Кәарҷиа, Заур Гьаргь-иԥа

Заур Гьаргь-иԥа Кәарҷиа
Заур Гьаргь-иԥа Кәарҷиа
	Заур Георгиевич Кварчия
	; Заур Гьаргь-иԥа Кәарҷиа
Аира	ԥхынгәымза 20, 1936 ш. ; Ҷлоу ақыҭа, Очамчыра араион, Аԥснытәи АССР
Аԥсра	2008 ; Аҟәа ақалақь
Аусура	аԥсуа поет

Заур Гьаргь-иԥа Кәарҷиа (аур. Заур Георгиевич Кварчия; ԥхынгәымза 20, 1936 ш., Аԥсны, Очамчыра араион Ҷлоу ақыҭа – 2008, Аҟәа ақалақь) – аԥсуа поет. Аԥсны ашәҟәыҩҩыцәа Реидгыла алахәыла (1997). Дыҩуан аԥсышәала.

Абиографиа

А. М. Горки ихьӡ зхыз Аҟәатәи аҳәынҭқарратә арҵаҩратә институт далгеит (1964), нас - Аԥснытәи аҳәынҭқарратә университет аҭоурых-иуристтә факультет (латәарада, 1986) далгеит. Аԥсны ашколқәа жәпакы рҟны рҵаҩыс аус иуан. Аԥсны Аџьынџьтәылатә еибашьра (1992-1993) далахәын.

Акьыԥхь аҟны дцәырҵит 1960-тәи ашықәсқәа инадыркны. Иҩымҭақәа рнылон: ажурнал «Алашара», агазеҭ «Аԥсны ҟаԥшь», «Аԥсны», «Бзыԥ» уҳәа егьырҭгьы. Иажәеинраалақәа рыхәҭак агәылалеит «Аԥсуа поезиа антологиа. ХХ ашә. (Аҟәа-Москва, 2001; аиҭаҭыжьра – Аҟәа-Москва, 2009).

Ажәеинраалақәа реизгақәа жәпакы ҭижьит.

Абиблиографиа

аԥсышәала: Ахьышьҭрахь. Ажәеинраалақәа. Аҟәа, 1978.
Аблақәа анеиқәшәо. Ажәеинраалақәа. Аҟәа, 1984.
Аӡаӡаҳәымҭа. Ажәеинраалақәа. Аҟәа, 1987.
Ихароу агәыӷрақәа. Ажәеинраалақәеи апоемақәеи. Аҟәа, 1990.
Ахаҵа данхаҵоу… Ажәеинраалақәеи апоемақәеи. Аҟәа, 1994.
Ашьаҿақәа. Ажәеинраалақәа ахәыҷқәеи аҿари рзы. Аҟәа, 1994.
Алхас. Апоема-Ауаз. Ажәеинраалақәа. Аҟәа, 1995.
Аҳақ. Апоема. Аҟәа, 1996.
Ахара азааигәахара. Ажәеинраалақәеи апоемеи. Аҟәа, 1996.
Агәыӷрақәа рымш. Ажәеинраалақәеи апоемақәеи. Аҟәа, 1998.
Хырԥашька змам. Ажәеинраалақәа. Аҟәа, 2001.
Ахәы-ԥшӡа ҳаракыраҿ. Ажәеинраалақәа. Аҟәа, 2002.
Иҩымҭақәа реизга. Ԥшь-томкны. Аҟәа, 2005-2008.

Алитература

Аԥсны аҭҵаарадыррақәа ракадемиа Д. И. Гәлиа ихьӡ зху Аԥсуаҭҵааратә институт, «Аԥсуа поезиа антологиа XX ашәышықәса», Аҟәа-Москва, 2009, ад. 935

Азхьарԥшқәа