Ломиа, Кәымф Шьрын-иԥа

Кәымф Шьрын-иԥа Ломиа
Кәымф Шьрын-иԥа Ломиа
	Кумф Ширинович Ломия
	; Кәымф Шьрын-иԥа Ломиа
Аира	жәабранмза 14, 1928 ш. ; Кәтол ақыҭа, Очамчыра араион, ССР Аԥсны
Аԥсра	хәажәкырамза 3, 1999 ш. ; Аҟәа ақалақь, Аԥсны
Аусура	аԥсуа поет
Алма-матер	Абхазский государственный университет,; Литературный институт

Кәымф Шьрын-иԥа Ломиа (аур. Кумф Ширинович Ломия; жәабранмза 14, 1928 ш., Аԥсны, Очамчыра араион Кәтол ақыҭа – хәажәкырамза 3, 1999 ш., Аԥсны, Аҟәа ақалақь) – аԥсуа поет. СССР-и (1954), Аԥсни, Урыстәылеи (1999) рышәҟәыҩҩцәа Реидгылақәа рлахәыла. Дыҩуан аԥсышәала.

Абиографиа

Аҵара иҵон Очамчыратәи аԥсуа школ аҟны. Аҟәатәи аҳәынҭқарратә арҵаҩратә техникум далгеит (1946), нас – А.М.Горки ихьӡ зхыз Аҟәатәи аҳәынҭқарратә арҵаҩратә институт (1950), А.М.Горки ихьӡ зху Москватәи Алитературатә институт (1952). Аус иуан агазеҭ «Аԥсны ҟаԥшь» акультуреи абзазареи рыҟәша аиҳабыс. 1955-1957 (февраль) шш. рзы ажурнал «Алашара» аҭакзыԥхықәу амаӡаныҟәгаҩыс дыҟан. 1957 ш. ажурнал ҿыц «Амцабз» аредактор хадас дарҭеит, аха хара имгакәа диаргеит Аԥсны ашәҟәыҩҩцәа Реидгыла аусбарҭа аҭакзыԥхықәу амаӡаныҟәгаҩыс, араҟа аусгьы иуит 1984ш. азынӡа. 1986-1993 шш. раан Аԥсны Аминистрцәа Рсовет аҟны иҟаз архивтә усбарҭа аиҳабыс аус иуан.

Ажәеинраалақәа рыҩра далагеит ашкол данҭаз. 1937 ш. инаркны агазеҭ «Акоммунизм ахь» (уаанӡа – «Абольшевик мҩа» зыхьӡыз) ианиҵон иажәеинраалақәа. Иҩымҭақәа ркьыԥхьуан аԥсуеи, аурыси, ақырҭуеи газеҭқәа: «Аԥсны ҟаԥшь», «Советская Абхазия», «Правда», «Советская культура», «Литературноя газета», «Литературная Россия», «Собҷоҭа Аԥхазеҭи», ажурналқәа: «Алашара», «Амцабз», «Москва», «Юность», «Смена», «Огонек», «Наш современник», «Нева», «Звезда» уҳәа егьырҭгьы.

К.Ломиа 25 инареиҳаны ажәеинраалақәеи апоемақәеи реизгақәа дравторуп, урҭ ҭыҵуан, аԥсышәала еиԥш, аурысшәахь еиҭаганы (А.Кронгауз, Е.Елисеев, И.Полухин уҳәа реиҭагамҭақәа). Иажәеинраалақәа еиҭаргахьан иара убас аукраин, аҟабарда, ақырҭуа уҳәа абызшәақәа рахь.

Абиблиографиа

аԥсышәала: Адгьыл аҿтәи аеҵәақәа. Ажәеинраалақәа. Аҟәа, 1954.
Сҩызцәа рыгәҭаны. Ажәеинраалақәа. Аҟәа. 1956.
Амахәҭа ҿыц. Ажәеинраалақәа. Аҟәа 1957.
Абзиабареи амшыни. Ажәеинраалақәа. Аҟәа, 1959, Ажәеинраалақәеи апоемеи. Аҟәа, 1963.
Шьыбжьон. Ажәеинраалақәа. Аҟәа, 1968.
Аӡиас. Ажәеинраалақәеи апоемеи. Аҟәа, 1970.
Асы иаҵәа. Ажәеинраалақәеи апоемеи. Аҟәа, 1973.
Амҩа хара. Ажәеинраалақәа. Аҟәа, 1977.
Ааԥын. Ажәеинраалақәеи апоемақәеи. Аҟәа, 1981.
Ашәа рҳәоит ахрақәа. Ажәеинраалақәеи апоемеи. Аҟәа, 1983.
Сымшқәеи сыҵхқәеи. Ажәеинраалақәеи апоемақәеи. Аҟәа 1997.
Иҩымҭақәа: 3-томкны, 2012-2013.
аурысшәахь аиҭагақәа: Земные звезды. Стихи. М., 1958.
Лунная тишина. Стихи и поэма. М., 1965.
Продолжение встречи. Стихи и поэмы. М., 1971.
Дочь солнца. Поэмы. [Для детей]. М., 1972.
Звезда и колодец. Стихи. М., 1976.
Дочь солнца. Стихотворения и поэмы. [Для детей]. М., 1980.
Стихотворения. М., 1981.
Любовь и море. Стихи и поэма. М., 1986.
Годы начинаются с весны. [Стихи и поэмы]. Сухуми, 1985.
Абхазские строки. Стихи. Поэма. Тбилиси, 1987.
Сказание о спящей реке. Стихотворения и поэмы. [Для среднего и старшего школьного возраста]. М., 1987.

Алитература

Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 914

Азхьарԥшқәа