Дырмит Гәлиа

Авикипедиа, аенциклопедиа хту
Перейти к: Анавигациа, Аҧшаара
Дырмит Гәлиа 10 ҧсарк ашьҭахьтәи аган

Дырмит Иасыф-иҧа Гәлиа (жәабран 9 (21) 1874 шықәсазы, Уарча ақыҭа, Аҧсны Аҳәынҭқарра - мшаҧы 7 1960 шықәсазы, Агәыӡера ақыҭа, Аҧснытәи АССР) - Апсны Жәлар ашәҟәҩҩы, аҧсуа ҩыратә литература ашьаҭаркҩы.

Абиографиа[ариашамҭа]

Дырмит Иасыф-иҧа Гәлиа диит хәажәкыра 21, 1874 шықәса рзы Уарча ақыҭан анхаҩ ҕар иҭаацәараҟны. Дшыхәҷыз иҭаацәеи иареи мҳаџьырра Ҭырқәтәылаҟа иахыган, аха уи иаб илшеит иҭаацәа рыҧсадгьылахь рыргьежьра.

1892 ш. рзы Д.Е. Гәлиа К.Д. Маҷавариани дицырхырааны еиқәиршәеит аҧсуа нбан. 1912 ш. рзы иҭыҵит Д.Гәлиа раҧхьатәи иажәеинраалақәа реизга.

1921 ш. рзы Гәлиа еиҿикааит, напхгарагьы азиуит аҧсуа театралтә труппа. Уи аҧсышәала иҭыҵыз раҧхьатәи агазеҭ “Аҧсны” аредақторс даман. Д.Гәлиа иҩит раҧхьатәи аҧсуа новелла “Атәым жәҩан аҵаҟа”. (1919).

Аҧсуа литература аҿиараҟны Д.Гәлиа ироль дууп. Уи абызшәеи, аҭоурыхи, аҧсуаа ретнографиеи, ахрестоматиеи, арҵага шәыҟәқәеи акыр дравторуп. Уи иара убас аҧсышәала еиҭеит Аевангелиеи ақьырсиантә матанеирақәеи.

Д.Гәлиа иҧсҭазаара далҵит 1960 шықәса рзы, Агәӡера аҳаблан.

Абара[ариашамҭа]