Быҭәба, Дырмит Иуан-иԥа
| Дырмит Иуан-иԥа Быҭәба | |
|---|---|
| Дмитрий Иванович Бутба | |
.jpg) Дырмит Иуан-иԥа Быҭәба | |
| Аира |
жәабранмза 2, 1951 ш. Аҭара ақыҭа, Очамчыра араион, Аԥснытәи АССР |
| Аԥсра | хәажәкырамза 24, 2022 ш. |
| Аусура | 24 |
| Абызшәақәа |
Аԥсуа бызшәа, аурыс бызшәа |
| Атәылауаҩра |
Асовет Еидгыла, Аԥсны Аҳәынҭқарра |
| Алма-матер | Абхазский государственный университет |
| Анашьамҭақәа |
орден «Честь и слава» III степени, Медаль «За отвагу» (Абхазия) |
Дырмит Иуан-иԥа Быҭәба (аур. Дмитрий Иванович Бутба; жәабранмза 2, 1951 ш., Аԥсны, Очамчыра араион Аҭара ақыҭа – хәажәкырамза 24, 2022 ш.) – ашәҟәыҩҩы, апублицист. Аԥсны ажурналистцәа Реидгылеи (1992) Аԥсны ашәҟәыҩҩцәа Реидгылеи (2018) рлахәыла. Ианашьан «Ахьӡ-Аԥша» аорден ахԥатәи аҩаӡара, амедалқәа «Агәымшәаразы», «Аиааиразы». Дыҩуан аԥсышәалеи (асахьаркыратә ҩымҭақәа) урысшәалеи (аҭоурыхтә публицистика).
Абиографиа
[аредакциазура | акод аредакциазура]Аҵара иҵон Л. Б. Кәыҵниа ихьӡ зху Аҭаратәи ажьаратәи ашкол аҟны. И. А. Коӷониа ихьӡ зху Кәтолтәи абжьаратәи ашкол далгеит. 1980 ш. Аԥснытәи аҳәынҭқарратә университет далгеит.
1969-1972 шш. раан Асовет аррамаҵура дахысуан. 1974 ш. инаркны аус иуан Тҟәарчалтәи ақалақьтә нагӡком афинанстә ҟәша аинспекторс. 1980-1991 шш. раан аус иуан Тҟәарчал ақалақь ауааԥсыра рыбзазаратә маҵура аҟны. 1993 ш. Тҟәарчалтәи араионтә газеҭ «Тҟәарчал абжьы» аредакторс дыҟан. Аԥсуа жәлар рмилаҭ-хақәиҭратә қәԥара далахәын.
Д. Быҭәба 1996 ш. Аҟәаҟа диасуеит. 1997 ш. Ҷ. М. Џьонуа ихьӡ зху Аҟәатәи 13-тәи абжьаратәи ашкол анапхгаҩыс дарҭоит. 2008 ш. инаркны Аԥсны Арбџьар Мчқәа рмузеи деиҳабын.
Акьыԥхь аҟны дцәырҵит 1970-тәи ашықәсқәа инадыркны. Иажәабжьқәеи ипублицистикатә ҩымҭақәеи рнылон агазеҭ «Тҟәарчал абжьы», ажурнал «Алашара» уҳәа егьырҭ апериодикатә ҭыжьымҭақәа.
Абиблиографиа
[аредакциазура | акод аредакциазура]- аԥсышәала: Мрагыларатәи афронт ахроника. Аҟәа, 1996.
- Мрагыларатәи афронт (2-шәҟәыкны), Аҟәа, 2005.
- Быҭәаа рхылҵшьҭра. (Аетнографиатә очеркқәа). Аҟәа, 2015.
- Абырлаш мацәаз. Ажәабжьқәа. Аҟәа, 2016.
- Амшмыхәла. Аҭоурыхтә роман. Аҟәа, 2018.
- Ардимон. Аҭоурыхтә роман. Аҟәа, 2021.
- урысшәала: Краткий обзор историографии абхазских войн. Сухум, 2009.