Венедиктова, Надежда Иури-иԥҳа

Надежда Иури-иԥҳа Венедиктова
Надежда Иури-иԥҳа Венедиктова
	Надежда Юрьевна Венедиктова
	; Надежда Иури-иԥҳа Венедиктова
Аира	жәабранмза 28, 1952 ш. ; Урыстәыла, Новгород ақалақь
Аусура	аурыс поет, апрозаик, апублицист, аиҭагаҩ, ауаажәларратә усзуҩы

Надежда Иури-иԥҳа Венедиктова (аур. Надежда Юрьевна Венедиктова; жәабранмза 28, 1952 ш., Урыстәыла, Новгород ақалақь) – аурыс поет, апрозаик, апублицист, аиҭагаҩ, ауаажәларратә усзуҩы.

Абиографиа

Аҟәатәи ажәиԥшьтәи абжьаратәи ашкол далгеит (1970) иара убас – акультура Москватәи аҳәынҭқарратә институт (1976). 1977-1978 шш. рзы аус луан Москватәи аобласт абиблиотекақәа рҟны. 1979-1987 шш. раан И. Г. Папасқьыр ихьӡ зху Аԥснытәи Амилаҭтә библиотекаҿ аусура хацлыркит, нас – абиблиотекар хадас диасит, уи нахыс – аилыркаага-библиографиатә ҟәша деиҳабын.

1990-1992 шш. раан – альманах «Литературная Абхазия» аредактор хада ихаҭыԥуаҩс дыҟан. 1992 ш. август мза инаркны 1993 ш. азынӡа Аԥсны Аџьынџьтәылатә еибашьра инамаданы Аҟәантә Крымҟа диасыр акәхеит, нас – Урыстәылаҟа. 1994-1995 шш. рзы Аԥсны аинформациеи акьыԥхьи рминистрра аналитикатә ҟәша деиҳабын, 1995 ш. – аҳәынҭқарратә информациатә агентра «Аԥсныпресс» аналитикатә информациатә ҟәша напхгара алҭон. 1996-2000 шш. Аԥсны аурысгәа ргәыԥ Аконгресс аусура далахәын. 1998-1999 шш. рзы – альманах «Литературная Абхазия» аредактор хада. 2000-2008 шш. раан – Аԥсны аиҳабыра иртәымыз ажурнал «Гражданское общество» аредактор. 2008-2009 шш. рзы – агазеҭ «Эхо Абхазии» ашеф-редактор; 2011-2013 шш. – альманах «Южный Кавказ» алитературатә редактор.

Ажәабжьқәеи, астатиақәеи, аессе, аочеркқәеи, Аԥсни уи атәылауааи, ауаҩытәыҩса ҳаамҭазтәи ипроблемақәеи ирызкуп; иҭлыжьит ароман «Сухумский отшельник».

Лҩымҭақәа ркьыԥхьуан ажурнал «Знамя» (Москва, 1977-2014), альманахқәа «Дикое поле. Донецкий проспект» (2003-2005), «Дом под чинарами» (Қарҭ, 1981-1985), «Литературная Абхазия» (1991, №2), «Южный Кавказ» (2011, №1) уҳәа егьырҭгьы.

Аԥсуа шәҟәыҩҩцәеи апоетцәеи жәпаҩык рҩымҭақәа аурысшәахь еиҭалгеит: А. Н. Гогәуа, (ажәабжьқәа «Дурная кровь», «Туман»), Г. С. Кәыҵниа (ажәеинраалақәа), И. И. Хәарцкиа (ажәабжь «День волчьего купания») уҳәа егьырҭгьы.

Абиблиографиа

Комплимент – оружие сильных. Стихи. Сухуми, 1990.
Тоска по совершенству. Стихи. Сухуми, 1992.
Сухумский отшельник. Роман.Сухум. 1999.
Цезарь и Венедиктова. Роман, рассказы, эссе. Сухум, 2010.
Вожделение интеллекта к яблоку… Стихи. Сухум, 2014.

Азхьарԥшқәа