Гониотәи абаа

Гониотәи абаа

Гониотәи абаа, Аԥсарос — аҭоурыхтә абаа Қырҭтәыла аҟны, Аҷоутәи Автономтә Республикаҿ. Ишьҭоуп аҭоурыхтә Лазети аҩадахьтәи ахәҭаҿы, аӡиас Ҷорохи амшын Еиқәа алаларҭаҿ, уи армарахьтәи аԥшаҳәаҿы.

Етимолoгиа

Аҭоурыхтә хыҵхырҭақәа рыла ишьақәырӷәӷәахоит ахьӡ Гонио еиҳарак игәианны ишыҿиаз. Иааԥшуеит, Гонио ажәытәтәиӡа аамҭа аҟынтә Аԥсар шахьӡыз. Иара убас абырзентә, алатинтә, ақырҭуа ахыҵхырҭақәа рҿы ари ахьӡ еиуеиҧшым аформала ихархәахоит: Абсар, Аԥсарос, Аԥсару, Аԥсарунт, Аԥсареа, Аԥсарон, уб. егь.

• Ариан ихцәажәарала Аԥсар зны Аԥсирт ахьӡын, избанзар убраҵәҟьа дыршьызшәа Медеаи Иасони амҽыӷьла Аԥситр, иашаны абриазы иахьӡҵахеит абри аҭыԥ уи ихьӡ. Иара убас Ариан иазгәаиҭоит аҭыԥантәи уаа иахьанӡа иудырбоит Аԥситр инышәынҭра.

• Павел Ингороҟва игәаанагарала Ҷорохи ҷанаа рбызшәала иахьӡуп “Какамар”, гыршәала “Акамԥсис”. Ажәа ԥаси ажәытәтәи ақырҭуа адиалектаҿ аӡы, аӡиас иаанагоит. Абри иашьаҭакны Павел Ингороҟва алкаа ҟаиҵоит “Акамԥсис раԥхьатәи ахьӡала Акам-ԥасис Акам-аӡиас” ишаанагоу.

• В. Иашвили игәаанагарала Аԥсар ақырҭуа ахыҵхырҭа амоуп: “Абри амҩа ҳаццозар, иаҳбоит, Аԥсар ма Аԥсареа аҟны убриҵәҟьа Ԥса-ԥаса-ԥаси иуаҳауеит, иарбан ажәытәтәи ақырҭуа адиалектқәа рҿы, ишаҳбаз еиԥш, аӡы, аӡиас иаанагон. Иара убас, ишдыру еиԥш, апрефикс а иаҟароуп са, мацара асуффикс р(е)а иахьышьҭоу аҭыԥ унарбоит. Аԥсар ма Аԥсареа аӡы ахьыҟоу аҭыԥ, аӡыла ибеиоу аҵакыра, аӡмахтә ҭыԥ иааногоит. Абри аӡмах ҳара ҳепоханӡагьы иааит, (Гониотәи аӡмах аканлқәа рыла мацара асоветтә аиҳабыра абзоурала иҭадырбеит). Абасала, ахьӡ Аԥсар ахахьы аагара иреалу, абри аҵакыраз ахатәҷыдаратә, ареалра ҳнарбоит”.

• Ахьӡ Гониа ицәырҵуеит XII ашәышықәса ашьҭахь - XII-XIII ашәышықәсақәа раан. Абри ахьӡ раԥхьа дахцәажәоит ашәҟәыҩҩы Хаџьи Калԥа; уи иазӷәаҭала, Гониа амшын аԥшаҳәатә Қырҭтәыла аҳәааҿ абаагьы ауп, имаҷу ақалақьгьы, аокруггьы.

Иахьыҟоу аҭыԥ

Гонио абаа, Ҷорохи иҭабоу аԥшаҳәа аҟынтә 500 метрак ибжьоуп, мацара амшын аԥшаҳәа аҟынтә ишиашоу цәаҳәала - 800 метрак. Агәаанагарақәак ирыхәаԥшны уазхәыцроуп, ажәытәтәиӡа аепохаҿ абаа еиҳа иааигәаны ишыҟазаракәыз амшын аԥшаҳәаҿы. Гонио абаа аҵак ду аман. Уи иахьчон Ҷорохи алаларҭа армарахьтәи аганахь иазыԥшыз ашәарҭара. Абри аҩыза ашәарҭараны академик Успенски макьана ажәытәтәиӡа аамҭаз амшын ашхәарцәа аирбоит. Абри идуу астратегиатә аҵакыла аилыркаара унаҭоит абаа адуӡӡара. Убраҵәҟьа Успенски убри иамыхәаԥшыкәа иашаҵәҟьаны ишизымҳәоу абаа аргылара арыцхә, уи аргылара уи агипотез иахәаԥшны ирыдикылоит римаа хаҭала Помпеус, убри апериодаҿ идуӡӡоу аргылара аԥҵаҩы еиԥш. “Помпеус итәуп Понто аҟны ақалақь рацәа аргылара апату; ҳхахьы иааҳгароуп, абри аамҭаз ишитәу Ҷорохи алаларҭа аҟны абаа аргыларагьы.”

Архитектура

Гонио абаа аформала акәакьҭа иашоуп; уи аура 228 метрак, мацара аҭбаара 195 метрак ыҟоуп. Абаа аҵакыра 44,460 кв м иаҟароуп. Абаагәара 18 абаашла ирӷәӷәоуп. Акәакьтә абаашқәа еиҳа идууп.

Гонио имариам ргылароуп ахатә абаақәеи адҟаҵала-ахаргылеи рыла. Абаа ахатә аҟазаара аҩныҵҟа зныкымкәа арҿыцра-ареставрациа ахнагахьеит. Абаагәара аҭӡқәа рҿы иубартә иалкаахоит аргылара ацәаҳәақәак. Урҭ рҟынтәи ажәытәтәиӡоуп иашаны еиқәҵоу идуу, иацԥыҳәаны ицәу аквадрқәа, мацара иҿыцуп - аҭӡқәа хыхьтәи ахәҭаҿы ахаҳә ҟьаԥсла еиқәҵоу ацәаҳәа. Абри аҵыхәтәантәи XVI ашәышықәса абжьаратә епоха иахаануп, ахыҵхырҭақәа ишаҳдырбоу еиԥш, Османтәылаа “Идыргылеит, (иахадыргылеит) ҿыц импыҵакыз Гониа.

Абаа ажәытәтәиӡа ацәаҳәа, уи ицәу агәалқәа рыла иргылоуп. Ирацәоуп метрак ажәпара змоу агәалқәа, иарбанқәоу 80 см. аҳаракыра змоу, аҭбаара 70 см. аҭӡқәа абри ҵаҟатәи ахәҭа зегь раасҭа иажәуп. Уи аҳаракыра хә-метрак амоуп, мацара акәакьқәа рыҟны, абаашқәа иахьхагалоу, бжь-метрак. Абри аҭӡы ажәпара хыхьтәи ахәҭаҿы метраки бжаки ыҟоуп. Археологиатә дыррақәа, абырзентә-римтәи ашәҟәыҩҩраҿ ихьчоу адыррақәа ирыхәаԥшны аԥхьатәи афеодалтә аепоха иахаануп.

Аҭӡқәа ибзианы ихьчоуп. Аҭӡы ахаҳәқәа еиқәҵоуп акьыр иалху ашьыхгала. Аҭыԥантәи ажәаԥҵала, ахаҳәқәа убас иааргеит: “Квариаҭи аҟынтә Гониа аҟынӡа еишьҭагылоу ауаа дара-дара напык аҟынтә даҽа напыкахь еимырдон ахаҳәқәа”. Ажәаԥҵа, иҟалап, иакьысуеит игәианны иахаргылоу ахаҳә маҷқәа раагара, избанзар ҵаҟатәи аҭӡы агәал дуқәа раагара акамбашьуардынлагьы иуадаҩхон.

Абраҵәҟьа иҟоуп Авизантиатә епохатә (VI-VII ашә.) аргыларақәа рцәаҳәа. Ареставрациатә усурақәа инагӡахаракәын Гонио аҟны генуалаа рыҟазаара аепохаҿгьы (XII-XIV ашә.). Абри аҵыхәтәантәи абра аргылара ишаҿыз, абри ишьақәнарӷәӷәоит убри аҭыжьымҭагьы, иарбану абри ааба “Аргылара” геуаа ирыдырҵеит. Абриҵәҟьа агәаанагарала иазгәаҭатәуп убригьы, ахаҭа ахьӡ Гониа аҭакратә форма шакәу Гонуа аҟынтә.

Абас еиԥш, аргыларатә ԥшь-цәаҳәак, еиҳамзар, Гониа аҟны ҳәарада ахы цәырнагоит.

Абаа абаагәара адәахьала иамоуп дара-дара еиҟароу ашәагала еидыхуп 18 абааш; урҭ рыбжьара зегь раасҭа идууп ԥшь-баашк, иарбанқәоу изхагалоу абаагәара акәакьқәа рыҟны. Абааш цыԥхьаӡа аҟны абаа аҩныҵҟа ахаҳәтә мардуан амоуп.

Абаа аҩныҵҟа агәҭантәи ашҭаҿ еиҳарак игәиану аргылара аџьаме ду ыҟоуп, мацара анышәаҿ аҳаԥкылҵақәа аанханы иҟоуп.

Ԥ. Успенски, Л. Вилкенски иҿаҳәала, абаа иаман ԥшь-гәашәк, аха аус аҭыԥанҵәҟьа аҭҵаарала абри адырра ишьақәырӷәӷәахаӡом. Аиашаҵәҟьа абаа иаман ҩ-ҩналарҭак, иарбану ишьақәзырӷәӷәоу Н. Шавров идыррагьы. Аҩналарҭақәа ашәқәа абаа иамазаарын аладахьала, амраҭашәарахьала. Амраҭашәаратә аҩналарҭа ихадазаап. Уи иҭыԥыркуп иадҟаҵалоу абаашқәа рыбжьара, абри иахҟьаны иҵауланы иҭаԥҟоуп аҩныҵҟа. Абри аҩналарҭа зкәакьҭа иашоу аформа амоуп. Уи ахаҿы адәахьала иалхуп ицәу ахаҳә дуу, аҭыԥантәи абыргцәа реиҭаҳәарала, адҩыла амазаап. Алаз быргык иҳаиҳәеит: сан абри адҩыла лхаҭа лылала илбазаап. Маҷавариани идыррала, адҩыла змоу ахаҳә 1878 шықәсазы имҵадырсзаап. Маҷавариани ила еизгоу ажәаԥҵа иахәаԥшны, амҵарсҩы Баҭым дынхозшәа, дарбану зхы иазырхәаз аибашьра иахылҿиааз аилаҩынтра, адҩыла змаз ахаҳә игазаап.

Макьана ҳара ҳшәышықәса алагамҭаз абаа ихадоу аҩналарҭаҿ ихьчан иҩычоу аҩнашәқәа. Абри аҩнашәқәа ирызкны 1915 шықәса ашьҭахь иҩуан апрофессор Андреи Краснов: “Макьана ааигәа ихьчан иҷыдоу аҟаҵамҭатә аҩнашәқәа, аха ари аҩнашәқәа атәымуаҩ археологцәа иргеит, иахьатәи ацклаԥшҩцәа ирзаанрыжьит мацара зинтерес маҷу ахыжәжәарақәа”.

Аҭоурых

Ажәытәаан абаа авараҿ Ҷорохи армаратә аӡымахә ииасуан. Жәлартә ажәаԥҵақәа рҿы иарбоуп ахатәҷыдала ари афакт. Ажәаԥҵақәа ирыхәаԥшны, абаа аԥхьа Ҷорохи ииасуан, абаа азааигәараҵәҟьа амшын иалалон. Адырра иахәаԥшны, аӡиас ԥыхьа анышьатә ҵакы амазаап: абрантәи ԥыхьа анышьақәа рыла Артвинахь ицон. Аамҭақәа рыҩныҵҟа Ҷорохи ари амахәҭа иаркуп, аӡианы иҟалеит. Абас иҿиаз аӡиа, иарбану иахьа Гонио аӡиа ахьӡла идыру.

Антикатә ашәҟәыҩҩцәа инаӡаны иахцәажәоит Колхети амшын аԥшаҳәа. Колхети амшынны Страбон иԥхьаӡоит амшын Еиқәа ахәҭа Колхети аԥшаҳәаҿы. Гур-римтәи ашәҟәыҩҩы Гаиос Плинус аиҳабы (ҳара ҳера I ашә.) иҳәоит, амрагыларахьала “140000 шьаҿакаҿ Трапезунт аҟынтә ишыҟоу аӡиас Абсар (Absarus), зӡымахәаҿ убриҵәҟьа ахьӡ змоу абаа шыҟоу. Абри адырраҿ ишьақәырӷәӷәоуп Трапезунт аҟынтә амрагыларахьала аӡиас Аԥсар, абри Аԥсар алаламҭаҿ аԥсар абаа.

Аԥсар дахцәажәоит аҩбатәи римтәи ашәҟәыҩҩгьы - Флабио Ариан. Ариан амаҵураҿгьы дыҟан, иарбану аамҭаказ анапхгара изиуан Кападокиа атитул Legatus Augusti pro praetore. Абри аамҭаз, ҳара ҳераҿ 134 шықәсазы, уи дныҟәеит Колхети амшын аԥшаҳәаҿы, аныҟәара иазкны аимператор Ҳадриан (114-138) идигалеит асабырба. Абрантәи еилкаахоит, Ариан Аԥсараҿгьы дышнеиз. Абри аныҟәара иазкны Ариан иҳаиҳәоит, Арқабе аҟынтә Аԥсарынӡа 60 стадионк (Ариан истадион 200 метрак ыҟан) шыҟоу. Ариан анаҩс инаигӡоит ихатә ахцәаҽәара, иҩҩуеит: “Ҳдәықәлеит, Аԥсар аҟынтә, уахынла ҳара ҳалсит Акамԥсид, иарбану 15 стадионк рыла изцәыхароу Аԥсар. Акамԥсис аҟынтә аӡиас Баҭӡ 75 стадионк рыла иацәыхароу, аӡиасқәа Аԥсар, Акамԥсис Ҷорохи ҩ-ӡымахәкуп алаламҭаҿ. Ари иубоит ажәытәтәи ашәҟәыҩҩцәа разгәаҭақәа рҟынтәи. Прокоп Кесариеди иҳәоит:

• “Ҷантәыла ашьхақәа рҟынтәи илбаауеит аӡиас Баис ахьӡны, иарбану Ҷала рацәа ианалслак ашьҭахь, ирыкәшоит ашьхаҳаракыратә ҭыԥқәа, Лазика ақытақәа рзааигәара имҩасуеит, иалалоит Евксин Апонт, аха ушьҭа даҽа хьӡык амоуп… уи, аҭыԥантәи ауааԥсыра Акамԥсис ҳәа иашьҭоуп”.

Флабио Ариан, хыхь иаагоу ажәақәа рҟынтә ишааԥшуа еиԥш, Трапезунт аҟынтә, анаҩс Арқабе аҟынтә зны Аԥсараҿ дааит, мацара анаҩс Акампсис далсит. Акампсис Ҷорохи арӷьарахьтәи аӡымахәҭоуп. Абжьаӡара Аԥсар аҟынтә Акампсис аҟынӡа 15 стадионк ыҟоуп. Еилкаап Аԥсар Ҷорохи армарахьтәи аӡымахәҭа шакәу, иарбану изывсуаз убриҵәҟьа ахьӡ змоу абаа, иалалон амшын. Ариан идырра иақәныҟәаны Аԥсар абаа ишьҭан убра иҟан иахьа иахьышьҭоу Гонио абаа. Аԥсар абаа убриҵәҟьа Гонио абаа ауп. Аӡиас Аԥсар иахьа иҭабахьеит аха иаанхеит уи аҟынтә акалапот.

Ариан идыррала, Аԥсар анырхара иажәӡоуп, уи аҟазаара аргонавтцәа рныҟәара аҟынтә иаауеит. Прокоп анаҩстәи ажәақәа рыла дахцәажәоит ақалақь Аԥсар:

• “Уи аҭӡы рацәа акәыршан, еибыҭан атетрқәа рыла, аипподромла, уи даҽакгьы ирацәаны иаман, иарбан иаабац ақалақь адура узырбоу.”

65 шықәсазы Помпеус Колхети импыҵаикит. Атәиқиҭратә Рим ахатәара ахақәиҭра абзиа збоу колхаа рзы еиҳа ихьанҭан. Абриазы Колхети ласс-лассы иқәгылон римаа ирҿагыланы. Колхаа рықәгыларак иазкны дахцәажәоит римтәи аҭоурыхдырҩы Тацит. Тацит идыррала, ақәгылара ҟалеит император Веспасиан иаан. Ақәгылара иалагеит Трапезунт аҟынтә, лассы иалаҵәахеит Колхети инхаз аԥшаҳәаҿгьы. Ақәгылара антиримтәи аҟазшьа аман; ақәгылара ахадара азиуан Аникнт. Абри ақәгылара Веспасиан азҿлымҳара инаҭеит. Аимператор иааишьҭит иӷәӷәоу ар, иарбанқәоу иқәгылаз аҵадырхеит.

Римаа арегион аконтроль азы ар ҭаргылан ирыман ишахәҭоу иалху абаақәа рҿы. Абри аҩыза ар иҟан Трапезунтаҿ, Фазисаҿ, Диоскуриаҿ, Питиунтаҿ… уб. егь. Урҭ Аԥсар абааҿгьы ар рыман. Ариан иҩҩеит: “Ҳнеит Аԥсараҿ, иахьҭаргылоу хә-копортак”. Аԥсар абаа астратегиатә ҵакы аман римаа рзы. Уи иахьчон Ҷорохи алаларҭа армарахьтәи аган.

Убри Аԥсар абаа римаа рлегионцәа рзы плацдарм шакәыз иаҳнарбоит Италиаҿ Нола азааигәара Абелаҿ кварцхлбекаҿ иԥшаау адҩылала. Абри адҩылаҿ иарбоуп аколониа Абела ихада центурион Марциус Плеториус Целер. Адҩылаҿ уи иазкны иахҳәаауп, алегион рацәа ацентрионны аихшараан уи, апартиа аибашьра алахәыла еиԥш, ианаишьеит аимператор Траиан, адҩылаҿ иахҳәаауп, аамҭаказ уи инанагӡон амшын Еиқәа амрагыларатәи аԥшаҳәаҿы иҭыԥырку, Аԥсараҿ (Numeri tendents in Ponto Abraso) итәаз ацхырааратә римтәи ар ацклаԥшҩы агәыԥ ахада (praepositus) имаҵура.

Прокоп Кесариели иаан (VI ашәышықәсаан) ақалақь Аԥсар иртәыртәит, еиларыжьит. Аҭоурыхдырҩы акагьы ҳаиҳәом абри аилажьра иазкны. Убри иамыхәаԥшыкәа, Прокоп Кесариели еиҵбу аҭоурыхдырҩы Агаҭиа Сқоластикос (536-582) иҿаҳәала, Аԥсар еиҭа ақалақьуп ҳәа дахцәажәон. Абри иацны абри ақалақьаҿ апансионатын, иахьыҩнарҵаз Губаз аҳ дызшьыз Рустике, Иоан. Абри иаанагоит, ақалақь Аԥсар еиҭа арратә административтә центр шакәыз. Еилкаауп, уи еиҭа ишырҿыцхаз.

Аԥсар VII ашәышықәсатә абырзентә ахыҵхырҭагьы иаҳнарбоит “Парамбол Аԥсарос” ахьӡала. Парамбол абри аҩыза атәарҭа иахьӡын, иарбану аимпериа аҳәаа ахьчара адҵас измаз. Аԥсар VIII ашәышықәса ақырҭуа ахыҵхырҭаҿгьы иаҳԥылоит. Ашәҟәыҩҩы Иоан Сабаниӡе амраҭашәаратә Қырҭтәыла аҳәаақәа реиқәыԥхьаӡараан дахцәажәоит: “Аԥсар дшыҟаз”.

Абри арегионаҿ иааԥшит Колхтәи аџьазтә культура, актәи ақырҭуа аҳәынҭқарратә аидгыларақәа: Диаоха, Колхтәи аҳра (ҳера ҟалаанӡа XIII-VIII ашә.) ажәытәтәиӡа адырра уи иазкны итәуп римтәи автор Плиниус Секундус (ҳара ҳера I ашә.). Абырзентә-римтәи ахыҵхырҭақәа рҿы идыруп Аԥсарунт ахьӡла. Антикатә традициа иашьашәаланы Аԥсарос аиҿкаара аргонавтцәа рекспедициа иадҳәалоуп. Урҭ рыла Аиет иԥа Аԥсирт ишьра, абри аҭыԥан ижра. Аха археологиатә дыррақәа ирышьашәаланы ажәытәтәиӡа анырхарҭа абра ҳера ҟалаанӡа VIII-VII ашәышықәсақәа ирхаануп. Рхазы абаа абра римаа ҳера ҟалаанӡа I ашәышықәса 70-тәи ашықәсқәа раан идыргылеит.

II ашәышықәсаан абра римаа хә-копортак рызгылан. Абри апериодаҿ уи ибзианы ирӷәӷәоу, ибзианы еиқәыршәоу абаа акәын. Абаа аҵакырадгьылаҿ иԥшаауп I-III ашәышықәсақәа рыргыларақәа: аҽыкәабарҭақәа, аказармақәа, апреториум, аканализациа, аӡымҩангаратә системақәа, аӡы асистематә аҵеџьқәа, уб. егь. Ашәышықәсақәа рыҩныҵҟа зны римтәи аимпериа, анаҩс Византиа, Италиа ақалақь-республикақәа (Генуа, уб. егь.) аинтерес ду аадырԥшуан абри астратегиала акрызҵазкуа абаа азы.

Гонио абаа XII ашәышықәса анаҩстәи аамҭатә ахьӡоуп. XIII ашәышықәса аҟынтә Гониа гуриа аҳәаақәа рҿы иалан административла еиԥш, убас анцәахаҵарала. Гониа аҳәаақәа рҟынтә иалагон Анчи аепископра. 1547 шықәсазы Ҷантәыла Гонио ацны Османтәыла аимпериа иампыҵанакит. Гуриаа рықәԥара Гониа-Ҷантәыла аиқәырхаразы алҵшәа ацымызт.

Османтәылаа Гонио идырӷәӷәеит, уи Гуриа Самҭавро ақәлара аплацдармыс иҟарҵеит. 1617-1618 ашықәсқәа раан асултан Гонио ахныҟәгарас ииҭеит Ҭеимураз I. 1640 шықәсазы абаа иргеит Донтәи аказакцәа, аха шықәсык ашьҭахь уи Османтәыла ирымнахит аказакцәа. 1672-1673 ашықәсқәа раан Гонио аҟны дыҟан Жан Шарден. Абри аамҭаз Гонио аҟны игылан Ианичараа имаҷу ргарнизон, ҩ-бзарбзанк. XVII ашәышықәса аҵыхәтәаны Гонио Ҭавдгиртӡераа иԥсылманхаз рыҿга анапаҿы иҟан.

• “Баҭым аҿаԥхьа Ҷорохи аладатәи аԥшаҳәаҿы иҟоуп Гониа, имаҷу ақалақьи абааи. Ирымпыҵакуп Османтәылаа, иарбану идзыргылаз корониконааи ақырҭцәеи."

Гонио Османтәыла анапаҿы инхеит 1878 шықәсанӡа, Сан-Стефано аинааларала Аҷоу иацны Урыстәыла аимпериа ианаҭахаз.

Археологиатә експедициақәа

1959 шықәсазы Гонио аҟны имҩаԥгахеит аԥшыхәратә ҟазшьа змоу археологиатә усурақәа (О. Лорҭқиԥаниӡе, Ҭ. Миқелаӡе, А. Рамишвили), заамҭазы анышә агәҭа иҵәахыз акрызҵазкуа ацәынхақәа иааԥшит.

Азҿлымҳара узҭоу алҵшәақәа ҳанаҭеит Гонио 1961 ашықәстәи археологиатә експедициа (анапхгаҩы И. Грӡелишвили). Абаа амраҭашәарахьала, Баҭым-Сарԥ амҩа арӷьарахьтәи аганахь иҵыххеит аргылара ду, иарбану аекспедициа анапхгаҩы заатәи игәаанагарала, Аԥсар аҽырҩырҭа ахыжәжәара акәын. Абри ада ари експедициа идуӡӡоу аԥшаамҭоуп Гонио акәша-мыкәша аихатә аметаллургиатә ахәышҭаара ду аарԥшра.

Абаа аҵакырадгьылаҿ иԥшаау амаҭәар (акерамика, амонетақәа) ақәра, уи ҳера ҟалаанӡа II-I ашәышықәсақәа аладахьы ицаӡом (Д. Хахутаишвили). Гонио абааҿы 1994 ашықәс аҟынтә аус ауеит амузеи-аҳәырԥсарра, ҳара ҳера ҟалаанӡа аҟынтә XIX ашәышықәса 80-тәи ашықәсқәа рҟынӡа ирхаану аекспонатқәа ахьыҵәаху.

2015 шықәсазы археологиатә аҵхрақәа ирылҵшәаны иааԥшит римтәи апериод иахаану аказарма ахыжәжәарақәа, асаркьа аалых, амонетақәа, иара убас актәи ашәышықәса аҩбатәи абжа иахаану аҽыкәабарҭа ацәынхақәа, иахьаагоу уи апериод иатәу аӡы арезервуарқәа, абаа аҵакырадгьылтә ахаҳәцәқәа, аҽыкәабарҭа амозаика акырӡа идуу аҵакырадгьылаҿ. Амозаика инагӡоуп агәилԥшшәы змоу ахаҳәқәа реиҭныԥсахрала. Иарбоуп еиуеиҧшым ахкы змоу агеометриатә орнаментқәа, ихаданы- ашахмат, аромб еиԥшу аорнаментқәа. Ахалсоԥели ахаҿы иааԥшит амонументтә уахәама ацәынхақәа, иарбану ҳара ҳера VI ашәышықәса иахаану. Уи ашәагақәоуп - аура 24, аҭбаара - 18 метрынӡа, акырӡа ибзианы еиқәхеит.

Алитература

• გძელიშვილი ი., ხახუტაიშვილი დ., რკინის წარმოების უძველესი კერა ჭოროხის ქვემო დინებაში და არქეოლოგიური დაზვერვები გონიო-აფსაროსში, კრ.: სამხრეთ-დასავლეთ საქართველოს ძეგლები, I, თბ., 1964;
• ლორთქიფანიძე ო., მიქელაძე თ., ხახუტაიშვილი დ., გონიოს განძი, თბ., 1980 (ქართ., რუს. და ფრანგ. ენებზე);
• იაშვილი ვ., „გონიოს ციხის ისტორიისათვის“, კრ.: ქართული მატერიალური კულტურის ძეგლები აჭარაში, ბათ., 1955;
• სიხარულიძე ი., „აჭარის მატერიალური კულრუტის ძეგლები“, ბათ., 1962;
• სიხარულიძე ი., ზაქარაია პ., ქართული საბჭოთა ენციკლოპედია, ტ. 3, თბ., 1978. — გვ. 218.
• ხახუტაშვილი დ., ენციკლოპედია „საქართველო“, ტ. 2, თბ., 2012. — გვ. 97.
• „Доклад, сделанный в 1917 г. на сесии Академии наук“, აჭარის სახელმწიფო მუზეუმის სამეცნიერო ფონდის ხელნაწერი №27.
• „История Батумского края, Батумское побережье“, 1911
• „Из путевых впечатлений от Батума до Лимана“, Известия Кавказского отделения русского географического общества. т XIX. 1907-1908
• „Город Батум с его окрестностями“, აჭარის სახელმწიფო მუზეუმის სამეცნიერო ფონდის ხელნაწერი № 14
• „Южная Колхида“, 1915
• C. G. Brandis, Arrians Periplus Ponti Euxini, RhM, LI, 1896, стр. 109—126.