Кәыҵниа, Шьалуа Васили-иԥа

Шьалуа (Анатол) Васили-иԥа Кәыҵниа
Шьалуа (Анатол) Васили-иԥа Кәыҵниа
	Шалва (Анатолий) Васильевич Квициния
	; Шьалуа (Анатол) Васили-иԥа Кәыҵниа
Аира	лаҵарамза 2, 1937 ш. ; Аҟәа
Аԥсра	цәыббрамза 30, 2021 ш.
Аусура	ашәҟәыҩҩы

Шьалуа (Анатол) Уасил-иԥа Кәыҵниа (аур. Шалва (Анатолий) Васильевич Квициния; Аҟәа, лаҵарамза 2, 1937 ш. – цәыббрамза 30, 2021 ш.) – ашәҟәыҩҩы, апублицист. Аԥсны ашәҟәыҩҩцәа Реидгыла алахәыла (2012). Дыҩуан аԥсышәала.

Абиографиа

Очамчыра араион Аҭара ақыҭантәи абжьаратәи ашкол даналга А.М.Горки ихьӡ зхыз Аҟәатәи аҳәынҭқарратә арҵаҩратә институт афилологиатә факультет дҭалеит. Еиуеиԥшым ашықәсқәа раан аус иуан Пицундатәи аԥсшьарҭақәа реидҵа аҟны, иара убас Аԥснытәи аполиграфиатә еидҵараҿы, ашьҭахь Аҭара ақыҭан акультура аҩны деиҳабын.

Аԥсны Аџьынџьтәылатә еибашьраан (1992-1993) Мрагыларатәи афронт аҟны, Аӡҩыбжьа, нас Аҭара арратә корреспондентк иаҳасабала аибашьратә хҭысқәа ашәҟәы ианиҵон, ихатә мшынҵа иман.

Алитература абзиабара шьҭикааит дышқәыԥшыз, аҩра дызлалагазгьы ажәеинраалақәа рыла ауп. Раԥхьатәи иҩымҭа 1956 шықәсазы алитературатә журнал «Алашара» ианылеит. Хара имгакәа апрозахь диасуеит. Иажәабжьқәеи иповестқәеи агазеҭ «Аԥсны» («Аԥсны ҟаԥшь»), ажурнал «Алашара» уҳәа апериодикатә кьыԥхь ианылон.

Абиблиографиа

Аԥсышәала: Асар рымҩа. Аповест. Аҟәа, 1974.
Ачара аҿҳәара. Ажәабжьқәа. Аҟәа,1978.
Нанҳәа. Ароман. Актәи ахәҭа. Аҟәа, 2003.
Нанҳәа. Ароман. Аҩбатәи ахәҭа. Аҟәа, 2009.
Кәыдры аиҩхаатәи аиҭныԥсахлара. Ароман. Аҟәа, 2014.

Азхьарԥшқәа