Гагра араион

Гагра араион || Гагратәи араион (азыркьаҿра: Гаг. ар-н) — Аҧсны Аҳәынҭқарра араион.

Агеографиа

Гагра араион аҳәаақәа: аҩада — ашьхақәа, Аҧсныи Урыстәылеи рҳәаа, Ҧсоу аӡиас. Ажәытә, Жәҩакәареи Бзыҧ аӡи рыбжьара Бзыҧын иаҵанакуан, Жәаҩакәара анаҩс наҟ Ҧсоу аганахь асаӡқәа ирыдыҧхьаӡалан, амҳаџьырра ашьҭахь, аурысқәа, ари адгьыл Урыстәыла иадырҵеит «Пиленковская волость» ҳәа иашьҭан.

Аҭоурых

1904 шықәсазы Гагреи уи акәша-мыкәша иҟоу адгьылқәагь апринц Ольденбургскии дызхылаҧшуаз, Аҧсны «Сухумский округ» ҳәа изышьҭаз иалхны Шәачатәи аокруг иаларҵеит, 1917 шықәсазы уи аҭыҧахь ирхынҳәын. Аҧсны аиҳабыра рыбзоурала Гагреи Ҧсоуи ирыбжьанакыз «Пиленковская волость» иара убас Аҧсны иазырхынҳәын 1929 шықәсазы. Убри ашьҭахь ауп Гагра араион хазы ианышьақәагылагь. Уи иахьа еиднакылоит ақалақь Гагра, ақалақь ҟазшьа змоу аҳаблақәа — Пицундеи, Цандрыҧшьи, иара убас жәеиза қытеи — Алаҳаӡы, Хышәҳа, Бзыҧ, Ҧсахара, Гьачрыҧшь, Лӡаа, Маҳадыр, Мқьалрыҧшь, Ҳашҧсы, Амзара, Арасахәы.

Атерриториа

Атерриториа – 772 км².

Аланхо

Араион иаланхо – 40 217-ҩык. (2011 ш.).

Аиланхарҭақәа

Ақалақь Гагра иаҳҭнықалақьуп.

Ақалақьқәа ҳаблауп:

• Ҧицунда
• Цандрыҧшь
• Ҧсахара
  • Аҿыҧсҭа
  • Гаграҧсҭа
  • Цангәара
  • Аӡаҧшь
  • Аҳәыҳәшәара
• Гьечрыҧшь
  • Ҧсоу
  • Ҧшоухәа
• Алаҳаӡы
• Хышәҳа
  • Аҽмарда
  • Чыгәрха
  • Амгәашхәҵа
  • Агкқәа
• Бзыҧ
  • Аҭыӡҭа
  • Арасаӡыхь
  • Аҟәара
  • Бзыҧҭа
  • Аџьрҩара
  • Ӡыхьҿа
• Лӡаа
  • Аџыџьқәа
  • Раҧыҵа
• Маҳадыр
  • Мҧаадрыҧсҭа
  • Ҧшашьха
  • Аздрыҧшь
  • Кацырха
  • Хсырхә
• Мқьалрыҧшь
  • Хышәҳарыҧшь
  • Лакырха
  • Бенчахәы
  • Ҧхысҭа
  • Баҕрыҧшь
• Ҳашыҧсы
  • Арасаӡха
  • Ахәырасқәа
• Амзара
  • Асабулеи
  • Лаҧсҭарха
• Баҕрыҧсҭа
  • Аныхаҧсҭа
  • Арасахәы
  • Чыгрыҧшь
• Аибҕа