Возба, Анатоли Бата-иԥа
| Анатоли Бата-иԥа Возба | |
|---|---|
| Анатолий Батович Возба | |
.jpg) Анатоли Бата-иԥа Возба | |
| Аира |
рашәарамза 22, 1932 ш. Лыхны ақыҭа, Гәдоуҭа араион, Аԥснытәи АССР |
| Аԥсра |
ажьырныҳәамза 26, 1994 ш. Аԥсны Аҳәынҭқарра |
| Апсевдоним | Кыжә-иҧа |
| Аусура |
ашәҟәыҩҩы, прозаик, Ауаажәларратә усзуҩы, ажурналист, апоет, драматург |
| Абызшәақәа | аурыс бызшәа |
| Атәылауаҩра |
Аԥснытәи Автономтә Советтә Социалисттә Республика, Аԥсны Аҳәынҭқарра, Асовет Еидгыла |
| Алма-матер | Абхазский государственный университет |
Анатоли Бата-иԥа Возба (аур. Анатолий Батович Возба; рашәарамза 22, 1932 ш., Аԥсны, Гәдоуҭа араион Лыхны ақыҭа - ажьырныҳәамза 26, 1994 ш.). Ашәҟәыҩҩы, ажурналист, ауаажәларратә усзуҩы. СССР-и Аԥсни рышәҟәыҩҩцәа Реидгылақәеи СССР-и Аԥсни ржурналистцәа Реидгылақәеи дрылан. Дыҩуан аԥсышәала.
Абиографиа
[аредакциазура | акод аредакциазура]Ашәҟәыҩҩы иԥсҭазааратә мҩа акыр илакьуан, дышқәыԥшӡаз иаб диԥхоит. Иашьеи иареи аибара дмырбакәа ран Зиза илааӡеит. Иқыҭаҿ абжьаратә школ даналга дҭалоит Москватәи аихамҩаргыларатә институт, аха актәи ашықәс аан иҭаацәаратә ҭагылазаашьа ауадаҩра инамаданы аҩныҟа дыхнымҳәыр амуит. Ега ус акәзаргьы, аҵара гәҭакыс измаз аҷкәын 1954 ш. А.М.Горки ихьӡ зхыз Аҟәатәи аҳәынҭқарратә арҵаҩратә институт дҭалоит. Хәышықәса рышьҭахь иҵара хыркәшаны иқыҭахь дцоит, Лыхнытәи абжьаратә школ аҟны аусура далагоит, хара имгакәа Гәдоуҭа араион аҵара аҟәша ашҟа диасуеит. Арантә диаргоит араионтә газеҭ «Бзыԥ» аредакциахь. «Бзыԥ» еиԥш, иҩымҭақәа анылон агазеҭ «Аԥсны ҟаԥшь» («Аԥсны»). Ажурналист изанааҭ ицааиуан, ибызшәа беиан. Дышнеи-шнеиуаз аредактор ихаҭыԥуаҩс диаргоит, аҵыхәтәан редакторсгьы дыҟан. Акьыԥхь ианиҵаз иҩымҭақәа рыла ихьӡ аԥхьаҩцәа еицырдырит, агазеҭгьы аҳаҭыр шьҭнахуан.
1950-тәи ашықәсқәа рҽеиҩшамҭа нахыс аамҭа ҿыц аира ицәырнагон абаҩхатәрақәа. Усҟантәи абиԥара дреиуаны дцәырҵит Анатоли Возба, ирылукаауазгьы дыруаӡәкын.
Арҿиара аус мацарала иҽҭахикаауамызт, иԥсҭазаара зегьы ижәлар рымаҵ аура иазкын, аԥсадгьыл азы ақәԥаҩцәа дреиуан. Амилаҭ-хақәиҭратә қәԥара далагылан. Аҵыхәтәан, Аԥсны жәлар рфорум «Аидгылара» анеиҿкахаагьы, иара ари ахеидкыла Гәдоуҭатәи аҟәша напхгара аиҭон. Аԥсны ауаажәларра-политикатә ԥсҭазаара иазкны ииҩуаз, агазеҭ ианиҵоз истатиақәа, ишырҳәо еиԥш, ицҳафыруа иҟан, ажәлар ирылаҵәахьан, еснагь иазԥшын арҿиаҩы иажәа. Апублицист ҟаза еснагь аамҭа шизымхозгьы, игәыгәҭаижьуамызт алитература. Асахьаркыратә литература иаҵанакуа аҩымҭақәа маҷымкәагьы иҭижьит.
Абиблиографиа
[аредакциазура | акод аредакциазура]- аԥсышәала: Кьахь Ҳаџьараҭ. Аповест. Аҟәа, 1960.
- Агәыӷра ашә аартызароуп. Ажәабжьқәа. Аҟәа, 1966.
- Аӡбаҩцәа дрысҭоит. Аиумортә жәабжьқәа, Аҟәа, 1971.
- Амра аҽарыцқьоит. Ажәабжьқәа, Аҟәа, 1979.
- Ашыц мҳаҵә. Аиумортә жәабжьқәа. Аҟәа, 1981.
- Кьахьба Ҳаџьараҭ. Ароман. Аҟәа, 1986.
- Иҩымҭақәа. Ҩ-томкны. Аҟәа, 2010-2011.
- аурысшәала еиҭаган: Ҳаџьараҭ Кьахьба. Ароман. М., 1991.