Чакветаӡе, Сергеи Васили-иԥа
| Сергеи Васили-иԥа Чакветаӡе | |
|---|---|
| Сергей Васильевич Чакветадзе | |
.jpg) Сергеи Васили-иԥа Чакветаӡе | |
| Аира |
ажьырныҳәамза 1, 1936 ш. Оҭҳара ақыҭа, Гәдоуҭа араион, Аԥснытәи АССР |
| Аԥсра | абҵарамза 22, 2023 ш. |
| Аусура | аԥсуа шәҟәыҩҩы, ажурналист, апублицист |
Сергеи Васили-иԥа Чакветаӡе (аур. Сергей Васильевич Чакветадзе; ажьырныҳәамза 1, 1936 ш., Аԥсны, Гәдоуҭа араион Оҭҳара ақыҭа – абҵарамза 22, 2023 ш. ) – аԥсуа шәҟәыҩҩы, ажурналист, апублицист. Ианашьоуп «Ахьӡ-Аԥша» аорден III аҩаӡара, амедалқәа маҷымкәа. Аԥсны ашәҟәыҩҩцәа Реидгылеи (2012), Аԥсны ажурналистцәа Реидгылеи рлахәыла. Дыҩуан урысшәалеи аԥсышәалеи.
Абиографиа
[аредакциазура | акод аредакциазура]Оҭҳаратәи абжьаратәи ашкол далгеит (1955), иара убас А. М. Горки ихьӡ зхыз Аҟәатәи аҳәынҭқарратә арҵаҩратә институт афилологиатә факультет (1960), аԥсуа бызшәеи аурыс бызшәеи алитературеи рзаанаҭ ала.
1960 ш. инаркны рҵаҩыс-ааӡаҩыс дыҟан Гагра араион Ганҭиадтәи (Цандрыԥшьтәи) ашкол-интернат аҟны. 1960-1963 шш. раан Асовет Аррамаҵура дахысуан. Ирратә уалԥшьа анихига ашьҭахь ирҵаҩратә усура иациҵеит Гәдоуҭа араион Калдахәаратәи ашкол-интернат аҟны. 1963 ш. ноиабр 1 инаркны 1968 ш. азынӡа – ОБХСС Гәдоуҭатәи араионтә ҟәша аҟны аус иуан. 1968-1988 шш. раан СССР Аҳәынҭқарратә шәарҭадара акомитет аусҳәарҭақәа рҟны, аоперативтә усзуҩы инаркны анапхгаратә маҵурақәа рҟынӡа, аполковник ичын имоуп.
Еиуеиԥшым ашықәсқәа раан ашкол ҷыдақәа дырхысуан Қарҭ, Киев, Ташкент. 1988-1989 шш. рзы – Гәдоуҭа араион атуризм абиуро деиҳабын, 1990-1991 шш. раан – апартиа Гәдоуҭатәи араионтә комитет аҩбатәи маӡаныҟәгаҩын, 1991 ш. август инаркны 1998 ш. сентиабр азынӡа Гәдоуҭа араион Ахадара асоциалтә хьчара аҟәша деиҳабын. 2000-2005 шш. рзы Аԥсны аҳәынҭқарратә шәарҭадара амаҵура Гәдоуҭатәи араионтә ҟәша деиҳабын. 2005-2007 шш. рзы Гәдоуҭа араион Ахадара аиҳабы ицхырааҩс дыҟан. 2007 ш. апрель инаркны акыр шы6ъса агазеҭ «Аԥсны» ахатә корреспондентс, Гәдоуҭа араион абыргцәа Рхеидкылеи аибашьра аветеранцәеи, аџьеи арбџьар мчқәеи Рхеилаки рхантәаҩыс дыҟан, Аԥсны Акомпартиа араионтә ҟәша анапхгаҩы дихаҭыԥуаҩын.
Данхәҷыз инаркны асахьаркыратә литературеи апублицистикеи дрызҿлымҳан. Ипублицистикатә статиақәа икьыԥхьуан Аԥсны еиуеиԥшым апериодикатә ҭыжьымҭақәа рҟны.
Абиблиографиа
[аредакциазура | акод аредакциазура]- урысшәала: Кадыр, Басят, Сталин и другие… Документальная повесть. Сухум, 2006.
- Пароль без вести пропавшего. Художественно-документальная повесть. Сухум, 2010.
- Орден за донос. Кадыр, Босят, Сталин и другие… Сухум, 2012.
- аԥсышәала: Иақәшәашьа ихаҵашьоуп. Аҟәа, 2018.
Азхьарԥшқәа
[аредакциазура | акод аредакциазура]- Аԥсны ашәҟәыҩҩцәа рсиа
- Чакветадзе Сергей Васильевич Архив ҟаҵан 2025-10-28 азы Wayback Machine аҟны. (аур.)
- Чакветаӡе Сергеи Васили-иԥа (аԥс.)