Иупитер

Апланета

Иупитер
Иупитер афотосахьа 2019 шықәса рашәарамза 27 рзы ателескоп “Хаббл” аҟынтәи иҭыху
Аорбитатә ҟазшьарбагақәа
Аперигели	7,405736⋅108 км(4,950429 а.е.)
Афели	8,165208⋅108 км(5,458104 а.е.)
Аҵәҩанбжа ду (a)	7,785472⋅108 км(5,204267 а.е.)
Аексцентриситет (e)	0,048775
Асидертә период (T)	4332.589 мшы (11.8618 шықәса)
Асинодтә период	398.88 мшы
Аорбитатә ццакыра (v)	13.07 км/с (ибжьаратәны)
Аорбита анаара (i)	1.304° (еклиптика иазкны)6.09° (амра аекватор иазкны)
Иҩеиуа аиқәҳәала акыдхалара (Ω)	100,55615°
Аперицентр аргумент (ω)	275,066°
Амҩанызақәа	115
Афизикатә ҟазшьарбагақәа
Аполиартә еидыӷәӷәалара	0,06487
Аекватортә радиус	71 492 ± 4 км
Аполиартә радиус	66 854 ± 10 км
Абжьаратәи арадиус	69 911 ± 6 км
Ақәӡара (S)	6.21796⋅1010 км2121.9дгьылтәи
Аҭаӡара (V)	1.43128⋅1015 км31321.3 дгьылтә
Акапан (m)	1.8986⋅1027 кг317.8 дгьылтә
Абжьаратә жәпара (ρ)	1326 кг/м³
Зхы иақәиҭу акаҳара аццакра аекваторҿы (g)	24,79 м/с² (2,535 g)
Актәи акосмостә ццакыра (v1)	42,58 км/с
Аҩбатәи акосмостә ццакыра (v2)	59,5 км/с
Аекватортә ҵәира аццакра	12.6 км/с мамзаргьы 45 300 км/сааҭ
Аҵәира апериод (T)	9.925 сааҭ
Аҵәҩан анаара	3,13°
Альбедо	0.343 (Бонд)0.52 (гео. альбедо)
Иубарҭоу аеҵәатә ҳаракыра	-1.61 инаркны -2.94 рҟынӡа
Зҳәарадатәи аеҵәатә ҳаракыра	−9,4
Атмосфера
Аилазаара: 89,8±2,0 % Аӡри (H2) 10,2±2,0 % Агелиум (He) ~0,3 % Аметан (СН4) ~0,026 % Аммониум (NH4+) ~0,003 % Аӡри адеитерид (HD) 0,0006 % Аетан (СН3−СН3) 0,0004 % Аӡы (H2O) Аҵаақәа: Аммони Аӡы Аммониум агидросульфид (NH4SH)
Commons Иупитер

Иупитер адиск зегьы ԥсабаратә ԥштәыла, иреиҳау уи амҩаныза Ганимед аҟынтәи апланета иақәшәо агагеи арымарахьтәи агоризонт аҿы Идуу ашәыта ҟаԥшьи рсахьақәа ацҵаны.

1880 шықәсазтәи Иупитер асахьа

Иупитер — Амратә системаҿы иреиҳау планетоуп, Амра аҟынӡа абжьаӡарала ахәбатәи аҭыԥ ааннакылоит. Сатурн еиԥш иаргьы, арчытә гигант ҳәа иԥхьаӡоуп.

Апланета ауаа ажәытәӡатәи аамҭақәа раахыс ирдыруеит, уи еиуеиԥшым акультурақәа рмифологиеи рдинхаҵарақәеи рҿы ианыԥшит: Месопотамиатәи, Вавилонтәи, Абырзентәи уҳәа убас иҵегьы. Иупитер иахьатәи ахьӡ ажәытәӡатәи Рим иреиҳаӡоу адыд-мацәыс анцәахәы ихьӡ аҟынтәи иаауеит.

Иупитер аҿы иҟоу атмосфератә цәырҵрақәа жәпакы — аԥшацәгьақәа, амацәысқәа, аполиартә лашарақәа — адгьылтәқәа раасҭа масштабла кырӡа еиҳауп. Атмосфераҿы иазгәаҭатәу цәырҵроуп Идуу ашәыта ҟаԥшь — аԥшасра ӷәӷәаӡа, XIX-тәи ашәышықәса инаркны еилкаау (иҟалап XVII-тәи аахыс акәзаргьы).

Иупитер иамоуп зегьы ианреиҵаха 101 мҩаныза, урҭ рҟынтә ираԥхьатәиу, иагьреиҳау роуп— Ио, Европа, Ганимед, Каллисто — Галилео Галилеи 1610 шықәсазы иааиртыз.

Иупитер аҭҵаарақәа мҩаԥысуеит адгьылтәи аорбиталтәи ателескопқәа рыла; 1970-тәи ашықәсқәа инаркны, НАСА апланетабжьаратә зондқәа 8 апланетахь идәықәҵан: «Апионерцә», «Воиаџьерқәа», «Галилео», «Иунона» уҳәа убас егьырҭгьы.

Иупитер блала иубарҭоу уахынлатәи ажәҩан аҿы Амзеи Венереи рышьҭахь зегь реиҳа илашо аобиектқәа иреиуоуп. Иупитер адиски амҩанызақәеи астрономцәа-абзиабаҩцәа рзы иалкаау хылаԥшратә обиектқәоуп, избан акәзар урҭ аартрақәа жәпакы ҟарҵеит (1994 шықәсазы Иупитер иаҿаҳаз акомета Шоумеикер-Леви, мамзаргьы 2010 шықәсазы Иупитер аҩадатәи аекватортә маҟа аӡра).

Иупитер Адгьыл идуу ажәҩантә цәеижьқәа рықәҳара ацәыхьчараҿы агравитациатә мҽхакы ӷәӷәа абзоурала ароль ӷәӷәа нанагӡоит.

2000 шықәса ԥхынҷкәынмза 7 рзы НАСА акосмостә ӷба “Кассини” иҭнахыз 4 сахьак рыла еизгоу Иупитер асахьа.

Ахылаԥшрақәеи урҭ рҷыдарақәеи

Аинфраҟаԥшьтә диапазон

Иупитер имцу аԥштәқәа аманы инфраҟаԥшьтә сахьаҿы, 5 микрометрла еиуеиԥшым аҿахәҿыхрақәа рҟынтәи иреиӷьу асахьақәа ралхреи реидҵареи рыла иаԥҵоу, ателескоп VLT аҿы иҟоу ВИСИР ҳәа изышьҭоу амыруга ахархәарала (2016 шықәса, рашәарамза 26)

Аспектр аинфраҟаԥшьтә ҭыԥ аҿы иҟоуп H₂, He амолекулақәа рцәаҳәақәа, иара убас егьырҭ еиуеиԥшым ахәҭаҷқәа рцәаҳәақәа. Раԥхьатәи аҩба рхыԥхьаӡара апланета ахылҵшьҭра иазку адыррақәа ргәылакуп, егьырҭ рхыԥхьаӡаратәи рхаҭабзиаратәи еилазаашьа — уи аҩныҵҟатәи аеволиуциа иазку.

Аха аӡрии агелии рмолекулақәа адипольтә момент рымаӡам, ус анакәха, абарҭ ахәҭаҷқәа рабсорбциатә цәаҳәақәа убарҭаӡам, аинҟьаратә ионизациа абзоурала ахәлагара аԥыжәара аго иалагаанӡа. Уи ганкахьала, даҽа ганкахьала уахәаԥшуазар, урҭ ацәаҳәақәа атмосфера хыхьӡатәи ахҟьақәа рҿы ишьақәгылоит, еиҳа иҵаулоу ахҟьақәа ирызку адыррақәа рымаӡам. Убри аҟнытә, Иупитер аҿы агелиуми аӡрии рырацәара иазку зегь реиҳа зыгәрагоу адыррақәа рҳан илбаауа аппарат «Галилео» аҟынтәи.

Иаанхаз аелементқәа ракәзар, урҭ ранализи рырккареи аангьы ауадаҩрақәа цәырҵуеит. Макьаназы инагӡаны гәрагарала аҳәара залшом, иарбан процессқәоу Иупитер атмосфераҿы имҩаԥысуа, насгьы шаҟа иӷәӷәаны урҭ ахимиатә еилазаара ианыруа — аҩныҵҟатәи арегионқәа рҟны еиԥш, адәахьтәи ахҟьаақәа рҿгьы. Уи аспектр еиҳа инарҭбааны арккараҿы иалкаау ауадаҩрақәа цәырнагоит. Аха, еиуеиԥшым аелементқәа рырацәара анырра аҭара зылшо апроцессқәа зегьы ҭыԥантәиуп, насгьы даараӡа иԥкуп ҳәа иԥхьаӡоуп, убри аҟнытә урҭ аматериа ашара шьаҭанкыла аԥсахра рылшом.

Иупитер иеикәагьежьуа амодель

Иупитер аҿықә аныҟәара

Иупитер иара убас иахылҵуеит (еиҳарак аспектр аинфраҟаԥшьтә ҭыԥ аҟны) 60% рыла еиҳаны Амра аҟынтәи иаиууа амчхара аасҭа. Абри амчхара зырҿио апроцессқәа ирыбзоураны, Иупитер есышықәс 2 см раҟара еиҵалоит. П. Боденхеимер (1974) игәаанагарала, апланета раԥхьаӡа акәны ианышьақәгылаз, уи 2-нтә еиҳан, насгьы уи аԥхаррагьы иахьатәи аамҭазы аасҭа акырӡа еиҳан.

Ацәқәырԥа кьаҿқәа рҵакыра

Чандра адыррақәа рыла Иупитер агамма-шәахәаркра

Иупитер агамма-шәахәаркра аполиартә лашара иадҳәалоуп, иара убасгьы адиск ашәахәаркра. Раԥхьаӡакәны 1979 шықәсазы Еинштеин ихьӡ зху акосмостә лабораториа иҭанаҩит.

Адгьыл аҿы арентгени аультрафиолети рҟны аполиартә лашарақәа рҭыԥқәа шамахамзар еиқәшәоит, аха Иупитер аҿы уи аҩыза ҟалаӡом. Арентгентә полиартә лашарақәа рҭыԥ аполиус еиҳа иазааигәоуп, аультрафиолеттә лашарақәа раасҭа. Заатәи ацклаԥшрақәа иаадырԥшит 40 минуҭк ицоз ашәахәаркра аисра, аха анаҩстәи ахылаԥшрақәа рҿы уи ахьыԥшра еиҳа еицәаны иааԥшуеит.

Иупитер аҿы иҟоу авроратә лашарақәа ррентгентә спектр акометақәа ррентгентә спектр еиԥшхоит ҳәа агәыӷра ыҟан, аха Chandra аҟны ахылаԥшрақәа иаадырԥшит уи ус шакәым. Аспектр шьақәгылоуп аемиссиатә цәаҳәақәа рыла, 650 еВ азааигәара иреиҳау аҵәыҵәритә цәаҳәақәа рыманы, OVIII ацәаҳәақәа рҿы 653 еВ, 774 еВ раан, OVII аҿы 561 еВ, 666 еВ рҟны. Иҟоуп иара убасгьы аспектралтә ҭыԥ аҟны еиҵоу амчхарақәа раан ашәахәаркра ацәаҳәақәагьы 250 инаркны 350 еВ рҟынӡа, иҟалап урҭ атыҩша мамзаргьы акарбон адиоксид иатәызар.

Аурора иадҳәалам агамма-шәахәаркра раԥхьаӡа акәны ROSAT ахылаԥшрақәа рыла иԥшаан 1997 шықәсазы. Аспектр еиԥшуп аурора аспектр, 0,7 — 0,8 кеВ рҳәааҿы. Аспектр аҷыдарақәа ибзианы иаарԥшуп амратә металлкра змоу 0,4-0,5 кеВ аԥхарра змоу агәыргьынтә плазма амодель ала, Mg¹⁰⁺, насгьы Si¹²⁺ аемиссиатә цәаҳәақәа рыцҵаны. Аҵыхәтәантәиқәа рыҟазаара 2004 шықәса жьҭаарамза-абҵарамзақәа рзтәи амра аусура иадҳәалазар ауеит.

Акосмостә абсерваториа XMM-Newton ахылаԥшрақәа иаадырԥшит агамма-спектр аҟныы адиск ашәахәаркра амратә рентгентә шәахәаркра аныԥшра шакәу. Аурорақәа реиԥш акәымкәа, 10 инаркны 100 минуҭк рҟынӡа ашкалақәа рҿы ашәахәаркра аинтенсивра аамҭа-аамҭалатәи аԥсахрақәа ҳәа акгьы ԥшаамызт.

Апланета арадиолахылаԥшра

Иупитер арадиосахьа: илашоу аҭыԥқәа (ашкәакәакәа) — арадио емиссиа арадиациатә маҟақәа рҟынтәи

Иупитер — зегь реиҳа иӷәӷәоу (Амра ашьҭахь) радио хыҵхырҭоуп Амратә системаҿы адециметр-метртәи ацәқәырԥа аурақәа рдиапазон аҟны. Арадиошәахәаркра зныкҟьаратәи аҟазшьа амоуп, насгьы аԥжәара иреиҳаӡоу аҩаӡараҿы 10⁶ Иански инаӡоит.

Аԥжәарақәа ҟалоит 5 инаркны 43 МГц рҟынӡа (еиҳарак 18 МГц раҟара), абжьаратәи аҭбаара 1 МГц инаӡоит. Аԥжәара аамҭа кьаҿуп: 0.1-1 с инаркны (зны-зынла 15 с рҟынӡа). Арадиациа ӷәӷәала аполаризациа амоуп, еиҳарак агьежь аҿы, аполаризациа аҩаӡара 100% инаӡоит. Амагнитосфера аҩнуҵҟа иҵәиуа Иупитер иазааигәоу амҩаныза Ио ала ашәахәаркра амодулиациа гәаҭоуп: Ио Иупитер иазкны аелонгациа азааигәара ианыҟоу, аԥжәара алыршара еиҳа иауеит. Ашәахәаркра амонохроматикатә ҟазшьа иаанарԥшуеит иалкаау аиҭаҟалара, еиҳарак гироеиҭаҟалара. Ашәахәа ӷәӷәа аԥхарра (зны-зынла 10¹⁵ К инаӡо) азы иаҭахуп аколлективтә еффектқәа (амазерқәа реиԥш) радыԥхьалара.

Миллиметр-сантиметр кьаҿк рыбжьара Иупитер арадиошәахәаркра аԥхарратә ҟазшьа амоуп, аха алашаратә ԥхарра маҷк еиҳауп аиҟаракапантә аасҭа, уи аҩныҵҟантәи аԥхарра ацара аанарԥшуеит. ~9 см ацәқәырԥақәа рҟынтәи, T_b (арлашара аԥхарра) еизҳауеит — ицәырҵуеит иԥхарратәым ахәҭаҷ, Иупитер амҳалдызтә мҽхакы аҟны абжьаратәи амчхара ~30 МеВ аманы арелативисттә хәҭаҷқәа рсинхротронтә радиациа иадҳәалоу; 70 см ацәқәырԥаҿы, T_b ~5⋅10⁴ K арбаганӡа инаӡоит. Ашәахәаркра ахыҵхырҭа апланета аҩганкгьы рҟны ҩ-мҳап еиҵыхк асахьа аманы иҟоуп, уи арадиациа амагнитосфератә хылҵшьҭра иадыргоуп.

Агравитациатә потенциал аԥхьаӡара

Аԥсабаратә мҩанызақәа рныҟәара ахылаԥшрақәа рыла, иара убасгьы акосмостә ӷбақәа рцашьамҩақәа ранализ ала, Иупитер агравитациатә ҭыԥ еиҭашьақәыргылазар ҟалоит. Уи асфера-симметриатә еиԥшым апланета ирласны иахьеикәагьежьуа иахҟьаны. Абжьааԥны, агравитациатә потенциал Лежаандр иполиномқәа рыла аихшара аҳасабала иаарԥшуп:

Jn	J2	J4	J6
Аҵакы	1,4697⋅10−2	−5,84⋅10−4	0,31⋅10−4

$V_{\text{ext}}(r,\theta )=-{\frac {GM}{r}}\left(1-\sum _{i=1}^{\infty }\left({\frac {R_{\text{eq}}}{r}}\right)^{i}J_{i}P_{i}(\cos \theta )\right),$

агравитационтә константа ахьыҟоу — апланета акапан — апланета агәҭанӡа абжьаӡара, — аекватортә радиус, — аполиартә кәакь, — Лежандр иполином, насгьы аихшаратә коеффициентқәа.

Аппаратқәа «Пионер-10», «Пионер-11», «Воиаџьер-1», «Воиаџьер-2», Галилео, Кассини рыԥырраан, агравитациатә потенциал аԥхьаӡаразы хархәара рыҭан: аппаратқәа р-Доплертә еффект ашәара (урҭ рыццакыра агәаҭаразы), асахьа, аппаратқәа иаарышьҭуа, рҭыԥқәа реилкааразы, Иупитери уи амҩанызақәеи ирҿырԥшны, абаза ауӡақәа змоу арадиоинтерферометриа. «Воиаџьер-1», «Пионер-11» рзы Идуу ашәыта ҟаԥшь агравитациатә ныррагьы хшыҩзышьҭра аҭатәхеит.

Уи адагьы, адыррақәа аус рыдулараан, Галилеи имҩанызақәа Иупитер агәҭа иаакәыршаны рныҟәара иазку атеориа аҵабыргра иақәгәыӷлатәуп. Ииашоу аҳасабрақәа рзы, иара убасгьы проблема дууп агравитациатә ҟазшьа змам аццакрагьы ҳасаб азура.

Агравитациатә ҭыԥ аҟазшьала апланета аҩныҵҟатәи аилазаашьагьы алацәажәара ҟалоит.

Иупитер Амратә система апланетақәа рыгәҭа

Акапан

Масса Юпитера в 2,47 раза превосходит массу остальных планет Солнечной системы

Иупитер Амратә системаҿы иреиҳау планетоуп, насгьы рчытә гигантуп. Уи аекватортә радиус 71,4 нызқь км ыҟоуп, Адгьыл арадиус 11,2-нтә еиҳауп.

Иупитер заҵәык ауп Амреи иареи змассатә гәыцә Амра анҭыҵ иҟоу, насгьы Амра арадиус 7% раҟара иацәыхараны иҟоу.

Иупитер акапан Амратә системаҿы иҟоу егьырҭ апланетақәа зегьы рыкапан еилаҵаны аасҭа 2,47-нтә еиҳауп, Адгьыл акапан аасҭа — 317,8-нтә еиҳауп, насгьы Амра акапан аасҭа 1000-нтә раҟара еиҵоуп. Аилаӷәӷәара (1326 кг/м3) Амра аилаӷәӷәара иаҟароуп, насгьы Адгьыл аилаӷәӷәара (5515 кг/м3) аасҭа 4,16-нтә еиҵоуп. Уи аан, абжьааԥны аԥсҭҳәақәа хыхьтәи рыхҟьа ҳәа ирыԥхьаӡо акапан амч Адгьыл атәы аасҭа 2,4-нтә еиҳауп: иаҳҳәап, 45 кг акапан змоу ацәеижь, Адгьыл аҟны ахьанҭара 100 кг змоу ацәеижь ахьанҭара иаҟарахоит. Ари иашьашәалоит Иупитер аҿы зхы иақәиҭу акаҳара аццакра 24.79 м/с2, Адгьыл аҿы 9.8 м/с2.

Уажәтәи аамҭазы иаҳдыруа аекзопланетақәа реиҳарак массалеи шәагаалеи Иупитер иаҿурԥшыртә иҟоу, убри аҟнытә уи акапан (M_J) арадиус (R_J) урҭ рпараметрқәа раарԥшразы иманшәалоу ашәага-загақәа раҳасабала рхы иадырхәоит.

Иупитер "иалымҵыз аеҵәа" аҳасабала

Адгьыли Иупитери реиҿырԥшратә шәагаақәа

Атеориатә модельқәа иаҳдырбоит Иупитер акапан иҵабыргу иара акапан аасҭа акырӡа еиҳазҭгьы, уи апланета шеиҵанацалоз. Акапанаҿы аԥсахра маҷқәа арадиус аҿы хразлоу аԥсахрақәа аанагаӡом. Аха, Иупитер акапан иҵабыргу иара акапан аасҭа ԥшьынтә еиҳазҭгьы, усҟан апланета аилаӷәӷәара убриаҟара еизҳауан, еизҳауа агравитациа анырра ала апланета ашәагаа акырӡа имаҷхон. Абасала, Иупитер, аиԥш зеиԥшу аилазаареи аҭоурыхи змоу апланета иамоу адиаметр иреиҳау адиаметр амоуп. Еиҳа акапан еизҳацыԥхьаӡа, апланета аилаӷәӷәара убри аҟынӡа иацлалон, аеҵәа ашьақәгылараан, Иупитер уажәтәи амасса 50-нтә еиҳаны измоу акаҳуаԥшшәы змоу карликны иҟалаанӡа. Уи астрономцәа Иупитер «иалымҵыз еҵәаны» аԥхьаӡаразы аҿыҵга рнаҭоит, аха еилкаам, Иупитер еиԥш иҟоу апланетақәа рышьақәгылара апроцессқәа иҩбоу аеҵәатә системақәа рышьақәгыларахь иназго апроцессқәа иреиԥшу-иреиԥшыму. Иупитер еҵәахарц азы 75-нтә еиҳа идузар акәын, аха зегь реиҳа ихәыҷу еицырдыруа акарлик ҟаԥшь адиаметр 30% рыла мацара ауп излеиҳау.

Аорбитеи аикәагьежьреи

Иупитер аҿагылара дуқәа 1951 ш. инаркны 2070 шықәсанӡа

Ашықәс	Арыцхә	абжьаӡара, а. ц.
1951	Жьҭаарамза 2	3,94
1963	Жьҭаарамза 8	3,95
1975	Жьҭаарамза 13	3,95
1987	Жьҭаарамза 18	3,96
1999	Жьҭаарамза 23	3,96
2010	Цәыббрамза 21	3,95
2022	Цәыббрамза 26	3,95
2034	Жьҭаарамза 1	3,95
2046	Жьҭаарамза 6	3,95
2058	Жьҭаарамза 11	3,95
2070	Жьҭаарамза 16	3,95

Аҿагылара аан Адгьыл аҟынтәи уԥшуазар, Иупитер иубарҭоу аеҵәатә мҽхакы −2.94^м инаӡар алшоит, убри аҟнытә уахынлатәи ажәҩан аҿы лашарала Амзеи Венереи рышьҭахь ахԥатәи аҭыԥ аанызкыло обиектуп. Иреиҳау абжьаӡараҿы, иубарҭоу амҽхак еиҵахоит −1.61^м аҟынӡа. Иупитери Адгьыли рыбжьара абжьаӡара 588 инаркны -967 миллион километра рҟынӡа аҽаԥсахуеит.

Иупитер аҿагылара мҩаԥысуеит ес-13 мза. Иупитер аҿагылара дуқәа ҟалоит 12 шықәса рахь знык, апланета аорбита аперигели азааигәара ианыҟоу. Ари аамҭа ацыԥҵәахазы Адгьыл аҟынтәи ахылаԥшҩы изы уи акәакьтә шәагаа 50 кәакьтә секунд рҟынӡа инаӡоит, насгьы иара ацырцырра −2.9^м аасҭа илашоуп.

Иупитери Амреи рыбжьара абжьаратәи абжьаӡара 778.57 миллион км ыҟоуп (5.2 AU), а Аикәаҵәира аамҭа 11,86 шықәса иаҟароуп. Иупитер аорбита аексцентриситет 0,0488 ахьыҟоу азы, аперигелии афелии рҿы Амра аҟынӡа абжьаӡара аиԥшымзаара 76 миллион км ауп.

Иупитер аныҟәара аԥырхагахараҿы еиҳарак алагала ҟазҵо Сатурн ауп. Актәи аԥырхага хкы — шәышықәсатәуп, ~70 нызқь шықәса амасштаб аҿы аус зуа, Иупитер аорбита аексцентриситет 0.02 инаркны 0.06 рҟынӡа иаԥсахуеит, насгьы аорбита анаара ~1° инаркны 2° рҟынӡа иаԥсахуеит. Аҩбатәи аԥырхага хкы — аиԥҟьаратә, 2:5 иазааигәоу аизыҟазаашьа змоу (аҿарҵәи ашьҭахь хә-дыргак рҟынӡа аҵабыргра аманы - 2:4.96666).

Апланета аекватортә ҟьаҟьара аорбита аҟьаҟьара иазааигәоуп (аҵәира аҵәҩан анаара 3.13° шьақәнаргылоит, 23.45° — Адгьыл атәы), убри аҟнытә Иупитер аҿы ашықәсс аамҭақәа рҽеиҭныԥсахлара мҩаԥысӡом.

Иупитер Амратә системаҿы иҟоу егьырҭ апланетақәа раасҭа иара иҵәҩан иакәшаны еиҳа лассы иҵәиуеит. Аекватор аҿы аҵәира аамҭа 9 сааҭки 50 минуҭи 30 секунди ыҟоуп, абжьаратәи аҭбаарақәа рҿы — 9 сааҭки 55 минуҭи 40 секунди ауп. Иара ирласны аҵәира абзоурала, Иупитер аекватортә радиус (71,492 км) 6.49% рыла еиҳауп аполиартә радиус (66,854 км) аасҭа; Абасала, апланета аиҵацалара (1:51.4) шьақәнаргылоит.

Атмосфераҿы аԥсҭазаара аҟазаара иазку агипотезақәа

Иахьазы, Иупитер аҿы аԥсҭазаара аҟазаара ҟалашьа амамшәа иаабоит: атмосфераҿы аӡы амаҷра, аҿықә ӷәӷәа амамзаара, уҳәа убас иҵегьы. Аха, 1970-тәи ашықәсқәа рзы, америкатәи астроном Карл Саган иҳәеит Иупитер атмосфера хыхьтәи ахҟьақәа рҿы аммиак шьаҭас измоу аԥсҭазаара ыҟазар шалшо. Иупитертәи атмосфера аҵаулара маҷқәа рҿгьы, аҳауа аԥхарреи аилаӷәӷәареи даара иҳаракуп, насгьы ахимиатә еволиуциа иадамзаргьы иҟалар шалшо мап ацәкра ҟалом, избан акәзар ахимиатә реакциақәа рыццакреи рыҟалара алшареи уи иацхраауеит. Аха, Иупитер аҿы аӡы-акарбондиоксидтә ԥсҭазаара ыҟазаргьы алшоит: аӡы афақь ала ишьақәгылоу аԥсҭҳәақәа зҭоу атмосфера ахҟьаҿы аҳауа аԥхарреи ақәыӷәӷәареи иара убас кырӡа иманшәалоуп. Карл Саган, Е. Е. Салпитери иареи, ахимиеи афизикеи рзакәанқәа рҳәаақәа ирҭагӡаны аҳасабрақәа ҟаҵаны, Иупитер атмосфераҿы иҟазарц зылшо х-ԥсҭазааратә формак ахҳәаа рзыруит:

• Асинкерцқәа (англ. sinker — «иҵааҟәрыло») иссаӡоу ацәеижьқәа, зеиҿиаара кырӡа лассы имҩаԥысуа, хыԥхьаӡара рацәала ахылҵшьҭрақәа нзыжьуа. Уи абзоурала урҭ рыхәҭак еиқәхоит ишәарҭоу аконвекциатә цәқәырԥақәа ахьыҟоу, асинкерқәа атмосфера ицоу ҵаҟатәи аҟәшақәа рахь ргара зылшо;
• Афлоаетерқәа (анг. floater - “азӡара”) — анкьаԥышҭарчқәа иреиԥшу аорганизм дуқәа (адгьылтә қалақь иаҟароу) роуп. афлоатер аҳауатә макәан аҟынтәи агели ҭганы аӡри ааннажьуеит, уи абзоурала атмосфера хыхьтәи ахҟьақәа рҟны иаанхоит. Иара аорганикатә молекулақәа рыла ичалар алшоит, мамзаргьы адгьылтә ҵиаақәа реиԥш ахала урҭ ахылҵыргьы ауеит;
• Ахантерқәа (англыз быз. hunter - “ашәарыцаҩ”) — ишәарыцо ацәеижьқәа, афлоаетерқәа иреиҩаӡо.

Аҩныҵҟатәи аиҿартәышьа

Шәахәаԥш иара убас: Иупитер атмосфера

Ахимиатә еилазаашьа

Иупитери Амреи рҿы аӡри иадҳәаланы аелементқәа раларҵәара

Ахәҭаҷ	Амра	Иупитер/Амра
He/H	0,0975	0,807 ± 0,02
Ne/H	1,23·10−4	0,10 ± 0,01
Ar/H	3,62·10−6	2,5 ± 0,5
Kr/H	1,61·10−9	2,7 ± 0,5
Xe/H	1,68·10−10	2,6 ± 0,5
C/H	3,62·10−4	2,9 ± 0,5
N/H	1,12·10−4	3,6 ± 0,5 (8 бар)3,2 ± 1,4 (9—12 бар)
O/H	8,51·10−4	0,033 ± 0,015 (12 бар)0,19-0,58 (19 бар)
P/H	3,73·10−7	0,82
S/H	1,62·10−5	2,5 ± 0,15

Иупитер аҩныҵҟатәи ахҟьақәа рхимиатә еилазаара ҳаамҭазтәи ахылаԥшратә методқәа рыла еилкаашьа амам, аха атмосфера адәахьтәи ахәҭақәа рҿы ахимиатә элементқәа раларҵәара ииашаны еилкаауп, избан акәзар 1995 шықәса ԥхынҷкәынмза 7 инаркны илбаауа аппарат «Галилео» ала иҭырҵаауан. Иупитер атмосфера ихадоу ҩ-хәҭак — амолекулатә ӡрии агелии. Атмосфераҿы иҟоуп иара убас имаҷымкәа имариоу аилаҵақәа, иаҳҳәап, аӡы (H₂O), аметан (CH₄), атыҩшаӡри (H₂S), аммиак (NH₃) афосфин (PH₃). Урҭ рхыԥхьаӡара иҵаулоу (10 бар ҵаҟа) атропосфераҿы иаанарԥшуеит Иупитер атмосфера арацәари, азот, атыҩша, аҵәыҵәри рыла 2-4 факторла Амра иаҿырԥшны ишбеиоу.

Егьырҭ ахимиатә еилаҵақәа, арсин (AsH₃) насгьы агерман (GeH₄), ыҟоуп, аха рыхәҭаа маҷуп.

Аинерттә рчқәа, аргон, акриптон, аксенон рконцентрациа Амраҿы урҭ рхыԥхьаӡара аасҭа еиҳауп (шәахә. аиҵаҩра), анеон аконцентрациа хымԥада еиҵоуп. Иҟоуп рхыԥхьаӡара рацәамкәа имариоу арацәаӡриқәа: аетан, ацетилени адиацетилени, — Иупитер амҳалдызсфера аҟынтәи иааиуа амратә ультрафиалеттә радиациеи еиҵаҵоу ахәҭаҷқәеи рнырра ала ишьақәгыло. Арацәари адиоксид, арацәари амоноксид, аӡы атмосфера хыхьтәи ахәҭаҿы, агәаанагара шыҟоуп ала, уаҟа рыҟазаара зыхьҟаз ауп Иупитер атмосфера акометақәа ахьагәыдлаз — иаҳҳәап, Шумеикерцәа-Леви 9 ркомета еиԥш иҟоу. Аӡы атропосфера аҟнытә аашьа амаӡам, избанзар атропопауза, ацәҟьа хьшәашәа еиԥш аус зуа, аӡы астратосфера аҩаӡара аҟынӡа ахалара қәҿиарала иаԥхьнарҟәҟәаауеит.

Иупитер аԥштәы ҟаԥшь аҽеиҭакрақәа зыхҟьо афосфор (афосфор ҟаԥшь), атыҩша, арацәари, аорганика реилаҵақәа рыҟазаара акәзар ауеит, атмосфераҿы иҟоу афымцатә цәырҟьарақәа ирыхҟьаны ицәырҵуа. Карл Саган имҩаԥигаз атмосфера ҵаҟатәи ахҟьақәа асимуляциа рзызуаз аԥышәараҿы (иаҳа имаҷны) ԥшь-цәаҳәактәи ахризен аарԥшын акаҳуаԥшшәы змоу атолинқәа рыбжьара, насгьы абри аилаҵазы еиҳау ауп аполициклтәи афҩытә рацәаӡриқәа, 4 мамзаргьы еиҳаны абензолтә мацәазқәа змоу, еиҳа имаҷны иуԥылоит еиҵоу амацәазқәа рхыԥхьаӡара. Аԥштәы даара иахьеиԥшым азы, атмосфера ахимиатә еилазаара еиуеиԥшым аҭыԥқәа рҿгьы еиуеиԥшым ҳәа иԥхьаӡоуп. Иаҳҳәап, иҟоуп «ибоу» насгьы «ицәаакуа» аҭыԥқәа, аӡы афақь еиуеиԥшым ахьыԥхьаӡара ахьыҟоу.

Аиҿкаашьа

Иупитер аҩныҵҟатәи аилазаашьа амодель: аԥсҭҳәақәа рыҵаҟа иҟоуп 21 нызқь км рҟынӡа ажәпара змоу аӡрии агелиуми реилаԥса, арчытә фаза аҟынтәи аӡытә фазахь ашьшьыҳәа ииасуа, анаҩс иҟоуп 30-50 нызқь км аҵаулара змоу аӡи аметаллтә ӡрии рыхҟьа. Аҩныҵҟа иҟазар алшоит 20 нызқь км адиаметр змоу агәыцә кьакьа

Уажәтәи аамҭазы, Иупитер аҩныҵҟатәи аилазаашьа амодель иреиҳау азхаҵара аиуит:

1. Атмосфера. Уи хы-хәҭакны еиҟәшоуп:
   1. аӡри ала ишьақәгылоу адәахьтәи ахҟьа;
   2. абжьаратәи ахҟьа, аӡрии (90%), агелии (10%) рыла ишьақәгылоу;
   3. ҵаҟатәи ахҟьа, аӡри, агели, аммиак, аоммони агидросульфид, аӡы рыла ишьақәгылоуп, аԥсҭҳәақәа рыхҟьақәа хԥа шьақәзыргыло:
      1. Хыхь — иҵааз аммиак иалху аԥсҭҳәақәа ыҟоуп (NH₃). Иара аԥхарра −145 °C раҟара ыҟоуп, ақәыӷәӷәара 1 атм рҟынӡа ауп;
      2. Уи аҵаҟа — аммони агидросульфидтә кристаллқәа (NH₄HS) рыԥсҭҳәақәа;
      3. Ҵаҟаӡа — аӡы аҵаа, иҟалап аӡы ҵаӷа^{иаанагозар ҟаалап — ацәыкәбар хәыҷқәа рсахьа змоу}. Ари ахҟьаҿы ақәыӷәӷәара 1 атм шьақәнаргылоит, аҳауа аԥхарра −130 °C (143 K) раҟара. Абри аҩаӡара аҵаҟа апланета ҵәцаӡам.
2. Аметаллтә ӡри ашьаҭа. Ари ашьаҭа аԥхарра аҽаԥсахуеит 6,300 инаркны 21,000 К рҟынӡа, ақәыӷәӷәара 200 инаркны 4000 ГПа рҟынӡа.
3. Ахаҳәтә гәыцә.

Ари амодель аргылара шьаҭас иамоуп ахылаԥшратә дыррақәа рсинтез, атермодинамика азакәанқәа рхархәара, насгьы ақәыӷәӷәара ҳаракы аҵаҟеи, аԥхарра ҳарак аҟни иҟоу аматериа иазку алабораториатә дыррақәа рекстраполиациа. Уи шьаҭас иамоу агәаанагара хадақәа:

• Иупитер агидродинамикатә еиҟарараҿы иҟоуп;
• Иупитер атермодинамикатә еиҟарараҿы иҟоуп.

Акапани амчхареи рыхьчара азакәанқәа абарҭ аԥҟарақәа ирыцаҳҵар, еиҟаратәра хадақәа рсистема ҳауеит.

Ари имариоу х-шьаҭак змоу амодел аҳәаақәа ирҭагӡаны, ашьаҭа хадақәа рыбжьара еилыкка аҳәаа ыҟаӡам, аха афазатә еиҭасрақәа рҭыԥқәагьы маҷуп. Убри аҟнытә, ҳара иҳалшоит агәаанагара ҟаҳҵар, апроцессқәа зегьы шамахамзар ирҭыԥантәиуп ҳәа, уи алшара ҳанаҭоит шьаҭацыԥхьаӡа хаз-хазы ахәаԥшра.

Атмосфера

Иупитер атмосфера аилазаашьа

Иупитер Идуу ашәыта ҟаԥшьи иҭынчым аладатәи агьежьбжеи рҭеиҭыԥш, JunoCam КА «Иунона» иҭнахыз (2019 шықәса, жәабранмза 12)

Еиуеиԥшым аспектрқәа рыла иҭыху Иупитер атмосфера. Иубарҭоу

Аинфраҟаԥшьтә

Аультрафиолеттә

[[Афаил:PIA21641-Jupiter-SouthernStorms-JunoCam-20170525.jpg|мини|right|250px|Акосмостә аппарат “Юнона (космический аппарат) [[Афаил:JIRAM_Image_Southern_CPCs.jpg|мини|right|250px|Иупитер Аладатәи аполиус аҟны ациклонтә ԥшацәгьақәа рҭеиҭыԥш, акосмостә ӷба “Юнона (космический аппарат)

Иупитер Аҩадатәи аполиус аҟны ациклонтә ԥшацәгьақәа рҭеиҭыԥш, JIRAM инфраҟаԥшьла иҭнахыз (2020 шықәса, ԥхынгәымза 31)

Ари Иупитер Аҩадатәи аполиус 3D аинфраҟаԥшьтә сахьа ауп, JIRAM еизнагаз адыррақәа рыла иаагоуп (2018 шықәса, мшаԥымза 11)

Ихадароу астатиа: Иупитер атмосфера

Атмосфераҿы аҳауаԥхарра еиԥшымкәа аизҳара иаҿуп. Уаҟа, Адгьыл аҿы еиԥш, иалкаазар ауеит аекзосфера, атермосфера, астратосфера, атропопауза, атропосфера. Хыхьӡатәи ахәҭақәа рҿы аҳауаԥхарра ҳаракуп; аҵаулаара иацлацыԥхьаӡа ақәыӷәӷәара иазҳауеит, аҳауаԥхарра тропопауза аҟынӡа илеиуеит; Атропопауза инаркны, аҵаулара иацлацыԥхьаӡа аԥхаррагьы ақәыӷәӷәарагьы ирызҳауеит. Адгьыл еиԥш акәымкәа, Иупитер амезосфереи уи иақәшәо ​​амезопаузеи амаӡам.

Идуу агьежьеизыхәхәа каҳуаԥшшәы, 1979 шықәса хәажәкырамза 2 рзы “Воиаџьер-1” иҭнахыз.

Иупитер атермосфераҿы ирацәаны аинтерес зҵоу апроцессқәа мҩаԥысуеит: абраҟоуп апланета радиациала аԥхарра ахәҭак ахьацәыӡуа, абраҟоуп аурорақәа ахьышьақәгыло, абраҟоуп аионосфера ахьышьақәгыло. 1 нбар ақәыӷәӷәара аҩаӡара уи аҩадатәи ҳәаа ҳәа иԥхьаӡоуп. Иубарҭоу атермосфера аԥхарра 800-1000 К ауп, уажәазы ари афакттә материал макьана ҳаамҭазтәи амодельқәа рҳәаақәа ирҭагӡаны аилыркаара маиуӡац, избан акәзар урҭ рҿы аԥхарра 400 К еиҳамзароуп. Иупитер архьшәашәарагьы иаабац процессым: аӡри ахатомктәи аион (H₃⁺), Иупитер ада, Адгьыл аҿы мацара иԥшаау, 3-5 мкм рыбжьара ацәқәырԥақәа рыҩаӡараҿы аспектр абжьаратәи аинфраҟаԥшьтә хәҭақәа рҿы амч ду змоу аемиссиа ҟанаҵоит.

Илбаауа аппарат аҟынтәи ишиашоу ашәарақәа рыла, иҵәцам аԥсҭҳәақәа аҩадатәи рыҩаӡара ақәыӷәӷәара 1 атмосфера алеи — 107 °C аҳауаԥхарреи амоуп; 146 км аҵаулараҿы - 22 атмосфера, +153 °C. «Галилео» иара убас аекватор аҿы «ашәыта ԥхақәа» аԥшааит. Иҟалап, арҭ аҭыԥқәа рҿы адәахьтәи аԥсҭҳәақәа рыхҟьа ҵаӷазар, еиҳа иԥхоу аҩныҵҟатәи ахәҭақәа убар ауазар.

Аԥсҭҳәақәа рыҵаҟа 7-25 нызқь км аҵаулара змоу ашьаҭа ыҟоуп, уаҟа аӡри хәыҷы-хәыҷла аҭагылазаашьа арчы аҟынтәи аӡахьы иаԥсахуеит, ақәыӷәӷәареи аҳауаԥхарреи реизҳарала (6000 °C рҟынӡа). Арчытә ӡрии аӡри ҟьатеи еиҟәызыҭхо еилыкка иҟоу аҳәаа, ишаабо ала, иҟамзар ҟалап. Уи адунеизегьтәи аӡритә океан еиԥмырҟьаӡакәа аилашра еиԥшзар ауеит.

Аметаллтә ӡри ашьаҭа

Аметаллтә ӡри ҟалоит ақәыӷәӷәара ҳаракқәа раан (миллион атмосферак раҟара) насгьы аԥхарра ҳаракқәа раан, аелеқтронқәа ркинетикатә мчхара аӡри аионизациатә потенциал ианахыҳәҳәо. Убри аҟнытә, уи аҟны апротонқәеи аелектронқәеи хазы-хазы иҟоуп, убри аҟынтә аметаллтә ӡри афымцамч мҩангага бзиоуп. Аметаллтә ӡри шьаҭа ажәпара 42-46 нызқь км раҟара иҟоуп.

Ари ашьаҭаҿы ицәырҵуа амч ду змоу афымцатокқәа Иупитер амҳалдызтә мҽхак дуӡӡа дырҿиоит. 2008 шықәсазы, Беркли иҟоу Калифорниатәи Ауниверситет аҟынтәи Реимонд Џьинлози, Лондонтәи Ауниверситеттә Коллеџь аҟынтәи Ларс Стиксруди, Иупитери Сатурни реиҿкаара амодель ҟарҵеит, уи инақәыршәаны, урҭ рҿы иара убасгьы иҟоуп аихатә гели, уи аихатә ӡри иацланы аиларҭәа шьақәдыргылоит.

Агәыцә

Апланета аинерциа ишәоу амоментқәа рхархәарала уи агәыцә ашәагааи акапани рыхәшьара ҟаҵазар ауеит. Уажәатәи аамҭазы, агәыцә акапан 10-тә Адгьыл акапан еиҳауп, насгьы ашәагаа 1,5-нтә уи адиаметр еиҳауп ҳәа иԥхьаӡоуп.

Иупитер Амра аҟынтәи иоуа амчхара аасҭа кырӡа еиҳаны иҭнажьуеит. Аҵарауаа ргәы ишаанаго ала, Иупитер апланета ашьақәгылараан аматериа аиҵалара апроцесс аҿы ишьақәгылаз аԥхаратә мчхара дуӡӡа аҭаҵәахқәа амоуп. Иупитер аҩныҵҟатәи аилазаашьа уаанӡатәи амодельқәа, апланета иҭнажьуа амчхара мыцхәы аилыркааразы, уи аҵаулараҿы арадиоактивтә ԥхасҭахара мамзаргьы агравитациа анырра аҵаҟа апланета аиҵалара аан амчхара аҭыҵра алнаршон.

Ашьаҭабжьаратәи апроцессқәа

Ихьыԥшым ашьаҭақәа рҿы апроцессқәа зегьы рҭыԥқәа рышьақәыргылара залшом: атмосфера ахимиатә элементқәа рыҟамзаара, имцхәу ашәахәаркра, уҳәа убас иҵегьы реилыркаара хымԥадатәуп.

Адәахьтәии аҩныҵҟатәии ашьаҭақәа рҿы агели ахьыҟоу аиԥшымра зыхҟьо уи ауп, гели атмосфера аҿы аконденсациа ахьуеит, насгьы ацәыкәбарқәа раҳасабала иҵаулоу аҭыԥқәа рахь иақәшәоит. Ари ацәырҵра адгьылтә қәоура угәаланаршәоит, аха аӡы аҟынтәи акәымкәа, агели аҟынтәи.

Иупитер аҩадатәи аполиус, Пионер-11 иҭнахыз.

Ааигәа иаарԥшын анеон урҭ ацәыкәбарқәа рылаӡҩара шалшо. Уи ауп анеон азымхарагьы ҳаилзыркаауа.

Калифорниатәи ауниверситет аҵарауаа-планетологцәа Мона Делицкии Кевин Беитси ирҳәоит арацәари ахәа аграфит, анаҩс алмаз ахь аҽеиҭакра ҟалар шалшо арчытә гиганқәа Сатурни Иупитери рҿы. Алмас хәҭаҷқәа апланета агәыцә ианазааигәахо еиҳа-еиҳа иԥхоит. Абасала, урҭ убриаҟынӡа иҭәоит, иӡу алмазтә цәыкәбарқәаны иҟалоит.

Атмосфератә цәырҵрақәеи афеноменқәеи

Атмосфера аныҟәара

“Воиаџьер-1” аҟынтәи афотосахьақәа рыла Иупитер аҵәира анимациа, 1979ш.

Иупитер аҿы аԥша аццакра 600 км/сааҭ еиҳахар алшоит. Адгьыл аҿы еиԥш акәымкәа, аекватортәи аполиартәи арегионқәа рҿы амра аԥхара аиԥшымра иахҟьаны атмосфератә циркулиациа ахьыҟало, Иупитер аҿы амра ашәахәаркра аԥхарратә циркулиациахь иамоу анырра маҷуп; амч хадақәа иреиуоуп аԥхарра ацәқәырԥақәа, апланета агәаҟынтәи иаауа, иара убас амчхара, Иупитер ахатә ҵәҩан иццакны акәшараан иҭыҵуа.

Адгьыл аҿы имҩаԥыргоз ахылаԥшрақәа рыла, астрономцәа Иупитер атмосфераҿы иҟоу амаҟақәеи азонақәеи еихыршеит аекватортәи, атропикатәи, абжьаратәқәа, насгьы аполиартәқәа ҳәа. Атмосфера аҵаулара аҟынтәи иҩеиуа, Иупитер аҿы иҟоу Кориолис имчқәа рнырра аҵаҟа иҟоу азонақәа рҿы иҟоу арчқы рԥха амассақәа апланета апараллельқәа рыла еиҵыҵуеит, насгьы азонақәа еиҿаԥшуа рыҵкарқәа еиҿалоит. Азонақәеи амаҟақәеи рҳәаақәа рҿы (иҵабго ацәқәырԥақәа рҭыԥқәа) иӷәӷәоу атурбулентра ыҟоуп. Аекватор аҩадахьы, ҩадаҟа ирхо азонақәа рҿы ацәқәырԥақәа Кориолис имчқәа рыла мрагыларахь рхы дырхоит, насгьы аладаҟа ирхо — мраҭашәарахь рхы дырхоит. Аладатәи агьежьбжаҿы — инарҳәаарҳәны. Адгьыл аҟны уи еиԥшу ашьақәгылашьа ирымоуп апассатқәа.

Ацәаҳәақәа

Еиуеиԥшым ашықәсқәа рзы Иупитер аӷазқәа. Ԥхынгәымза 2009

Рашәарамза 2010

Акосмосныҟәага “Иунона” Иупитер 16-тәи ахаԥырра

Акосмостә ӷба “Иунона” аԥырра (2020 шықәса, рашәарамза 2)

Иупитер адәахьтәи аҭеиҭыԥш иаҷыдароу уи ацәаҳәақәа роуп. Урҭ рхылҵшьҭра ҳаилзыркаауа аверсиақәа жәпакы ыҟоуп. Убас, версиак инақәыршәаны, ацәаҳәақәа цәырҵит апланета ду атмосфераҿы аконвекциа ацәырҵра иахҟьаны — аԥхара амзыз ала, насгьы, уи иахҟьаны, шьаҭақәак рышьҭыхра, егьырҭ рыхьшәашәара, рылаҟәра. 2010 шықәсазы, ааԥын аҵарауаа агәаанагара ҟарҵеит Иупитер аҿы иҟоу ацәаҳәақәа уи амҩанызақәа рнырра иахҟьаны иҟалеит ҳәа. Иҟоуп агәаанагара, амҩанызақәа рыгравитациа анырра абзоурала, Иупитер аҿы иҷыдоу аматериа «ашьаҟақәа» шьақәгылеит ҳәа, урҭ еикәагьежьуа ацәаҳәақәа ҟарҵон.

Аконвективтә цәқәырԥақәа, аҩныҵҟатәи аԥхарра ақәыԥшыларахь ицәырызго, адәахьала аҭыԥ лашақәеи амаҟа лашьцақәеи реиԥш иааԥшуеит. Аҭыԥ лашақәа рҿы иҩеиуа ацәырҵрақәа ирықәшәо ​​ақәыӷәӷәара еизҳауеит. Аҭыԥқәа шьақәзыргыло аԥсҭҳәақәа еиҳа иҳараку аҩаӡараҿы иҟоуп (20 км рҟынӡа), насгьы урҭ рыԥштәы лаша аммиак шкәакәа злоу акристаллқәа рылаҵәара ахьеизҳауа ала ишьақәырӷәӷәоуп. Ҵаҟа иҟоу амаҟақәа рыԥсҭҳәа еиқәаҵәақәа аҟаԥшь-каҳуаԥшшәы змоу аммони агидросульфид акристалқәа рыла ишьақәгылоуп ҳәа иԥхьаӡоуп, насгьы еиҳа иҳараку аԥхарра рымоуп ҳәа. Арҭ аилазаашьақәа иаадырԥшуеит аӡы ахьцо аҭыԥқәа. Аҭыԥқәеи амаҟақәеи Иупитер ахьеикәшо аганахьала еиуеиԥшым аццакра рымоуп. Агьежьра аамҭа аҭбаара иаҿырԥшны минуҭқәак рыла еиҭасуеит. Уи иахҟьаны иҟалоит иҭышәынтәалоу азоналтә цәқәырԥақәа ма аԥшақәа, урҭ еиԥмырҟьаӡакәа аекватор иаваршәны ганк ала иасуеит. Ари адунеизегьтәи асистемаҿы аццакра 50 м/с инаркны 150 м/с рҟынӡа инаӡоит, насгьы еиҳаны. Амаҟақәеи азонақәеи рҳәаақәа рҿы иӷәӷәоу атурбулентра убаратәы иҟоуп, уи иахҟьаны хыԥхьаӡара рацәала аԥшаҵәитә структурақәа рышьақәгылара ҟалоит. Еиҳа еицырдыруа абас еиԥш иҟоу ашьақәгылашьа — аҵыхәтәантәи 300 шықәса ирылагӡаны Иупитер аҿықәан иубаратәы иҟоу Идуу ашәыта ҟаԥшь ауп.

Аԥшаҵәи анцәырҵлак, ахәҭа хәыҷқәа рфақьқәа змоу ирԥхоу арчы амассақәа аԥсҭҳәақәа рқәыԥшыларахь ишьҭнахуеит. Иҟало аммиактә сы акристаллқәа, аси ацәыкәбарқәеи рсахьа змоу аммиактә еилаҵақәа, иаабац аӡытә сы, аҵаа хәыҷы-хәыҷла атмосфера аҟны илбаауеит, аҳауа аԥхарра иахьынӡақәнагоу аҟара иахьыҳараку аҩаӡара аҟынӡа инеины, ифақьхоит. Уи ашьҭахь арчытә ҭагылазаашьаҿы иҟоу аматериа дырҩеигь аԥсҭҳәа ашьаҭахь ихынҳәуеит.

2007 шықәсазы аԥхын, «Хаббл» ателескоп Иупитер атмосфераҿы аиҭакра дуқәа гәанаҭеит. Аекватор аҩадахьи аладахьи атмосфера аҟны хаз-хазы азонақәа маҟақәахеит, насгьы амаҟақәа — зонақәаны иҟалеит. Убри аан, атмосфератә формациақәа рформақәа рымацара ракәымкәа, рыԥштәқәагьы рҽырыԥсахит.

2010 шықәса лаҵарамза 9 рзы, астроном-абзиабаҩ Ентони Уесли (англ. Anthony Wesley, ҵаҟагьы уахәаԥш) игәеиҭеит зегь реиҳа иубарҭоу, еиҳа иҭышәынтәалоу ашьақәгылашьақәа руак, Аладатәи Аекваториалтә маҟа, иаалырҟьаны апланета аҟынтәи ишабжьаӡыз. Аладатәи аекватортә маҟа аҭбаараҿы ауп уи «иаӡәӡәоз» Идуу ашәыта ҟаԥшь ахьыҟоугьы. Иупитер Аладатәи аекватортә маҟа иаалырҟьаны абжьаӡра зыхҟьаз уи ахыхь еиҳа илашо аԥсҭҳәақәа рышьаҭа ацәырҵра ауп ҳәа иԥхьаӡоуп, урҭ рыҵаҟа аԥсҭҳәа еиқәаҵәақәа рцәаҳәа ҵәахуп. «Хаббл» ателескоп ала имҩаԥгаз аҭҵаарақәа рыла, амаҟа зынӡа имыӡит, аха аммиак злоу аԥсҭҳәақәа рыҵаҟа иҵәаххеит ҳәа алкаа ҟаҵан.

Ацәаҳәақәа ахьыҟоу, рыҭбаара, рыгьежьра аццакра, атурбулентра, рылашара аамҭа-аамҭала рҽырыԥсахуеит. Цәаҳәацыԥхьаӡа 3-6 шықәса ирылагӡаны рхатә цикл еиҿыркаауеит. 11-13 шықәса ирылагӡаны адунеизегьтәи аҽеиҭакрақәагьы убаратәы иҟоуп. Ахыԥхьаӡаратә ԥышәара ари аиҭакра Адгьыл аҿы иаҳбо аиндекстә цикл ацәырҵра еиԥшуп ҳәа аԥхьаӡаразы амзыз ҳанаҭоит.

Идуу ашәыта ҟаԥшь

Ихадароу астатиа: Идуу ашәыта ҟаԥшь

Иупитер Идуу ашәыта ҟаԥшь, хәажәкырамза 1, 1979 ш. (“Воиаџьер-1” афото)

Идуу ашәыта ҟаԥшь ирааигәаны, Акосмостә ӷба “Иунона” аҭыхга “JunoCam” Иупитер атмосфера ахыхь 8000 км аҳаракыраҿы иҭнахыз (ԥхынгәы 11, 2017 ш.)

Идуу ашәыта ҟаԥшь асахьа, Иупитер атмосфера ахыхь 16,535 км аҟынтәи акосмостә ӷба “Иунона” аҭыхга JunoCam ала иҭыху (2017 шықәса, ԥхынгәымза 10)

Идуу ашәыта ҟаԥшь —зшәагаа еиҭасуа, аладатәи атропикатә зонаҿы иҟоу агьежьеиҵыхтә шьақәгылашьа ауп. Иара ааиртит Роберт Гук 1664 шықәсазы. Уажәтәи аамҭазы уи ашәагаа 15×30 нызқь км (Адгьыл адиаметр ~12.7 нызқь км) инаӡоит, 100 шықәса раԥхьа ахылаԥшыҩцәа иазгәарҭон ҩынтә еиҳаны ашәагаақәа. Зны-зынла уи еилыкка иубарҭаӡам. Идуу ашәыта ҟаԥшь — зеиԥшыҟам ақәра ду змоу ҳауатә цәқәырԥа дуӡӡоуп, уи аматериа асааҭ ахыц иаҿаланы игьежьуеит, насгьы аикәшара наӡак адгьылтә мшқәа 6 рыла иҟанаҵоит.

2000 шықәса анҵәамҭазы азонд «Кассини» ала имҩаԥгаз аҭҵаарақәа рыбзоурала, еилкаахеит Идуу ашәыта ҟаԥшь ҵаҟатәи ацәқәырԥақәа (атмосфератә массақәа рвертикалтә циркулиациа) ишрыдҳәалоу; араҟа аԥсҭҳәақәа еиҳа иҳаракуп, аҳауа аԥхарра егьырҭ аҭыԥқәа рҟны аасҭа еиҵоуп. Аԥсҭҳәақәа рыԥштәы аҳаракыра иадҳәалоуп: аиаҵәа структурақәа — зегь раасҭа хыхь иҟоуп, урҭ рыҵаҟа акаҳуаԥштәы змоу шьҭоуп, анаҩс ашкәакәақәа. Аҟаԥшьқәа зегь реиҳа илаҟәуп. Идуу ашәыта ҟаԥшь аҵәира аццакра 360 км/сааҭ амоуп. Ибжьаратәу аҳауаԥхарра -163 °C ауп, ашәыта аҵкарахьтәи агәҭахьтәи ахәҭақәа рыбжьара аҳауаҟәандара аиԥшымзаара 3-4 градус шьақәнаргылоит. Ашәыта агәҭаны иҟоу атмосфератә рчқәа асааҭ ахыцқәа иахьрыцгьежьуа, аха аҵкарахьтәиқәа асааҭ ахыц иаҿаланы иахьыгьежьуа зыхҟьо абри аиԥшымзаара ауп ҳәа агәаанагара ыҟоуп. Иара убасгьы иҳәоуп аԥхарреи, ақәыӷәӷәареи, аныҟәареи, Ашәыта ҟаԥшь аԥштәи рыбжьара аидҳәалара шыҟоу, аха аҵарауаа уажәгьы уи хықәкыла излаҟоу атәы аҳәара рцәыцәгьоуп.

Аамҭа-аамҭала Иупитер аҿы ациклонтә система дуқәа реидысларақәа ҟалалоит. Урҭ руак ҟалеит 1975 шықәсазы, уи иахҟьаны Ашәыта аԥштәы ҟаԥшь шықәсқәак иԥсыҽхеит. 2002 шықәса жәабранмза анҵәамҭазы, даҽа ԥшаҵәи дуӡӡак — Акәтаӷь шкәакәа — Идуу ашәыта ҟаԥшь ала аццакра аанкылахо иалаган, аиҿагылара мызк дуӡӡак ицон. Аха уи аҩ-ԥшаҵәик ӷәӷәала ааха рнамҭеит, избанзар цәхасрала иҟалеит.

Идуу ашәыта ҟаԥшь аԥштәы ҟаԥшь маӡоуп. Уи зыхҟьо амзызқәа иреиуазар ауеит афосфор злоу ахимиатә еилаҵақәа. Иупитертәи атмосфера зегьы аԥшра аԥызҵо аԥшшәқәеи амеханизмқәеи уажәраанӡагьы ибзианы еилкааӡам, уи апараметрқәа ишиашоу ршәарала мацара ауп аилыркаарагьы ҟаҵазарц шалшо.

1938 шықәсазы 30° аладатәи аҭбаара азааигәара х-гьежьеизыхәхәа—ԥшаҵәыҩ шкәакәа дук рышьақәгылареи рыҿиареи ҭаҩын. Ари апроцесс иацын иҵегьы аовал шкәакәа хәыҷқәа — аԥшаҵәиқәа рышьақәгылара. Уи ишьақәнарӷәӷәоит Идуу ашәыта ҟаԥшь иупитертәи аԥшаҵәиқәа рҟынтә зегь реиҳа иӷәӷәоу шакәу. Аҭоурыхтә ҭаҩрақәа иаадырԥшӡом апланета аҩадатәи аҭбаарақәа рыбжьаратәи аҭбаарақәа рҿы ас еиԥш аамҭа рацәала иҟоу асистемақәа. Аҩадатәи аҭбаара 15° азааигәара еиқәаҵәоу аовал дуқәа гәаҭан, аха, излаабо ала, аԥшаҵәиқәа рцәырҵразы иаҭаху аҭагылазаашьақәа Аладатәи агьежьбжаҿы мацара ауп иахьыҟоу.

Имаҷу ашәыта ҟаԥшь

Идуу ашәытаа ҟаԥшьи “ихәыҷу ашәыта ҟаԥшьи” 2008 шықәса лаҵарамзазы, “Хаббл” ателескоп ала иҭыху афотосахьаҿы

Хыхь зыӡбахә ҳәаз ишкәакәоу аԥшаҵәыҩ-гьежьеизыхәхәақәа ракәзар, урҭ рҟынтә ҩба 1998 шықәсазы еилаҵәеит, 2000 шықәсазы иҟалаз ԥшаҵәыҩ ҿыцк иаанхаз ахԥатәи агьежьеизыхәхәа иацлеит. 2005 шықәса анҵәамҭазы, аԥшаҵәыҩ (Oval BA, English Oval BC) аԥштәы аԥсахра иалагеит, аҵыхәтәан аԥштәы ҟаԥшь аахәаны, уи азы ахьӡ ҿыц аиуны - Ашәытаԥ Ҟаԥшь Хәыҷы ҳәа. 2006 шықәса ԥхынгәымзазы Ашәыта Ҟаԥшь Хәыҷы уи аешьа еиҳабы, Ашәыта ԥ Ҟаԥшь Ду иахькьысит. Аха, уи аҩ-ԥшаҵәик уеизгьы-уеизгьы ӷәӷәала ирнымԥшит - аиҿасра ҟалеит еицәхасрала. Аиҿасра ҟалоит ҳәа аԥхьагәаҭара ҟаҵан 2006 шықәса актәи азбжазы.

Амацәысқәа

Амацәысқәа (ҵаҟатәи акәакьҭаҿы илашоу ацәырҵрақәа), Иупитер аҟны аԥшацәгьа иадҳәалоуп

Аԥшаҵәыҩ агәҭаны ақәыӷәӷәара еиҳахоит иаакәыршаны иҟоу аҭыԥқәа рҟны раасҭа, насгьы аԥшацәгьақәа рхаҭақәа ақәыӷәӷәара лаҟәқәа рыла иҭаҳәҳәоуп. Акосмостә зондқәа «Воиаџьер-1», насгьы «Воиаџьер-2» иҭырхыз афотосахьақәа рылаишьақәыргылахеи абас еиԥш иҟоу аԥшаҵәыҩқәа рыгәҭаны зықь километрла аура змоу амацәыс ацәырҟьара дуқәа шцәырҵуа. Амацәысқәа рымчра Адгьыл аҿы иҟоу амчра аасҭа х-еишьҭагылак рыла еиҳауп.

Амҩанызақәа рҟынтәи агага цақәа

Даҽа еилкаашьа змам цәырҵрак акәны “агага цақәа” рыӡбахә ҳҳәар ауеит. 1960-тәи ашықәсқәа рзы имҩаԥгаз арадиошәарақәа рыла, амҩанызақәа рҟынтәи агагақәа Иупитер иахьақәшәо аҭыԥқәа рҿы аҳауаԥхарра ӷәӷәала еизҳауеит, угәы иаанагарц шалшо еиԥш еиҵамхаӡакәа.

Амҳалдызтә ҭыԥи амҳалдызосфереи

Ихадароу астатиа: Иупитер амҳалдызасфера

Иупитер амҳалдызтә ҭыԥ асхема

Иарбанызаалак амҳалдызтә ҭыԥ раԥхьатәи адырга — арадиои арентгентә шәахәаркрақәеи роуп. Амҳалдызтә ҭыԥ аилазаашьа алацәажәара алшоит имҩаԥысуа апроцессқәа рмодельқәа рыцхыраарала. Убас ала, Иупитер амҳалдызтә ҭыԥ адипольтә компонент мацара акәымкәа, аквадруполь, аоктуполь, убас егьырҭ иреиҳау аҩаӡара змоу агармоникақәеи шамоу еилкаан. Иҟоуп агәаанагара, амҳалдызтә ҭыԥ Адгьыл аҿы иҟоу еиԥшу адинамо иаԥнаҵоит ҳәа. Аха Адгьыл излеиԥшым, аихатә ӡри ахҟьа Иупитер аҿы афымцақәа рымҩангагас аус ауеит.

Амҳалдызтә ҭыԥ аҵәҩан аҵәира аҵәҩан ахь 10.2 ± 0.6° инаауп, шамахак Адгьыл аҿы еиԥш, аха, Адгьыл излеиԥшым, ҩадатәи амҳалдызтә полиус аҩадатәи агеографиатә полиус азааигәара иҟоуп, аладатәи амҳалдызтә полиус — аладатәи агеографиатә полиус азааигәара. Иубарҭоу аԥсҭҳәақәа рыхҟьа аҩаӡараҿы аҭыԥ амчра ишақәнаргылоит 14 Е аҩадатәи аполиус аҟны, 10,7 Е аладатәи аполиус аҟны. Уи аполиарра адгьыл амҳалдызтә ҭыԥ аполиарра иаҿагылоуп.

Иупитер амҳалдызтә ҭыԥ аформа даара иҟьаҟьоуп, насгьы адиск еиԥшуп (Адгьыл ацәыкәбар аформа еиԥшымкәа). Ганкахьала иҵәиуа аплазма ианыруа ацентрифугатә мчы, даҽа ганкахьала ицоу аплазма аԥхарратә қәыӷәӷәара амчратә цәаҳәақәа еиҵырхуеит, 20 R_J рыбжьара ачаџь ҵаӷа еиԥшу аилазаара шьақәдыргылоит, иара убас амҳалдыздиск ҳәагьы еицырдыруа. Амҳалдызтә екватор азааигәара уи афымцатә структура ҵаӷа амоуп.

Иупитер иаакәыршаны, Амратә системаҿы иҟоу апланетақәа реиҳарак реиԥш, иҟоуп амҳалдызсфера — аҭыԥ, зҟны еиҵаҵоу ахәҭаҷқәа рхымҩаԥгара амҳалдызтә ҭыԥ имҩақәнаҵо. Иупитер азы, абас еиԥш иҟоу ахәҭаҷқәа рхыҵхырҭақәас иҟоуп амратә ԥшеи уи амҩаныза Иои. Ио авулканқәа ирылҵуа авулкантә ццышә амра аультрафиолет ала аионизациа ахьуеит. Абасала иҟалоит атыҩшеи аҵәыҵәрии рионқәа: С⁺, О⁺, С²⁺ иара убас О²⁺. Арҭ ахәҭаҷқәа амҩаныза атмосфера аанрыжьуеит, аха иаакәыршаны аорбитаҿы иаанхоит, торус шьақәыргыло. Ари атор аанартит аппарат «Воиаџьер-1»; уи Иупитер аекватор аҟьаҟьараҿы иҟоуп, насгьы 1 R_J арадиус амоуп, агәҭантәи (абри аҭагылазаашьаҿы, Иупитер агәҭа аҟынтәи) ахҟьаҟынӡа арадиус 5.9 R_J амоуп. Абри ауп Иупитер амҳалдызасфера адинамика зыӡбо.

Иупитер амҳалдызасфера. Амҳалдызтә ҭыԥ иамҽханакыз амратә ԥша аионқәа адиаграммаҿы ҟаԥшьыла иаарԥшуп, Ио инеитралтәу авулкантә рчы амаҟа — шьацԥшшәыла, Европа инеитралтәу арчытә маҟа — жәҩангәыԥшшәыла. ENA инеитралтәу атомқәоуп. 2001 шықәса алагамҭазы азонд “Кассини” аҟынтәи адыррақәа рыла.

Иааиуа амратә ԥша амҳалдызтә ҭыԥ ақәыӷәӷәарала еибакапануеит апланета 50-100 радиуск рыбжьаӡараҿы, Ио анырра ада ари абжьаӡара 42 R_J еиҳахомызт. Уахынлатәи аганаҿы Сатурн аорбита анҭыҵ ицоит, 650 млн км ма еиҳаны аура аманы. Иупитер амҳалдызасфераҿы ирццаку аелектронқәа Адгьыл аорбита аҟынӡа инаӡоит. Иупитер амҳалдызасфера Адгьыл аҿықәантәи иубарҭазҭгьы, уи акәакьтә шәагаақәа Амза ашәагаақәа иреиҳахон.

Арадиациатә маҟақәа

Иупитер амч ду змоу арадиациатә маҟақәа амоуп. Иупитер азааигәахараан «Галилео» 25-нтә еиҳаны арадиациа аиуит, ауаҩы дызшьуа адоза аасҭа. Иупитер арадиациатә маҟа ашәахәаркра арадиодиапазон аҟны раԥхьаӡакәны иаарԥшын 1955 шықәсазы. Арадиошәахәаркра асинхротронтә ҟазшьа амоуп. Арадиациатә маҟақәа рҿы иҟоу аелектронқәа амчхара дуӡӡа рымоуп, 20 МеВ рҟынӡа, убри аан азонд «Кассини» иаанарԥшит Иупитер арадиациатә маҟақәа рҿы аелектронқәа реилаӷәӷәара ишақәгәыӷуаз аасҭа ишеиҵоу. Иупитер арадиациатә маҟақәа рҿы аелеқтронқәа рцара акосмостә ӷбақәа рзы ашәарҭара ду аҵазар алшоит, избан акәзар радиациала аиқәыршәагақәа рыԥхасҭахара ашәарҭара ду ыҟоуп. Иааизакны иуҳәозар, Иупитер арадиошәахәаркра еиԥшым, аамҭеи аласреи рганахьала. Аҭҵаарақәа изларҳәо ала, ас еиԥш иҟоу ашәахәаркрақәа рыбжьаратәи аиҭаҟалара 20 МГц ыҟоуп, аиҭаҟаларақәа рдиапазон зегьы — 5-10 инаркны 39,5 МГц рҟынӡа.

Иупитер иакәыршоуп 3000 км аура змоу аионосфера.

Аврора

Иупитер аҟны аврорақәа реилазаашьа: иаарбоуп ихадоу амацәаз, аполиартә шәахәаркреи ашәытақәеи, Иупитер аԥсабаратә мҩанызақәа аус рыцура иалҵшәаны иҟалаз

Иупитер аҩ-полиуск рыкәша-мыкәша илашарбагоу, еиқәымтәо ашәахәақәа аанарԥшуеит. Адгьыл аҿы иҟоу, амра аусура еизҳаны ианыҟоу аамҭазы иааԥшуа иреиԥшымкәа, Иупитер аврорақәа рҽырыԥсахуам, урҭ рыӷәӷәара есыҽны ишеиԥшымгьы. Урҭ х-компонент хадак рыла ишьақәгылоуп: ихадоу, еиҳа илашо аҭыԥ еиҳа ихәыҷуп (1000 км еиҵаны ҭбаарыла), амҳалдызтә полиусқәа рҟынтәи 16° рҟынӡа иҟоуп; ицоу ашәытақәа ҳәа изышьҭоу амҳалдызтә ҭыԥ ацәаҳәақәа рышьҭақәа, амҩанызақәа рионосферақәеи Иупитер аионосфереи еидызкыло, насгьы аамҭа кьаҿк иалагӡаны аҭыҵрақәа ахьыҟоу аҭыԥқәа, амацәаз хада аҩнуҵҟа иҟоу. Аурорақәа ремиссиақәа афымцамҳалдызтә спектр ахәҭақәа зегьы рҿы иԥшаауп арадио цәқәырԥақәа инаркны арентгентә шәахәақәа рҟынӡа (3 кеВ рҟынӡа), аха урҭ еиҳа илашоуп абжьаратәи аинфраҟаԥшьтә диапазонаҿы (ацәқәырԥақәа роура 3–4 мкм, 7–14 мкм) насгьы аспектр иҵаулоу аультрафиолеттә хәҭаҿы (ацәқәырԥақәа роура 80–180 нм).

Авроратә мацәаз хадақәа рҭыԥ ҭышәынтәалоуп, рформа еиԥш. Аха урҭ ршәахәаркра амратә ԥша ақәыӷәӷәара ӷәӷәала иаԥсахуеит — аԥша шаҟа иӷәӷәоу аҟара, убриаҟара аврора ԥсыҽхоит. Аурора аҭышәынтәалара еиқәнархоит аелектронқәа рааира ду, аионосфереи амҳалдыздиски рыбжьара иҟоу апотенциалтә еиԥшымзаара амзыз ала ирццакхо. Урҭ аелеқтронқәа амҳалдыздиск аҿы агьежьрақәа реинаалара еиқәзырхо ацәқәырԥа дырҿиоит. Абарҭ аелектронқәа рымчхара 10–100 кеВ ауп; атмосфера аҵауларахь иҭалацыԥхьаӡа, урҭ аионизациа ҟарҵоит, насгьы амолекултә ӡри ацәа иалнахуеит, ультрафиолеттә шәахәаркрақәа цәырго. Уи адагьы, урҭ аионосфера дырԥхоит, уи ауп аврора аинфраҟаԥшьтә шәахәаркреи хәҭакахьала атмосфера арԥхареи мзызс иамоу.

Ицоу ашәытақәа Галилеи имҩанызақәа хԥа ирыдҳәалоуп: Ио, Европа, Ганимед. Урҭ цәырҵуеит, избанзар иҵәиуа аплазма амҩанызақәа рааигәара еиҳа иҭынчхоит. Еиҳа илашо ашәытақәа Ио иатәуп, избанзар ари амҩаныза аплазма аиҳарак еиқәзыршәо ауп; Европеи Ганимеди ршәытақәа еиҳа иԥсыҽуп. Зны-зынла иааԥшуа амацәаз хадақәа рыҩнуҵҟа иҟоу ашәыта лашақәа амҳалдызасфереи амратә ԥшеи русеицура иадҳәалоуп ҳәа иԥхьаӡоуп.

2016 шықәсазы аҵарауаа Иупитер аҿы зегь раасҭа илашо аврора ҭарҩуан.

Идуу арентгентә шәыта

“Хаббл” ателескопи “Чандра” арентгентә телескопи рҟынтәи Иупитер еилаҵоу асахьа — 2007 шықәса, жәабранмза.

Ихадароу астатиа: Идуу арентгентә шәыта

2000 шықәса ԥхынҷкәынмзазы, аорбитатә телескоп «Чандра» Иупитер аполиусқәа рҿы (еиҳарак аҩадатәи аполе) иаанарԥшит еисуа арентгентә шәахәаркра ахыҵхырҭа, Арентгентә шәыта ду ҳәа изышьҭоу. Арадиациа зыхҟьо уажәгьы имаӡоуп.

Ашьақәгылареи аеволиуциеи рмодельқәа

Аекзопланетақәа рхылаԥшрақәа аеҵәақәа рышьақәгылареи револиуциеи реилкаараҿы алагала ду ҟарҵоит. Убас, урҭ рыцхыраарала, Иупитер иеиԥшу апланетақәа зегьы ирзеиԥшу аҷыдарақәа шьақәыргылан:

• Урҭ шьақәгылоит апротопланетатә диск ԥсаҟьахаанӡа.
• Ашьақәгылараҿы ароль ӷәӷәа нанагӡоит аккрециа.
• Апланетезималқәа рыбзоурала ихьанҭоу ахимиатә элементқәа рыла ибеиахоит.

Иҟоуп ҩ-гипотеза хадак, Иупитер ацәырҵреи ашьақәгылареи рыпроцессқәа ҳаилзыркаауа.

Актәи агипотеза инақәыршәаны, «аконтракциа» агипотеза ҳәа зыхьӡҵаз, Иупитери Амреи рхимиатә еилазаара аиқәҿыҭра (аӡрии агелии рыхәҭаа ду) зыхҟьо ҳәа ирҳәо убри ауп, апланетақәа рышьақәгылараан Амратә система аҿиара зааӡатәи астадиақәа рзы, арчсабатә диск аҟны «ажәпара» дуқәа ҟалеит, апланетақәа шьаҭас ирзыҟалаз, Амреи апланетақәеи абри еиԥшу формала ишьақәгылон. Амала, ари агипотеза иҳаилнаркааӡом апланетақәа рхимиатә еилазаараҿы иҟоу аиԥшымрақәа: Сатурн, иаҳҳәап, Иупитер аасҭа еиҳаны ихьанҭоу ахимиатә хәҭаҷқәа алоуп, Иупитер Амра аасҭа еиҳаны иалоуп. Адгьылтә гәыԥ апланетақәа ракәзар, химиатә еилазаашьала шьаҭанкыла апланета-гигантқәа иреиԥшӡам.

Аҩбатәи агипотеза («аккрециа» агипотеза) иаҳәоит, Иупитер, иара убас Сатурн рышьақәгылара апроцесс ҩ-етапкны имҩаԥысит ҳәа. Раԥхьа, жәа-миллион шықәсала, адгьылтә планетақәа реиԥш, иӷәӷәоу ацәеижьқәа рышьақәгылара апроцесс мҩаԥысуан. Анаҩс аҩбатәи аетап иалагеит, раԥхьатәи апротопланетартә ԥсҭҳәа аҟынтәи арчы аккрециа апроцесс, уи аамҭазы Адгьыл амассақәа рацәаны иреиҳахахьаз, насгьы шәнызқь шықәсала ицоз.

Актәи астадиаҿгьы, арчы ахәҭак Иупитери Сатурни ррегион аҟынтәи иабжьаӡит, уи иахҟьаны урҭ апланетақәа рхимиатә зҵазкуа Амреи аиԥшымрақәа ҟалеит. Аҩбатәи ашьаҿаҿы Иупитери Сатурни адәахьтәи рыхҟьақәа рыԥхарра 5000 °C, 2000 °C рҟынӡа инаӡеит. Урани Нептуни аккрециа алагаразы иаҭахыз акритикатә масса аҟынӡа инаӡеит акырӡа уи ашьҭахь, уи рмассақәеи рхимиатә еилазаареи анырра анаҭеит.

2004 шықәсазы, Сент-Луис иҟоу Вашингтонтәи Ауниверситет аҟынтәи Катарина Лоддерс гипотезас иҟалҵеит Иупитер агәыцә еиҳарак аҷабратә ҟазшьақәа змаз аорганикатә маҭәашьар ала ишьақәгылоуп ҳәа, уигьы акырӡа иацхрааит агәыцә акосмос иаакәыршаны иҟоу аматериал аанкылараҿы. Иҟалаз ахаҳә-ҷабтә гәыцә, уи агравитациа амч ала, амратә наҟәыра аҟынтәи арчы «иампыҵанахалеит», иахьатәи Иупитер шьақәыргыло. Ари ахшыҩҵак аккрециала Иупитер ацәырҵра иазку аҩбатәи агипотеза ианаалоит.

Ниццатәи амодель инақәыршәаны, Иупитер раԥхьаӡа Амра иакәшон ≈ 5.5 астрономтә еизакқәа рыбжьаӡарала. Ашьҭахь, Иупитер Амра иазааигәахеит, Уран, Нептун, Сатурн рорбитақәа еишьҭаргыланы анҭыҵҟа ииасит. Иупитер Троиатәи астероидқәеи Хильда аҭаацәара иаҵанакуа астероидқәеи злахәыз акомпиутертә симулиациақәа иаадырԥшит Иупитер 18 а.е. аамҭазы ишышьақәгылаз Амра аҟынтә.

Иупитери уи амҩанызақәеи рԥеиԥш

Асахьаҭыхҩы ихаҿы иааигаз “Ицоу Иупитер” Nolesh

Идыруп, Амра, атермогәыцәтә былтәы хәыҷы-хәыҷла амҵәара иалҵшәаны, 1.1 миллиард шықәса рыҩнуҵҟа 11% рҟынӡа ашеира еизнарҳауеит, уи иахҟьаны, аеҵәақәа рзааигәара иазылху аҭыԥ уажәтәи Адгьыл аорбита анҭыҵ иҭыҵуеит, Иупитер асистема аҟынӡа инаӡаанӡа. Ари апериод аҩнуҵҟа Амра арцеира аизҳара Иупитер амҩанызақәа арԥхоит, аӡы ҵаӷа урҭ рқәыԥшыларахь аҭыҵра алыршо, ус анакәха, аԥсҭазаара аиқәырхаразы аҭагылазаашьақәа аԥҵара алнаршоит. 7.59 миллиард шықәса рышьҭахь, Амра гигант ҟаԥшьхоит. Амодель иаанарԥшуеит Амреи арчытә гиганти рыбжьара абжьаӡара 765 рҟынтәи 500 миллион км рҟынӡа ишагхо. Абас еиԥш иҟоу аҭагылазаашьақәа рҿы Иупитер «Иупитер цақәа» ҳәа изышьҭоу апланетақәа рыкласс ҿыц ахь ииасуеит. Уи аҿықәан аҳауа аԥхарра 1000 К рҟынӡа инаӡоит, уи иахҟьаны апланета аиқәара-ҟаԥшь ԥштәыла илашоит. Амҩанызақәа аԥсҭазаара аиқәырхаразы имчыдахоит, насгьы ирҩоу, ицаҳәцаҳәуа ацәҳәырақәа иреиԥшхоит.

Амҩанызақәеи амацәазқәеи

Крупные спутники Юпитера: Ио, Европа, Ганимед и Каллисто — и их поверхности

Спутники Юпитера: Ио, Европа, Ганимед и Каллисто

Ихадароу астатиа: Иупитер амҩанызақәа

2026 шықәса лаҵарамзатәи адыррақәа рыла, Иупитер идыру 115 мҩаныза амоуп. Амҩанызақәа еиҳарак еиуеиԥшым амифтә персонажқәа рыхьӡқәа рыҭоуп, анс акә арс акә Зевс-Иупитер идҳәалоу. Амҩанызақәа ҩ-гәыԥ дуқәак рыла еихшоуп - аҩныҵҟатәи (8 мҩанызак, Галилеи иитәуи Галилеи иитәыми аҩныҵҟатәи амҩанызақәа) адәныҟатәи (84 мҩаныза, иара убас ҩ-гәыԥкны еиҟәшоуп) — абасала, зынӡа 4 “хкык” ҟалоит. Иреиҳау амҩанызақәа ԥшьба — Ио, Европа, Ганимед, Каллисто — 1610 шықәсазы Галилео Галилеи иааиртхьан. Иупитер амҩанызақәа раартра Коперник игелиоцентртә система иадгыло раԥхьаӡатәи акыр зҵазкуа аргументны иҟалеит.

Ио

Амҩаныза Ио Иупитер аԥхьа ииасуеит, 1996 шықәса ԥхынгәымза 24, ателескоп “Хаббл”

Ио авулкантә усура, акосмостә ӷба “Агоризонт ҿыцқәа”, хәажәкырамза 1, 2007 ш.

Ио аинтерес аҵоуп амч ду змоу аус зуа вулканқәа ахьыҟоу азы; Амҩаныза аҿықә авулкантә усура аалыҵқәа рыла иҭәуп. Акосмостә зондқәа иҭырхыз афотосахьақәа иаадырԥшуеит Ио аҿықә акаҳуаԥшшәы, аҟаԥшь, аҩежьеиқәаԥшшәы шәытақәа змоу аҩеижь уаркалеи ԥшшәы амоуп. Абарҭ ашәытақәа Ио авулкантә ԥжәарақәа ирылҵшәоуп, еиҳарак атыҩшеи уи аилаҵақәеи рыла ишьақәгылоу; аԥжәарақәа рԥштәы урҭ рыԥхарра иадҳәалоуп.

Европа

Еиҳарак аинтерес зҵоу Европа ауп, аԥсҭазаара ыҟазар ахьауа адунеизегьтәи аокеан змоу. Иҷыдоу аҭҵаарақәа иаадырԥшит аокеан 90 км аҵаулара шамоу, насгьы уи ашәагаа Адгьыл аокеанқәа рышәагаа ишеиҳау. Европа аҿықәан амюаныза аҵаа иаҵанакуа аԥҽрақәеи аиҟәышьшьарақәеи рыла иҭәуп. Агәаанагарақәа ҳәан, Европа азы аԥхара ахыҵхырҭа аокеан ахаҭа ауп ҳәа, амҩаныза агәыцә акәымкәа. Каллистои Ганимеди рҟынгьы аҵааҵаҟатәи аокеан ыҟоуп ҳәа агәаанагара ыҟоуп. Аҵарауаа 1-2 миллиард шықәса ирылагӡаны аҵааҵаҟатәи аокеан ахь аҵәыҵәри анеира алшон ҳәа агәаанагара шьаҭас иҟаҵаны, амҩанызаҿы аԥсҭазаара ыҟазар алшоит ҳәа атеориа шьақәдыргылоит. Европатәи аокеан аҿы иҟоу аҵәыҵәри азхоит еихацк змоу аԥсҭазааратә формақәа рымацара ракәымкәа, еиҳа идуу аԥсҭазааратә формақәа рыҟазаара алыршаразы. Ари амҩаныза Енцелад ашьҭахь аԥсҭазаара ацәырҵразы алшара ахьыҟоу ҳәа аҩбатәи аҭыԥ ааннакылоит.

Ганимед

Ганимед иреиҳау мҩанызоуп Иупитер мацара акәымкәа, Амратә системаҿы апланетақәа зегьы рымҩанызақәа рхыԥхьаӡараҿгьы. Ганимеди Каллистои хыԥхьаӡара рацәала акратерқәа рыла ихҩоуп; Каллисто аҿы урҭ рӷьырак иаарыкәыршаны еиҟәыԥԥоуп.

Акосмостә ӷбақәа Пионер-10, Пионер-11 рыла иҭыхыз Иупитер иреиҳаӡоу амҩанызақәа ԥшьба рсахьа

Каллисто

Каллисто аҵаҟа иара убасгьы аокеан ыҟоуп ҳәа агәаанагара ыҟоуп; уи ишиашоу акәымкәа иаҳнарбоит Каллисто амҳалдызтә ҭыԥ, амҩаныза аҩнуҵҟа иҟоу аӡ ҵаа́́ аҿы афымцатә цәқәырԥақәа рыҟазаара иахҟьаны иҟаларц зылшо. Иара убасгьы абри агипотеза иадгылоит Каллисто амҳалдызтә ҭыԥ Иупитер амҳалдызтә ҭыԥ ишазыҟоу инақәыршәаны аҽахьаԥсахуа, даҽакала иуҳәозар, абри амҩаныза аҿықә аҵаҟа амҩангара ӷәӷәа змоу аӡы ыҟоуп.

Галилеи имҩанызақәа Адгьыли Амзеи ражәпара реиҿырԥшра. Асахьақәа — азхьарԥшқәа роуп.

Галилеи иитәу амҩанызақәа рҷыдарақәа

Иупитер амҩаныза дуқәа зегьы еинааланы иҵәиуеит, насгьы еснагь Иупитер ахь ганкала иԥшуеит, апланета ду аӡхаларатә мчқәа рнырра абзоурала. Уи аамҭазы, Ганимед, Европа, Ио рыбжьара 4:2:1 ҳәа аорбиталтә резонанс ыҟоуп. Уи адагьы, Иупитер амҩанызақәа рыбжьара иҟоуп азакәанеизшәара: амҩаныза шаҟа апланета иацәыхараны иҟоу аҟара, убриаҟара уи аилаӷәӷәара еиҵоуп (Ио - 3.53 г/см3, Европа - 2.99 г/см3, Ганимед - 1.94 г/см3, Каллисто - 1.83 г/см3). Ари амҩанызаҿы иҟоу аӡы ахыԥхьаӡара иадҳәалоуп: Ио шамахамзар акгьы амаӡам, Европа 8% амоуп, Ганимеди Каллистои рыкапан абжа аҟынӡа рымоуп.

Амҩаныза хәыҷқәа

Иаанхаз амҩанызақәа еиҳа ихәыҷуп, насгьы ииашам аформа змоу иҵаау ма иҟәаԥа-ҿаԥоу цәеижьқәоуп. Урҭ рыбжьара иҟоуп егьи аганахьала зхы рханы иҵәиуагьы. Иупитер амҩаныза хәыҷқәа рхыԥхьаӡара аҟнытә, Амалтеа аҵарауаа даара аинтерес рызцәырнагоит: иҟоуп агәаанагара, уи аҩнуҵҟа иҟоуп ҳәа ажәытәӡатәи аамҭазы аҭыԥ змаз акатастрофа иахҟьаны иҟалаз аҭацәрақәа рсистема — аметеоритқәа ркаҳарақәа ирыхҟьаны Амалтеа хәҭа-хәҭала еиҟәшахеит, анаҩс аҩганктәи агравитациа аҵаҟа дырҩеигь еицылаз, аха уаҳагьы цәеижькны аҟалара злымшаз.

Метидеи Адрастееи зегь реиҳа Иупитер иазааигәоу, 40, 20 км раҟара адиаметрқәа змоу мҩанызақәоуп. Урҭ Иупитер амацәаз хада аҵкар иқәланы 128 нызқь км арадиус змоу аорбитаҿы ицоит, 7 сааҭк рыла Иупитер иакәшоит, урҭ роуп зегь раасҭа иццаку Иупитер амҩанызақәа.

Иупитер амҩанызақәа рсистема зегьы адиаметр 24 млн км ыҟоуп. Уи анаҩсгьы, анкьаӡа Иупитер амҩанызақәа еиҳаны иаман ҳәа агәаанагара ыҟоуп, аха урҭ рҟынтәи жәпакы амч ду змоу агравитациа анырра абзоурала апланета иқәҳаит ҳәа.

Ашьҭахьҟа игьежьуа амҩанызақәа

Иупитер амҩанызақәа, рыхьӡқәа “е” ала инҵәо — Карме, Синопе, Ананке, Пасифае уҳәа убас иҵегьы (шәахә. Ананке агәыԥ, Карме агәыԥ, Пасифае агәыԥ) — апланета иакәшоит егьи ахырхарҭала (аретроградтә ныҟәара) насгьы, аҵарауаа ргәаанагарала, урҭ Иупитер иацҟамлеит, аха насшәа урҭ Иупитер иамҽханакит. Абри иеиԥшу аҟазшьақәа амоуп Нептун амҩаныза Тритон.

Аамҭалатәи амзақәа

Кометақәак Иупитер “аамҭалатәи амзақәа” роуп. Убас, ҷыдала, акомета Кусида-Мурамацу 1949 шықәса инаркны 1962 шықәсанӡа Иупитер амҩанызас иҟан, уи аамҭа иалагӡаны ҩынтә апланета иакәшеит. Ари аобиект анаҩсгьы, еилкаауп апланета-гигант аамҭалатәи амзақәа, зегьы ианреиҵаха, иҵегьы 4.

Амацәазқәа

Ихадароу астатиа: Иупитер амацәазқәа

Иупитер амацәазқәа (асхема)

Иупитер, 1979 шықәсазы “Воиаџьер-1” Иупитер ианаҩсуаз аамҭазы игәанаҭаз амацәаз ԥсыҽқәа амоуп. Амацәазқәа шыҟоу ала агәҩара иман 1960 шықәсазгьы асовет астроном Сергеи Всехсвиатски: кометақәак рорбитақәа харатәи рҭыԥқәа рыҭҵаара шьаҭас иҟаҵаны, Всехсвиатски алкаа ҟеиҵеит урҭ акометақәа Иупитер амацәазқәа рҟынтәи иаазар ҟалап ҳәа, насгьы иҳәеит амацәаз шьақәгылеит ҳәа Иупитер амҩанызақәа рвулкантә усура абзоурала ( Ио аҟны авулканқәа ҩажәа шықәса рышьҭахь иаартхеит).

Амацәазқәа оптикала ипақәоуп, роптикатә жәпара ~10⁻⁶ ыҟоуп, насгьы ахәҭаҷқәа ральбедо 1.5% заҵәык ауп. Аха уеизгьы урҭ рбара ҟалоит: 180 градус иазааигәоу афазатә кәакьқәа раан («алашара иаҿагылоу» ахәаԥшра), амацәазқәа ршеира 100-нтә раҟара еизҳауеит, насгьы Иупитер уахынлатәи аган алашьцара алашарамызхә ааннажьуам. Зынӡа амацәазқәа хԥа ыҟоуп: цәаҳәа хадак, «абызкаҭаҳатә» ҳәа изышьҭоу, насгьы гало.

“Галилео” иҭнахыз Иупитер амацәазқәа рфотосахьа, ииашоу иԥсаҟьоу алашараҿы иҟаҵаз

Амацәаз хада Иупитер агәҭантәи 122,500 инаркны 129,230 км рҟынӡа инеиуеит. Аҩныҵҟа, амацәаз хада тороидтәи агало ахь ииасуеит, адәахьала абызкаҭаҳатә иахькьысуеит. Аоптикатә диапазон аҿы иаҳбо ашәахәақәа ишиашоу рыԥсаҟьара амикронтә шәагаа змоу асабатә хәҭаҷқәа ирҷыдаҟазшьоуп. Аха Иупитер азааигәара иҟоу асаба амч ду змоу игравитациатәым аԥырхагақәа ирықәшәоит, убри аҟнытә асаба арыцқәа рыԥсы ҭоуп 10^3±1шықәса. Уи иаанагоит урҭ асаба арыцқәа рхыҵхырҭа ыҟазароуп ҳәа. Ацәаҳәа хада аҩнуҵҟа иҟоу ҩ-мҩарныза хәыҷқәак — Метидеи Адрастеаи — абас еиԥш иҟоу ахыҵхырҭақәа рроль азы ианаалоит. Аметеороидқәа ианрынҟьо, урҭ амикрохәҭаҷқәа ргәыԥ дырҿиоит, анаҩс урҭ Иупитер иаакәыршаны аорбитаҿы ирылаҵәоит. Абызкаҭаҳатә мацәаз ахылаԥшрақәа иаадырԥшит Фивеи Амалтееи рорбитақәа рҟынтәи иааз хазы игоу аматериа амаҟақәа. Арҭ амаҟақәа реиҿкаашьа азодиактә сабатә комплексқәа реиҿкаашьа угәаланаршәоит.

Троиатәи астероидқәа

Ихадароу астатиа: Троиатәи астероидқәа

Астероидтә маҟа хада (ашкәакәа) иара убас Иупитер Троиатәи астероидқәа (ашьацԥштәы)

Троиатәи астероидқәа — Иупитер Лагранж иҭыԥқәа L₄, L₅ ррегион аҿы иҟоу астероидқәа ргәыԥ ауп. Астероидқәеи Иупитери 1:1 арезонанс рымоуп, насгьы уи иацны орбита Амра иакәшоит. Убри аан, ишаԥу еиԥш L₄ аҭыԥ азааигәара иҟоу аобъектқәа абырзен фырхацәа рыхьӡқәа рхырҵоит, L₅ азааигәара иҟоу —троиатәи афырхацәа рыхьӡқәа рхырҵоит. 2010 шықәса рашәарамзанӡа 1583 цыра ус еиԥш иҟоу аобиктқәа аартын.

Троиаа рхылҵшьҭра ҳаилзыркаауа ҩ-теориак ыҟоуп. Актәи ишаҳәо ала, урҭ Иупитер ашьақәгылара аҵыхәтәантәи аетапаҿы иҟалеит (аккрециа авариант хшыҩзышьҭра азуп). Аматериа иацны, апланетозималқәа аанкылан, урҭ рҿгьы аккрециа цон, насгьы амеханизм алҵшәа ахьамаз азы, урҭ рыбжакы агравитациатә цәҟьа иаҿашәеит. Ари атеориа аԥсыҽрақәа: абри аҩыза амҩала иҟалаз аобъектқәа рхыԥхьаӡара ԥшь-еишьҭагылак рыла еиҳауп, иаҳбо аҵкыс, насгьы урҭ рорбитатә наара акырӡа еиҳауп.

Аҩбатәи атеориа — адинамикатә. Амратә система ашьақәгылара ашьҭахь 300-500 млн шықәса рышьҭахь, Иупитери Сатурни 1:2 резонанс иахысит. Уи иахҟьаны аорбитақәа реиҭеиҿкаара ҟалеит: Нептун, Плутон, Сатурн рорбита арадиус еиздырҳаит, Иупитер иагнархеит. Уи Коипер имаҟа агравитациатә ҭышәынтәалара ианырит, насгьы уа инхоз астероидқәак Иупитер аорбитахь ииасит. Уи аамҭазы, аханатәтәи троиаа зегьы, иҟаӡазаргьы, ихырбгалахеит.

Троиаа анаҩстәи рԥеиԥш еилкааӡам. Иупитери Сатурни ррезонанс ԥсыҽқәа жәпакы урҭ еиԥхьытта идәықәнаҵоит, аха ари еиԥхьыттоу аныҟәара амч зеиԥшрахо, насгьы уажәтәи рорбита иалцахоу-иалцамхоу ҳәа аҳәара уадаҩуп. Уи адагьы, маҷ-маҷ троиаа рхыԥхьаӡара армаҷуеит дара-дара реидысларақәагьы. Цыԥҵәахақәак мҩанызақәахарц рылшоит, цыԥҵәахақәак — икометақәахарц.

Ажәҩантә цәеижьқәеи Иупитери реиҿасрақәа

Амозаика ҟаҵоуп ателескоп “Хаббл” асахьақәа рыла 1994 шықәса, лаҵарамза 18 рзы

Акомета Шоумеикерцәа-Леви

Акомета Шоумейкерцәа-Леви аԥҽыхақәа руак аҟынтәи ашьҭа, “Хаббл” ателескоп ала иҭыху, 1994 шықәса, ԥхынгәымза.

Ихадароу астатиа: Акомета Шоумейкерцәа-Леви 9

1992 шықәса ԥхынгәымзазы Иупитер акомета азааигәахеит. Уи аԥсҭҳәақәа хыхьтәи рҳәаа аҟынтәи 15 нызқь километра раҟара хара ииасит, насгьы апланета ду агравитациатә нырра ӷәӷәа иахҟьаны уи агәыцә 21 хәҭа рыла еиҟәнажәеит, здиаметр 2 км рҟынӡа ыҟаз. Ари акометатә ҳәыԥкра Маунт-Паломар аобсерваториаҿы игәарҭеит хаҵеи-ԥҳәыси Керолини Иуџьини Шоумекерқәеи, астроном-абзиабаҩ Девид Левии. 1994 шықәсазы, анаҩстәи Иупитер азааигәахараан, акомета аԥҽыхақәа зегьы кырӡа иццакны — секундкахь 64 километра раҟара — апланета атмосфера иаахеит. Ари акосмостә катаклизм дуӡӡа Адгьыл аҟынтәи еиԥш, акосмостә хархәагақәа рылагьы игәаҭан, ҷыдала, акосмостә телескоп “Хаббл”, IUE амҩаныза, апланетабжьаратәи акосмостә станциа “Галилео” рыцхыраарала. Агәыцәқәа ркаҳара иацын аспектртә диапазон ду аҿы ашәахәақәа рыԥжәара, арчқәа рҭыҵра, насгьы ақәра ду змоу аԥшаҵәиқәа рышьақәгылара, Иупитер арадиациатә маҟақәа рыԥсаххара, аурорақәа рцәырҵра, насгьы Ио аплазматә тор аҵыхәтәантәи аультрафиолеттә диапазонаҿ ашеира аԥсыҽхара.

Егьырҭ аҭаҳарақәа

Иупитер Аладатәи аполиус азааигәара иҟоу ашәыта, аинфраҟаԥшьтә телескоп, Гаваи, Мауна-Кеа аобсерваториаҿы, 2009 шықәса ԥхынгәымза 20

2009 шықәса ԥхынгәымза 19 рзы хыхь зыӡбахә ҳәаз астроном-абзиабаҩ Ентони Уесли (англ. Anthony Wesley) Иупитер Аладатәи аполиус азааигәара шәыта лашьцак гәеиҭеит. Уи аԥшаара ԥыҭрак ашьҭахь ишьақәдырӷәӷәеит Гаваи иҟоу Кек ихьӡ зху аобсерваториаҿы. Ирҳаз адыррақәа ранализ ишаанарԥшыз ала, Иупитер атмосфера иҭаҳаз ацәеижь ахаҳәтә астероид акәызҭгьы ҟаларын.

2010 шықәса рашәарамза 3, асааҭ 20:31 рзы UTC ала, ҩыџьа ихьыԥшым ахылаԥшыҩцәа — Ентони Уеслии (англ. Anthony Wesley, Австралиа) Кристофер Гои (англ. Christopher Go, Филиппинқәа) — Иупитер атмосфера ахыхь ацәывҵҷҷаара асахьа ҭырхит, уи, иҟалап, уаанӡа Иупитер аҟны идырмыз ацәеижь ҿыц акаҳара акәызҭгьы. Ари ахҭыс ашьҭахь уахыки-ҽнаки анҵы, Иупитер атмосфераҿы аҭыԥ лашьца ҿыцқәа ԥшаамызт. Иаразнак ахылаԥшрақәа мҩаԥган Гаваитәи адгьылбжьахақәа иреиҳау аинструментқәа (Gemini, Keck, IRTF) рҿы, насгьы акосмостә телескоп “Хаббл” аҿы ахылаԥшрақәа рымҩаԥгара азԥхьагәаҭан. 2010 шықәса рашәарамза 16 рзы, НАСА апресс-дырраҭара ҭнажьит, 2010 шықәса рашәарамза 7 рзы акосмостә телескоп “Хаббл” иҭнахыз асахьақәа рҿы Иупитер атмосфера хыхьтәи ахҟьақәа рҟны акаҳара ашьҭақәа шыԥшаамыз атәы зҳәоз.

2010 шықәса нанҳәамза 20, асааҭ 18:21:56 рзы UTC ала, Иупитер аԥсҭҳәақәа рхыхь амцабз ҟалеит, уи Кумамото апрефектура аҟынтәи Иапониатәи астроном-абзиабаҩ Масаиуки Татикава иҟаиҵаз авидеонҵамҭаҿы игәеиҭеит. Ари ахҭыс анрылаҳәаха адырҩаҽны, Токиотәи астрономиа абзиабаҩ, ихьыԥшым ахылаԥшҩы Аоки Каӡуо иҟынтәи ашьақәырӷәӷәара ԥшаахеит. Иҟалап, уи астероид ма акомета апланета дуӡӡа атмосфера ианҭаҳаз акәзар.

2016 шықәса хәажәкырамза 17 рзы, астроном-абзиабаҩ Геррит Кернбауер 20 сантиметртәи ателескоп ала Иупитери акосмостә обиекти (иҟалап акомета) реидыслара афотосахьақәа ҭихит. Астрономцәа ргәаанагарала, аидыслара иахҟьаны 12,5 мегатонна атротил иаҟароу амчхара дуӡӡа ҭыҵит.

2021 шықәса цәыббрамза 13 рзы астрономцәа-абзиабаҩцәа Иупитери еилкаам аобиекти реидыслара аамҭа ҭарҩит. Ахылаԥшҩцәа, апланета амҩаныза Ио агага уи ахҟьа иқәланы ацара ианахәаԥшуаз аамҭазы ацәывҵҷҷаара ду гәарҭеит. Афотосахьақәа рҭыхра рылшеит Германиантәи астрономцәа Харальд Палескеи (Harald Paleske), бразилиатәи Хосе Луис Переиреи (José Luis Pereira), афранцыз Жан-Поль Арнои (Jean-Paul Arnould). Идырым аобиект шә-метрак рҟынӡа ашәагаа змоу астероид акәзар ауеит, мамзаргьы акомета агәыцә хәыҷы.

Аҵара ахьӡи аҭоурыхи

Иупитери Иунонеи. Автор — Хендрик Гольциус (1558-1617)

Ажәытәтәи акультурақәа рҿы

Месопотамиатәи акультураҿы апланета Мулу-баббар/Мулубаббар ҳәа иашьҭан (sum. MUL2.BABBAR, akk. kakkabu peṣû), даҽакала иуҳәозар, “аеҵәа шкәакәа”. Вавилонаа раԥхьаӡакәны Иупитер иубарҭоу аныҟәара аилыркааратә теориа еиқәдыршәеит, насгьы уи апланета анцәа Мардук идырҳәалеит. Иуԥылоит ахьӡшьара Бел иазку азгәаҭақәа.

Аеллинцәа уи Φαέθων (Phaethon) ҳәа иашьҭан — “илашо, ишәахәарку”, иара убасгьы Διὸς ὁ ἀστήρ - “Зевс иеҵәа”.

Гигин (А.И. Рубан иеиҭагаҿы) уи Иупитер аеҵәа ҳәа, мамзаргьы Фаинон ҳәа ахьӡиҵоит. Римаа ари апланета рынцәахәы Иупитер иаҳаҭыр азы ахьӡ арҭеит.

Иупитер аныҟәара 12-шықәсатәи ацикл инарҭбааны ахҳәаа ҟарҵеит Китаитәи астрономцәа, урҭ апланета Суи-син ("Ашықәс Аеҵәа") ҳәа ахьӡырҵеит.

Инкаа Иупитер иахьӡырҵеит qu. Pirwa  — «аҵәахырҭа», уи иаанарԥшыр алшоит инкаа Галилеи имҩанызақәа шлаԥшықәырҵахьаз (еиҿшәырԥш Qullqa, аҵәахырҭа, аизгарҭа).

XVII-тәи ашәышықәса: Галилеи, Кассини, Риомер

XVII-тәи ашәышықәса алагамҭазы, Галилео Галилеи ихаҭа иаԥиҵаз ателескоп ала Иупитер ҭиҵаауан, насгьы апланета иреиҳаӡоу амҩанызақәа ԥшьба ааиртит. 1660-тәи ашықәсқәа рзы, Џьованни Кассини агигант "ахҟьаҿы" ашәытақәеи аӷазқәеи ибеит. 1671 шықәсазы, Иупитер амҩанызақәа рымшмышәлақәа данрыхәаԥшуаз, Даниатәи астроном Оле Риомер игәеиҭеит амҩанызақәа рҭыԥқәа иԥхьаӡаз апараметрқәа ишрықәымшәоз, насгьы ацәхьаҵра амҽхак Адгьыл аҟынтәи абжьаӡара ишадҳәалоу. Абарҭ ахылаԥшрақәа рышьаҭала, Риомер алашара аццакра ҵыхәаԥҵәара амоуп ҳәа азыӡбаны уи ашәагаа 215,000 км/с ҳәа ишьақәиргылеит (иахьатәи арбага 299,792.458 км/с).

Иахьатәи ахылаԥшрақәа

XX-тәи ашәышықәса аҩбатәи азбжа инаркны, Иупитер аҭҵаарақәа мҩаԥысуеит адгьыл аҿы иҟоу ателескопқәа рыла еиԥш(арадиотелескопқәагьы уахь иналаҵаны), акосмостә ателескопқәа — “Хаббли” азондқәа жәпаки рыцхырааралагьы.

Акосмостә ӷбақәа рыла аҭҵаара

Ихадароу астатиа: Апланетабжьаратәи азондқәа рыла Иупитер аҭҵаара

Акосмостә зондқәа

• 
  Акосмостә аппарат “Пионер-10”, 1971 шықәса, ԥхынҷкәынмза 20
• 
  Акосмостә аппарат “Воиаџьер-1”, 1979 шықәса, цәыббрамза 1
• 
  Акосмостә аппарат “Галилео”, 1989 шықәса, нанҳәамза 3
• 
  Акосмостә аппарат “Улисс”, адәықәҵаара - жьҭаарамза 6, 1990 ш.
• 
  Акосмостә аппарат “Кассини”, 1997 шықәса, ԥхынҷкәынмза 18
• 
  Акосмостә аппарат "Агоризонт ҿыцқәа", 2005 шықәса, абҵарамза 4

Иупитер ҭырҵааауан Америкатәи НАСА аппаратқәа мацара рыла. 1980-тәи ашықәсқәа рынҵәамҭазы, 1990-тәи ашықәсқәа ралагамҭазы, Амреи Иупитери рыҭҵааразы Асоветтә автоматикатә космостә станциа “Циолковски” апроект шьҭыхын, 1990-тәи ашықәсқәа рзы здәықәҵара азԥхьагәаҭаз, аха СССР ахыбгалара иахҟьаны анагӡара змоуз.

1973, 1974 шықәсқәа рзы “Пионер-10”, “Пионер-11”, 132 нызқь километреи 43 нызқь км. абжьаӡараҿы (аԥсҭҳәақәа рҟынтәи) Иупитер иаҩсит. Аппаратқәа апланетеи Галилеи имҩанызақәеи рсахьақәа шәкыла иаарышьҭит (уамак зхаҭабзиара ҳаракымыз), раԥхьаӡа акәны Иупитер амҳалдызтә ҭыԥи амҳалдызасфереи рпараметр хадақәа ршәеит, иара убасгьы Иупитер амҩаныза — Ио акапани ашәагаақәеи еилыркааит. Иара убас, аппарат “Пионер-10” Иупитер ианахыԥраауаз аамҭазы, уи иақәыргылаз аиқәыршәагақәа рыцхыраарала, Иупитер адәахьтәи акосмос ахь иҭнажьуа амчхара амҽхак, уи Амра аҟынтәи иоуа амчхара амҽхак аасҭа ишеиҳау аилкаара алыршахеит.

1979 шықәса ажьырныҳәамза 24 рзы “Воиаџьер-1” ала 40 миллион километра абжьаӡара аҟынтәи иҭыхыз Иупитер афотосахьа.

1979 шықәсазы, «Воиаџерқәа» Иупитер азааигәара ииаҟьеит (207 нызқь км, 570 нызқь км рыбжьаӡараҿы). Раԥхьаӡакәны апланетеи уи амҩанызақәеи рсахьақәа еилыкка иҟаҵан (зегьы ааидкыланы 33 нызқь рҟынӡа афотосахьақәа аашьҭын), Иупитер амацәазқәа аарԥшын; аппаратқәа иара убас егьырҭ акрызҵазкуа адыррақәагьы рацәаны иаарышьҭит, атмосфера ахимиатә еилазаашьа иазку адыррақәа, амагнитосфера иазку адыррақәа уаахь иналаҵаны, уҳәа убас иҵегьы; иара убасгьы атмосфера хыхьтәи ахҟьақәа рыԥхарра иазку адыррақәа рҳан («Воиаџьер-1» ала).

1992 шықәсазы «Улисс» 900 нызқь километра абжьаӡарала апланета иавсны ицеит. Аиқәыршәага Иупитер амагнитосфера ашәарақәа мҩаԥнагеит («Улисс» Амра аҭҵааразы иҟаҵоуп, насгьы акамерақәа амам).

Europa Jupiter System Mission Иупитер аҵакыраҿы амиссиа, асахьаҭыхҩы ихаҿы ишааиуа (2020-тәи ашықәсқәа ирылагӡаны иазԥхьагәаҭоуп)

1995 шықәса инаркны 2003 шықәсанӡа «Галилео» Иупитер аорбитаҿы иҟан. Ари амиссиа абзоурала ирацәаӡаны адырра ҿыцқәа рҳахеит. Ҷыдала, илбаауа ааппарат раԥхьаӡакәны арчытә планета атмосфера ҩнуҵҟала иҭнаҵааит. Хыԥхьаӡара рацәала зхаҭабзиара ҳараку асахьақәеи егьырҭ ашәарақәеи ирыбзоураны Иупитер атмосфератә процессқәа рдинамика инарҭбааны аҭҵаара, иара убасгьы уи амҩанызақәа ирызкны аартра ҿыцқәа рыҟаҵара алыршахеит. 1994 шықәсазы «Галилео» рхы иархәаны, аҵарауаа ирылшеит акомета Шумеикерцәа-Леви 9 аԥҽыхақәа Иупитер ишықәҳаз ахылаԥшра. «Галилео» антенна хада шымаатызгьы (уи иахҟьаны иаараны иҟаз адыррақәа рҟнытә 1% мацара роуп иааз), уеизгьы, амиссиа ахықәкы хадақәа нагӡахеит.

«Кассини» 2000 шықәсазы Иупитер иавҟьаны ицеит. Иара апланета афотосахьақәа ҭнахит, арекордтә пиксельқәа змаз (асахьа дуқәа рзы) насгьы Ио аплазматә тор иазку адырра ҿыцқәа арҳаит. «Кассини» асахьақәа рыла иахьа уажәраанӡагьы зегь раасҭа еилыккоу Иупитер ԥштәы змоу "ахсаалақәа" ҟаҵан, зегь реиҳа ихәыҷу зыхәҭаҷқәа 120 км иҟаз. Убри аан, еилкаам цәырҵрақәак гәаҭан, иаҳҳәап, Иупитер аҩадатәи асубполиартә регионқәа рҿы имаӡоу ашәыта лашьца, аультрафиолеттә лашара мацарала иубарҭоу. Насгьы иԥшаан авулкантә хылҵшьҭра змоу арчытә аԥсҭҳәа дуӡӡа, Ио инаркны адәахьтәи акосмос ахь 1 AU рҟынӡа инаӡо. (150 млн км). Уи адагьы, аамҭакала ҩ-ҭыԥк рҟынтәи («Кассинии» «Галилеои») апланета амҳалдызтә ҭыԥ ашәаразы иҷыдоу аексперимент мҩаԥган.

Акосмостә ӷбақәа рыла Иупитер аԥырратә траекториала аҭҵаара

Азонд	Анаӡара арыцхә	Абжьаӡара
Пионер-10	1973 шықәса ԥхынҷкәынмза 3	130 000 км
Пионер-11	1974 шықәса ԥхынҷкәынмза 4	34 000 км
Воиаџьер-1	Хәажәкырамза 5, 1979	349 000 км
Воиаџьер-2	Ԥхынгәымза 9, 1979	570 000 км
Улисс	1992 шықәса, жәабранмза 8	409 000 км
	2004 шықәса, жәабранмза 4	120 000 000 км
Кассини	2000 шықәса ԥхынҷкәынмза 30	10 000 000 км
Агоризонт ҿыцқәа	2007 шықәса жәабранмза 28	2 304 535 км

2007 шықәса жәабранмза 28 рзы, азонд «Новые горизонты» Иупитер азааигәара Плутонҟа амҩа ианықәыз агравитациатә маневр ҟанаҵеит. Апланетеи амҩанызақәеи рфотоҭыхра мҩаԥган, 33 гигабаит адыррақәа Адгьыл ахь иаашьҭын, адырра ҿыцқәа рҳан.

Аппарат «Иунона» 2011 шықәса нанҳәамза 5 рзы идәықәҵан, 2016 шықәса ԥхынгәымзазы Иупитер аполиартә орбитахь ицәырҵыз, апланета хәыц-хәыц аҭҵаара амҩаԥгаразы. Ас еиԥш иҟоу аорбита — апланета аекватор иаваршәны акәымкәа, аполиус аҟынтәи аполиус ахь — аҵарауаа ргәаанагарала, Иупитер аҿы иҟоу аврорақәа рҟазшьа еиҳа еиӷьны аҭҵаара алнаршоит.

Акосмоснныҟәага “Иунона”

Апланета амҩанызақәа рҿы адгьылҵаҟатәи аӡытә океанқәа ыҟазар ахьалшо инамаданы — Европа, Ганимед, Каллисто — ари ацәырҵра аҭҵаара аинтерес ду аҵоуп. Аха, афинансттә проблемақәеи атехникатә уадаҩрақәеи ирыхҟьаны, XXI-тәи ашәышықәса алагамҭазы раԥхьатәи урҭ рыҭҵааратә проектқәа аанкылан — Америкатәи Europa Orbiter (Европа ақәтәарала акриобот аҵааҿы аус ауеит, насгьы агидробот адгьылҵаҟатәи аокеан аҿы аҭҵааразы), Jupiter Icy Moons Orbiter, иара убас европатәи Jovian Europa Orbiter.

Галилеи имҩанызақәа Europa Jupiter System Mission (EJSM) аҭҵааразы апланетатә миссиа 2020-тәи ашықәсқәа рзы НАСАи ЕКАи рымчқәа рыла иазԥхьагәаҭоуп. 2009 шықәса жәабранмзазы, ЕКА ирыланаҳәеит Иупитер аҭҵааразы апроект егьырҭ апроектқәа раасҭа аԥыжәара шаҭоу — Сатурн амҩаныза Титан аҭҵааратә проект (Titan Saturn System Mission). Аха EJSM амиссиа аҟәыхӡам. Уи аҳәаақәа ирҭагӡаны, НАСА апланета дуӡӡеи уи амҩанызақәа Европеи Иои рыҭҵааразы иазку ахархәага — Jupiter Europa Orbiter аргылара азԥхьагәаҭаны иамоуп. ЕКА Иупитерҟа даҽа станциак ашьҭраны иҟоуп, уи амҩанызақәа Ганимеди Каллистои рыҭҵааразы — Jupiter Ganymede Orbiter. Акосмостә роботқәа аҩбагьы 2020 шықәсазы ирышьҭраны иҟан, 2026 шықәсазы Иупитер инаӡаны хышықәса аус руратәы. Аҩ-аппараткгьы апроект Europa Jupiter System Mission аҳәаақәа ирҭагӡаны идәықәҵахоит. Уи адагьы, Иапониа аппарат Jupiter Magnetospheric Orbiter (JMO) ацхыраарала EJSM амиссиа иалахәхар алшоит, Иупитер амагнитосфера аҭҵааразы. Иара убас, EJSM амиссиа аҳәаақәа рҿы, Урыстәылеи ЕКА-и даҽа аппаратк (Лаплас - Европа П) Европа иқәдыртәарц ргәы иҭоуп.

2012 шықәса лаҵарамзазы, ирыларҳәеит ЕКА европа-урыстәылатәи аизгаратә миссиа JUICE (JUpiter ICy moons Explorer) мҩаԥнагоит ҳәа, Иупитери уи амҩанызақәеи рыҭҵааразы, ҵаҟа ҟазарц зылшо аокеангьы налаҵаны (Ганимед, Каллисто, Европа) 2022 шықәсазы идәықәланы Иупитер асистемаҿы 2030 шықәсазы инаӡарц, уи аан аурыс аппарат Ганимед аҟны итәаразы. Урыстәыла алахәхара азин аиууан 2022 шықәсазы Ганимед аҭҵааразы илбаауа аппарат архиара алшар. Аха илбаауа аппарат зыргыламхеит, 2017 шықәсазы апроект урысстәаалатәи ахәҭа аркын аҟәрышь аҟамзаареи атехникатә уадаҩрақәеи ирыхҟьаны.

2023 шықәса мшаԥымза 14 рзы апланетабжьаратәи астанциа JUICE (JUpiter ICy moons Explorer) адәықәҵара мҩаԥысит.

2024 шықәса жьҭаарамзазы, НАСА астанциа Europa ClipperЕвропахь идәықәнаҵеит. Астанциа 2030 шықәсазы Иупитер амҩаныза аҟынӡа инаӡоит ҳәа азԥхьагәаҭоуп, кырынтә уи иакәшаны, ахҟьа асканер ҟаҵаны, анаҩс Ганимедахь ахы рханы ицаразы.

Аорбитатә телескопқәа

Ателескоп “Хаббл” ацхыраарала, ҷыдала, Иупитер аҿы раԥхьатәи аультрафиолеттә диапазон аҟны иҟоу аврорақәа рфотоҭыхымҭақәа ҟаҵан, акомета Шоумейкерцәа-Леви 9 аԥҽыхақәа апланета ианаҿасуаз афотоҭыхымҭақәа ҟаҵан (иара уб. шәахә. хыхь.), иупитертәи аԥшаҵәиқәа рыцклаԥшреи егьырҭ аҭҵаарақәа жәпаки мҩаԥган.

Азҿлымҳаратә хылаԥшрақәа

Иупитер «абзиабаҩцәа рыпланета» ҳәа иашьҭоуп, избанзар ателескоп хәыҷы алагьы ирацәаны ахәҭаҷқәа убарҭоуп. Убас, 80-мм-тәи ателескоп ала (атмосфератә ҭагылазаашьа бзиақәа раан) иубарҭоуп ахәҭаҷқәа рацәаны: зҳәаақәа еиҟарам, аҭбааратә ган ала еиҵыху аӷазқәа, илашьцои илашои ашәытақәа. 150 мм инаркны апертура змоу ателескоп иунарбоит Идуу ашәыта ҟаԥшьи Иупитер амаҟақәа рҿы иҟоу ахәҭаҷқәеи. Ихәыҷу ашәыта ҟаԥшь 250 мм инаркны ПЗС-камера змоу ателескоп ала иубарҭоуп. Апланета 9 сааҭки 50 минуҭи инаркны (апланета аекватор аҿы) 9 сааҭки 55,5 минуҭи рҟынӡа (аполиусқәа рҿы) зныктәи аикәшара наӡа ҟанаҵоит. Уи аикәагьежьра ахылаԥшҩы уахык ала апланета зегьы ибартә еиԥш аҭагылазаашьа инаҭоит.

Ателескоп ала лабҿаба уанахәаԥшуа, ҵаҟа иаагоу афотоҿы ишаҳбо еиԥш, Иупитер ибзианы, еилыкка иубарҭахоит ҳәа ақәгәыӷра иаԥсам. Арҭ реиԥш иҟоу афотосахьақәа ҟалоит акомпиутер аҿы хыԥхьаӡара рацәала асахьақәа аус рыдулара абзоурала. Иупитер анаҩстәи аҷыдарақәа астроном-абзиабаҩ имарианы ибар илшоит:

• аеллиптикатә форма: аҵәира аццакра ду иахҟьаны, Иупитер аекватортә диаметр 9% рыла еиҳауп полиартә диаметр аасҭа;
• еиқәаҵәоу амаҟақәеи илашоу азонақәеи: ателескоп хәыҷы ала Аҩадатәии Аладатәии аекватортә амаҟақәа реиҩдыраара ҟалоит;
• алимбаҿы аҭылашьцаара, еиуеиԥшым аинтенсивра змазар алшо апланета адиск еиуеиԥшым аҵкарқәа рҿы (Амра, Адгьыл, Иупитер рҭыԥқәа инарықәыршәаны), насгьы уи зыхҟьо Амра алашара Иупитер атмосфераҿы Адгьыл ахь ианубаалаанӡа изнысуа абжьаӡара аиԥшымзаара ауп.

Еиҳа иуадаҩуп рбара аекватортә маҟақәа еиҟарам рыҵкарқәа, Идуу ашәыта ҟаԥшьи Иупитер аҵәиреи. Агәаҭаразы зегь реиҳа иуадаҩу аҷыдаҟазшьақәа рахь иаҵанакуеит:

• «Аҭыԥ ҟаԥшь аҭырҭәаа» — Аладатәи аекватортә маҟаҿы ашәыта иаԥнаҵаз «аҭра» ауп;
• Иупитер аладатәи еизадоу амаҟаҿы иҟоу агьежьеизыхәхәа шкәакәақәа;
• агьежьеизыхәхәа ВА, «ихәыҷу ашәыта ҟаԥшь», х-овал шкәакәак реицыларала иҟалаз Аладатәи еизадоу амаҟаҿы;
• Жәҩангәыԥшәы змоу акәаԥқәа еиқәаҵәоу аекватортә маҟақәа рыҵкарқәа рҿы, аԥсҭҳәақәа рыбжьара иҟоу абжьажьқәа;
• аиаҵәа ацырҟьақәа рҟынтәи аекватортә зона аҟынӡа инеиуа “афестонқәа”;
• аекватортә цәаҳәа;
• агьежьеизыхәхәа ҟаԥшьқәа;
• Абаржақәа — иҭшәоу, еиқәаҵәоу ацәаҳәатә формациақәа;
• Аҭырҟьа шкәакәақәа — ааигәа ишьақәгылаз аԥсҭҳәа ҳаракқәа рцәаҳәақәа ма ркәаԥқәа роуп.

Иара убас, астрономцәа-абзиабаҩцәа ирбарц рылшоит Иупитер иатәу Галилеи имҩанызақәа, насгьы урҭ рыгагақәа апланета адиск аԥхьа ианцо. Амҩанызақәа рхаҭақәа рыхәаԥшра уадаҩуп, избан акәзар урҭ Иупитер аҿықәи дареи рконтраст лаҟәуп. Ари аҭагылазаашьаҿы зегь реиҳа имарианы иубарҭоуп зегь реиҳа илашьцоу амҩаныза — Каллисто.

• 
  Иупитери Галилеи имҩанызақәеи абинокль ала рыхәаԥшра, 2009 шықәса, рашәарамза 22
• 
  Иупитер азҿлымҳаратә фотосахьа, 2004 шықәса, хәажәкырамза 14
• 
  Амза, Венера, Иупитер (хыхь армарахь). 2008 шықәса ԥхынҷкәынмза 1, Гуанчжоу, Китаи

Акультураҿы

Ихадароу астатиа: Иупитер акультураҿы

Илашоу ажәҩантә цәеижь аҳасабала, Иупитер ажәытәӡатәи аамҭақәа раахыс ахылаԥшыҩцәа рылаԥш хнакуеит, убри аҟынтә амҵахырхәаратә обиектны иагьыҟалон. Иаҳҳәап, асемиттә нцәахәы Гад икульт, индиатәи адинтә ныҳәа Кумбх-мел, китаитәи анцәахәы Таи-Суи уи иадҳәалоуп (шәахә. иара уб. Х-еҵәатә быргцәак”). Апланета иахьатәи ахьӡ амоуп Ажәытәтәи Рим аамҭақәа раахыс, уа инхоз рынцәахә ду ус ихьӡырҵон.

Иупитер астрологиаҿы ихадоу арольқәа назыгӡо иреиуоуп, уи амчреи, аизҳазыӷьареи, ақәҿиарақәеи ирсимволуп. Адырга ♃ (U+2643 Иуникод аҟны). Астрологцәа изларҳәо ала, Иупитер апланетақәа ираҳуп. Китаитәи афилософиаҿы, ахә-елементк рдоктрина аҳәаақәа ирҭагӡаны, апланета «амҿтәы еҵәа» ҳәа иашьҭоуп. Ажәытәтәи аҭиурқцәеи амонголцәеи агәра ргон ари апланета аԥсабаратәи асоциалтәи апроцессқәа ирныруеит ҳәа.

Апланета иара убасгьы еиуеиԥшым ҳаамҭазтәи асахьаркыратә аԥҵамҭақәа, ашәҟәқәа, афильмқәа, акомпиутертә хәмаррақәа, акомиксқәа уҳәа рҿгьы иуԥылоит.

Азгәаҭақәа

Акомментариқәа

Ахыҵхырҭақәа

Азхьарԥшқәа

• "Факты о Юпитере на сайте НАСА". Архивтәра аоригиналзы шықәсазы 13 мшаԥымза 2011 ахь.
• Учебная страничка по Юпитеру
• Фотографии Юпитера
• The Galileo Probe Mass Spectrometer: Composition of Jupiter’s Atmosphere (англ.)
• The Composition of the Atmosphere of Jupiter (англ.)
• Байконур: Юпитер — гигант нашей Солнечной системы
• Satellites of Jupiter Информация о крупнейших спутниках Юпитера (англ.)
• Jupiter's Clouds from New Horizons (APOD, 23 октября 2011)
• Учёные заглянули вглубь Юпитера
• Jupiter Section of ALPO-Japan-Latest (англ.)
• David Kindy (22 ԥхынгәымза 2021). "Amateur Astronomer Discovers New Moon Orbiting Jupiter". Smithsonian Magazine (англыз бызшәала).