Чачба, Шәарах

Шәарах Чачба
Сорех
Аԥсны аҳ
Амаҵураҭыԥ ахь: ~1660 – ~1680
Аԥхьа иҟаз	Гьаргь I Чачба
Аҭынха	Зегнаҟ Чачба
Аира	? Аԥсны(?)
Аԥсра	1680? Аԥсны(?)
Ани аби	Гьаргь Чачба (аб), ан иҳаздырамкәа.

Шәарах (Сорех, Сарех) Чачба-Шервашиӡе — Аԥсны аҳратәра аҳ. Ахыҵхырҭақәа рҿы 1660-1680 шықәсазы даҳбоит.

Иполитика

Шәарах Чачба амрагыларахь аԥсуаа рҳәаақәеи анахара азыҳәан ихы иалаирхәан. Амрагылатәи аԥсуа аҳра аҳәаақәа ахынҳәара иҭахын. Ваҳушҭи Багратиони ишызгәаиҭаз Шәарахеи иашьеи Кәаԥеи Агыруа аҳра иақәланы еибашьеит, адгьыл аӡиас Егры ҟынӡа агырцәа рҟынтәи ахы ақәырҭит, Аԥсны иадҳәалеит. Убри ашьҭахь Шәарах Гырны "мҭавар" (агыршәала - аҳ, аҭауад) иара дшакәыу ҳәа иҳәит, Кәаԥи Шәарахеи Егры иавсны Гыртәылаахь иақәлон, атәцәеи иргон. Гырны аҳеи Имерети аҳеи Абашиӡе изжәлаз Шәарах ирра ԥырҿеит аибыслараҿы акәхап, убри азыҳәан Шәарах илымшаӡит Гырны атәыртәра. Аха Шәарах иҳәаақәа ихьчеит. Шәарах ихадара ҵыхәтәантәи азыҳәан иара иабшьа Зегнаҟ идгьыл дақәлеит, имихеит. Ваҳушҭи Багратиони иашиҳәо ала Шәарах Аԥсны ахь ахынҳәыз адгьыл аҿы иара "аԥсуаа ихҵәаны иааигеит уаҟа", убри Аԥсны амрагылатәи адгьыл Гырны амԥыҵахалаҩцәа ирацәаны аамҭазы ишадҳәалаз амилаҭтәи бызшәеи ассимилиациагьы ахьыз ҳәа ҟалоит, убри азыҳәан акәхап иара убас иазгәаиҭоит ихыҵхырҭаҿы. Шәарах Нхыҵ Кавказ ианхоз ажәларқәа (Ашәуаа, Азахәцәа, Аҟарачқәа) рахьгьы анырра иман акәхап, рыцхыраара иқәларақәа рҿы ирҭон ҳәа ҟалоит.

Иԥсҭазаара

Шәарах ақырҭ бызшәа ҟаҵаны иау хыҵхырҭақәа рҿы Сорех ҳәа ихьӡуп, аха уи ахьыӡ Сорех еиԥш иҟаӡым акәхап, убри азыҳәан иара ихьыӡ аԥсуахьӡы Шәарах ишакәыз рҳәоит. Шәарах иаб Гьаргь ихьӡан. Зегнаҟ Чачба иашьаԥа иакәын иара.