегьы апублицистика даҿын. Иара иҩит 17 шәҟәы, урҭ рҟны еиҭеиҳәоит иеихьӡарақәа рҭоурыхқәа, иусдкыларатә усура ахаҭарақәа раартра хықәкыс иҟаҵаны.

Апрезидент аҵыхәтәантәи ишәҟәы иахьӡуп “Изувеченная Америка: Как сделать Америку снова великой”. Уа Дональд Трамп иахьатәи Еиду Америкатәи Аштатқәа иадҳәалоу акыр аинтерс зҵоу афактқәа ааигоит.

Адәныҟатәи аполитикеи аекономикеи рҟны иеихьӡарақәа рзы Трамп ианашьоуп адгьылбжьаха Еллис Ҳаҭыр зқәу амедаль, Апрезидент иорден «Сияние», Абдель-Азиз иордени «Агәымшәаразы» ахьтәы медали, урҭ Дональд ианаршьеит Афганистантәи ижәытәӡатәиу аимшьҭрақәа раҧхьагылаҩцәа.[17]

Дональд Трамп – аҵыхәтәантәи ажәабжьқәа[аредакциазура | акод аредакциазура]

Ианар мза 2019 шықәсазы Дональд Трамп иалхрақәа рымҩаҧысшьа шаҟа ииашаз, азакәантә шьаҭа ахьынӡамаз атәы зҳәоз алҵшәақәа кьыҧхьын. Аусҭҵааҩцәа ишьақәдырҕәҕәоит, алхрақәа рылҵшәақәа урыстәылатәи амаҵзура ҷыдақәа даара анырра арҭеит ҳәа, уаанӡатәи аусдкылаҩи дареи аиқәышаҳаҭра рыбжьарҵеит ҳәа.

2019 шықәса февраль мзазы апрезидент аҳәамҭа ҟаиҵеит акосмостә архәҭақәа шаҧҵахо азы. Урҭ ззырхаз аракетақәа ҵәҩанҵәыҟа рдәықәҵара акәын, уа аҕа ибаллистикатә џьаҧҳаны аҧшааразы.

Март мза 2019 шықәсазы Дональд Трамп аҳәамҭа ҟаиҵеит ИГИЛ атеррористтә еиҿкаара иаиааиуп ҳәа, уи аҳәамҭа иара жәларбжьаратәи арена аҟны иреитинг шьҭнахит.[18]

Азгәаҭақәа[аредакциазура | акод аредакциазура]

  1. Онлаин.
  2. Онлаин.
  3. "Archive copy". Архивтәра аоригиналзы шықәсазы 2022-10-05 ахь. Ириашоу 2024-01-27 шықәсазы.{{cite web}}: CS1 maint: archived copy as title (link)
  4. https://24smi.org/celebrity/994-donald-tramp.html
  5. https://biography-life.ru/life/169-donald-tramp-biografiya-lichnaya-zhizn-milliarder-kotoryy-lyubit-rossiyu.html
  6. https://obrazovaka.ru/donald-trump.html
  7. https://www.rbc.ru/business/13/08/2015/55cc8da59a794702b4bcb154
  8. https://www.forbes.ru/milliardery/391571-milliarder-kotoryy-razbogatel-bolshe-drugih-amerikanskih-biznesmenov-pri
  9. https://tass.ru/spec/trump-money
  10. https://svpressa.ru/persons/donald-tramp/
  11. https://biograf24.com/lidery/glavy-gosudarstv/donald-tramp-biografiya#i-7
  12. https://tass.ru/mezhdunarodnaya-panorama/9899393
  13. https://24.kz/ru/news/in-the-world/item/434912-chem-zapomnilsya-donald-tramp-za-chetyre-goda-prezidentstva
  14. https://www.bbc.com/russian/features-48627038
  15. https://damy-gospoda.ru/donald-tramp-kratkaya-biografiya/
  16. https://stuki-druki.com/authors/Trump.php
  17. https://www.shopolog.ru/metodichka/kompanii-i-rynki/donal-d-tram-o-biznese-uspehe-i-den-gah-38-luchshih-citat/
  18. https://eksmo.ru/authors/tramp-donald-ITD15226/