Дауҭиа, Валери Константин-иԥа
| Валери Константин-иԥа Дауҭиа | |
|---|---|
| Валерий Константинович Даутия | |
.jpg) Валери Константин-иԥа Дауҭиа | |
| Аира |
жәабранмза 17, 1936 ш. Жәандрыԥшь ақыҭа, Гәдоуҭа араион, Аԥснытәи АССР, СССР |
| Аԥсра |
мшаԥымза 25, 2009 ш. Гагра ақалақь, Аԥсны |
| Аусура | апоет |
Валери Константин-иԥа Дауҭиа (аур. Валерий Константинович Даутия; жәабранмза 17, 1936 ш. Жәандрыԥшь ақыҭа – мшаԥымза 25, 2009 ш. Гагра ақалақь) — Аԥсны апоет. Аԥсны ашәҟәыҩҩцәа Реидгыла алахәыла (1997), ашьҭахь – Аԥсны ашәҟәыҩҩцәа Рассоциациа алахәыла (2003). Дыҩуан аԥсышәала.
Абиографиа
[аредакциазура | акод аредакциазура]А.М.Горки ихьӡ зхыз Аҟәатәи аҳәынҭқарратә арҵаҩратә институт далгеит аԥсуа бызшәеи алитературеи аурыс бызшәеи алитературеи рзанааҭ ала (1961).
1961-1984 шш. раан аус иуан Цандрыԥшьтәи ашкол-интернат аҟны аԥсуа бызшәеи алитературеи рырҵаҩыс, 1994 –1995шш. рзы Гагра араион аҵара аҟәша аиҳабы ихаҭыԥуаҩыс дыҟан.
Раԥхьатәи иажәеинраалақәа рнылеит: агазеҭ «Аԥсны», ажурналқәа: «Алашара», «Амцабз», апоетцәа ҿарацәа ражәеинраалақәа реизга «Ахҿарах» (1967).
В. Дауҭиа иажәеинраалақәа ирылхны ашәақәа аԥырҵахьеит аԥсуа композиторцәа: Р.Гәымба, Б.Багаҭелиа, О.Хәынҵариа. Урҭ рыхәҭак анҵоуп афирма «Мелодиа» аҟны. Иажәеинраалақәа рыхәҭак аурысшәахь еиҭагоуп.
Абиблиографиа
[аредакциазура | акод аредакциазура]- аԥсышәала: Амшыни амреи. Ажәеинраалақәа. Аҟәа, 1983.
- Сҽыҩ. Ажеинраалақәа. Аҟәа, 1986.
- Гагрыԥшь. Ажәеинраалақәа. Аҟәа, 1987.
- аурысшәахь аиҭага: Отцовские заветы. Ажәеинраалақәа. Гагра, 1995.
Алитература
[аредакциазура | акод аредакциазура]- Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 932