Шьчуко, Георги Владимир-иԥа
Георги (Иури) Владимир-иԥа Шьчуко (аур. Георгий (Юрий) Владимирович Щуко; рашәарамза 15, 1905 ш., Рим — жьҭаарамза 6, 1960 ш., Москва) — асоветтә архитектор.
Абиографиа
[аредакциазура | акод аредакциазура]Шьчуко Георги (Иури) Владимир-иԥа аурыс советтә архитектор, еицырдыруаз архитектор А.В. Шьчуко иԥа. Шьчуко Георги асоциалисттә Аԥсны ашьапы ақәыргылара аамҭазы имҩаԥигон ақалақьқәа реиҭашьақәыргылареи реиҿкаареи иатәыз аусқәа. Иара иҭихит Аҟәатәи асасааирҭа “Абхазия” апроект, уи ргылахеит иқәыргаз асасааирҭа “Метрополис” аҭыԥан, заԥхьа уаанӡа ари аҭыԥ аҿы асасааирҭа “Франция” (1879) ыҟаз. Асасааирҭатә комплекс “Абхазия” шьақәгылан акыр хыбрақәа рыла, урҭ иреиуан аӡҭарчы, акаҳуажәырҭа, ачаҭирҭа “Кара-Хасан”. Ари асасааирҭа СССР аҿы иреиӷьқәаз рахь иԥхьаӡан. 80-тәи ашықәсқәа рзы асасааирҭа “Абхазия” аҿы аус ауан акомпаниа “Интурист” Аԥснытәи аҟәша аштаб-квартира. Шьчуко Георги (Иури) Владимир-иԥа иара убас далахәын академик В.Г. Гельфреихи егьырҭ еицырдыруаз анџьнырцәеи дрывагыланы Тҟәарчал ақалақь аплан хада ашьақәыргылара.
Алитература
[аредакциазура | акод аредакциазура]- Акрызҵазкуа арыцхәқәа рамзар, Аҟәа, 2015 ш.
- Агумаа А. История нашей столицы - в фотографиях: [гостиница « Гранд - отель»]// РА. - 2009. – 31 янв. – 1 фев, (№10). - С. 6.
- Иконников А.В. Архитектура ХХ века. Утопии и реальность: издание в 2-х т. /А.В. Иконников. - М.: «Прогресс - Традиция», 2002. - 672 с.