Адаргьынцәа
Адаргьынцәа (адаргь. Дарганти) — Даӷьсҭантәи жәларуп, Кавказ ажәларқәа иреиуоуп, ҭоурыхла Даӷьсҭан агәҭантәи ахәҭаҿы инхоит. Урҭ европатәи араса кавказтәи атип иаҵанакуеит. Адаргьынтәи адинхаҵаҩцәа Шафии мазҳаб аҟны иҟоу асунниттә ислам рыдыркылоит.
Даӷьсҭан Ареспублика ауааԥсыра рҟынтә 17% даргьынцәа роуп. 2002 шықәсазы Урыстәылазегьтәи ауааԥсыра рҭаҩра инақәыршәаны, 510 нызқьҩык адаргьынцәа ыҟан, урҭ рҟынтә 426 нызқьҩык Даӷьстан инхон. 2010 шықәсазы Урыстәылазегьтәи ауааԥсыра рыԥхьаӡара инақәыршәаны, Урыстәыла инхон 589,386 даргьынцәа, урҭ рҟынтә 490,384 Даӷьстан инхон; 2021 шықәсазы Урыстәылазегьтәи ауааԥсыра рҭаҩра инақәыршәаны, 626,601 уаҩы ыҟан, урҭ рҟынтә 521,381 уаҩы Даӷьсҭан инхон.
Абызшәа
[аредакциазура | акод аредакциазура]Адаргьынцәа ирҳәоит Нхыҵ-Кавказтәи абызшәатә ҭаацәара анах-даӷьсҭантәи аҟәша иаҵанакуа адаргьын абызшәа. Адаргьын бызшәа адиалектқәа рацәаны ишоуп, урҭ рахь иаҵанакуеит акушински, урахински, цудахарски, каитагски, кубачи, чырагски, мегебски уҳәа убас иҵегьы.
Адин
[аредакциазура | акод аредакциазура]Ажәытәан урҭ адинтә ҵасқәа ирықәныҟәон, насгьы еиуеиԥшым ахьӡқәа рыла еицырдыруаз еиуеиԥшым анцәахәқәа ирымҵахырхәон.
Ԥыҭрак ашьҭахь урҭ ақьырсианра рыдыркылеит, 14-тәи ашәышықәса инаркны еиҳарак аԥсылманра рыдыркылеит.
Азгәаҭақәа
[аредакциазура | акод аредакциазура]- ↑ "Флаги различных национальностей России". Иархивтәоу аоригиналзы 2020-11-25 ахь. Ириашоу 2015-02-13 шықәсазы.
